الحلقة ال9 من رواية //:
#مغتربة_ف_وطن_العشق ..: 💌🌿
:::::::::::::::::::::::::::::::::::::::::::::::::
( خشيت .. كانت المحادثة قصيرة بالنسبة ليه ... بس بالنسبة ليا كاانت طويلة بتفكيري ف الموضوع الي يبيني فيه )
.::::::::::::::::::::::::::::::::::::::::::::::::::::::::::::::::::::::.
( ف #الحوش )
ملاكـ :: ( ماما كانت لاهية في الكوجينة من أولـ ماوصلت خشيت سلمت عليها وخشيت بدلت حوايجي ... )
صفاء :: ( رجعتلها تاني ) شن ديري ماما .... ( قدمت وفتحت ثلاجة )
ملاكـ :: ندير ف كيكه حبيبتي ... عطيني لكريمة من دولاب واضربيها ...
صفاء :: ( صكرت ثلاجة وشبحتلها ) كيف بنجيبهالكـ وبنضربها ؟
ملاكـ :: ( شبحتلي ) بلا تدقيق ي بنتي الباردة هههههـ ,,,
صفاء :: ههههههههـ ,,,
الباب :: طق طق طق ... طق طق طق .
ملاكـ :: بري شوفي مني ..
صفاء :: أكيد قوت ...
"""""""""""""""""""""""""""""""""""
( ف صالة )
صفاء :: كيف قلت لي ماما اكيد قوت ... خوشي ..
قوت :: ( خشت للمطبخ ) اااااااخ خويلة ريحة لي برا ... كيف حالكم اليوم ؟
ملاكـ :: حبيبتي ههههـ ,, الحمد لله وانتي ؟ وكيف حال مامتكـ
قوت :: الحمد لله كلنا بخير يسلمو عليكـ ... شن أديري ؟
( قالتها وهيا تشبح لي صفاء الي كانت حاشية راسها في دولاب وتبربش )
صفاء :: ندور في حاجة تتاكل في الحوش هذا ... شن هالفقر هذا الهم
ملاكـ :: ( شهقت ) هييييييييييه !! ... خيرها هاااذي ... تعالي ي فرخة اهو درتلكـ رز كولي انتي وقوت
صفاء :: ( عيوني ولو قلوب قلوب ... أنا نقطة ضعفي الماكلة ) الله ... هيا قوت تعالي .......
قوت :: هههههـ ,,, نبدلـ حوايجي ونجي ...
ملاكـ :: صلي بنتي ... ( شبحت لي صفاء ) الله يهديكـ ههههـ
صفاء :: هاديني غير وكان معاش نخالطكم ..
ملاكـ :: العفوو ! ههههههـ
( انا ولا ضحكة ولا حتى ابتسامه ... )
........................................................................
( مع العشية )
( تغديت انا وقوت ... ماما وقوت كانو يضحكو ويبصرو وجوهم حلو ... أنا أكتفيت بي الاكل وسكوت لي فترة زمنية .. كنت نفكر ف الامتحانات وتعب ونتيجة الي بطلع روحي باش تطلع .... )
( مع العشية جي وقت مشيت ماما لي حوش خويلة وبصراحة ماعنديش خلوق خشيت وتغطيت ودرت روحي رااقدة ... )
( جت قوت وحاولت تفيقني وانا قلتلهم برو انتو انا بنرقد شوية ونجيكم .... )
......................................
( ف حوش #أصالة )
........................................................................
( واخيراً )
واخيراً جي دوري ف الكلام ههههههـ ,, اكيييد تعرفو عليا كلـ شئ لساني طويل ومطرشقة وتقدرو تقولو صفاء نص وانا نص ونكملو بعض ههههههه، ,, قوت ... هذا اسمي ...
...
( كان الجو يهبل ف حوش خويلة أصالة رغم انه ماكنتش نبي نجي من غير صفاء لكن خويلة ملاك شدت فيا فا مشيت ... كنا مقعمزين ف صالون ومدايرين قهوة ونهدرزو ونضحكو وجو حلو .. )
سوسن :: تبو سمينسة ؟
ملاكـ :: مانقولش لا هههههـ
أصالة :: ( فنصت بطريقة مضحكة شوية ) تعرفيها أدمان ههههههـ جيبي جيبي ..
سوسن :: باه امالا ندير قهوة تاني ... اعطيني نكلم صفاء باش نجيبها ونهدرزو مع بعض ...
قوت :: تو نكلمها ..
سوسن :: تعالي معاي المطبخ ...
قوت :: هي ...
........................................................................
( ف المطبخ )
( خشينا للمطبخ سوسن كانت ادير ف قهوة وانا كنت نرتب معاها ومدايرة سمعاتي )
قوت :: ايوا ؟
صفاء :: ( بصوت مخنوق ) نعم ؟
قوت :: خيركـ حبي ؟؟؟؟؟
سوسن :: ( سيبت الي في ايدها وجت وقفت جنبي ) .. ( درات حركة بي عيونها متع خيرها )
قوت :: ( رديت عليها بي حركة بي فمي متع مانعرفش ههه) صفوو ؟
صفاء :: ايوااه ؟
قوت :: خيركـ ؟
صفاء :: شئ كنت نصلي شن تبي ؟
قوت :: تعالي ... تعالي خالتي اصالة وسوسن يسألو عليكـ ,,,
سوسن :: ( جت علت صوتها جنبي ) تعرفي ماتجيش نوريكـ
قوت :: ههههـ سمعتي ؟
صفاء :: هههههـ باه حاضر شوية نبدل ونجيكم
قوت :: ماشي غلاي ....
سوسن :: انا طالعة هيا ...
قوت :: يالله سلامات ........ ( صكرت ) اطلعي نغسل الماعين ونجي
سوسن :: عينكـ تعالي هيا مدامها بتجي نديرو بعدين قهوة ..
قوت :: والله ماصارت بري انتي ارفعي سمينسة انا نضمهم ونجي
سوسن :: تي لالا والله ماصارت غير هيا ...
قوت :: شن بناتنا معقولة بنولو جيراان واعز يالله بلا جوو تو نضهمهم شن هما هما فناجين بس
سوسن :: بااااه حبي .. ههههههـ ,,
قوت :: تبي حاجة تعالي بنحط سماعات ماه هههههههه.
سوسن :: تم ههههههههـ ,,,
........................................:
( طلعت سوسن وهيا ماشية فتح باب شقة )
.......
أمير :: قردةةة ..
سوسن :: قردة ف عينكـ ,,,,
أمير :: ( سمع صوت النساوين ) من في .؟
سوسن :: خالتو ملاك وماما بس ..
أمير :: ااه .... باه جيبيلي ميااه .. ( وخاش لي دااره )
سوسن :: وجيبها بروحكـ شن محني وانا مانعرفش ..
أمير :: تتحمشي واسمعي الكلام عاد ...
سوسن :: لاااا امشي بروحكـ ,,
( سوسن راحت من بالها قوت من كثر ما أمير يتسفز فيها بي حركاته كا اخ يعني يتبرد )
أمير :: هههههههه,, باهي باهي تو نوريك ..
:....................................................:
( ف المطبخ )
أمير :: ( أول ماخش ... ) اووبه ... سلام عليكم ..
قوت :: ( هيااا وين وسمع وين )
أمير :: ( كان يحسابها ماتبيش ترد ) سلااام عليكم ...؟
قوت :: ( ولا حس ولا خبر ههههه )
امير :: ( أبتسم باتسامه خبث ورفع حاجب واحد ..سند كتفه ع الباب وربع ايديه وقعد يتفرج عليها )
قوت :: ( ...... وقف الاغنية وهيا كملت تلفتت ومنزلة راسها تشبح لي تلفونها بعد ماصكراته قامت راسها وكانت نتيجة ) هييييييييييه ... ( غمضت عيونها )
أمير :: ههههههههههههههـ ( ضحكـ من قلبه .... )
قوت :: ( فتحت عيوني وتكلمت بي صوت واطي ) غبي ! ....
أمير :: خلعتكـ ؟ هههـ ( بي استفزاز )
قوت :: غبي قلبي قريب طاااح ...
أمير :: ماتخافيش كنت حانشده ... ( رفع حواجبه بي طريقة مستفزة وغمزلها )
قوت :: ( جت طالعة )
أمير :: ( وقف قدامها )
قوت :: وسع ....
أمير :: علاش ؟
قوت :: بنزغرط .... انت شن رايك يعني واحدة جاية جيهت الباب وااضح انها بتطلع
أمير :: ( لاتعليق ..... كان يشبحلها عيونه مبتسمين بي طريقة مستفزة نوعاً ما ... كان يشبحلها ويشبح لي عيونها خصيصاً )
قوت :: ( هزيت بي رأسي ) خييير !. .. مش حاتبعدلي ؟
أمير :: ( سكت شوية وبعدين ... تكلم بي كلـ هدوء ) عيونكــ حلوين ..
قوت :: ( بي مجرد نطق كلـ حرف من كل كلمة من الي قالهم حسيت بي القشعريرة وبي احساس خله كل جسمي ينفض نفض من البرد ) ( لاتعليق )
أمير :: ( قرب خطوتين ... ) ( قرب عيونه ليها اكثر ) ( بصوت هادي قاتلـ روماانسي شاعري ) يجننو ..
قوت :: ( أكتفيت بي اني نزمط ريقي بي صعوبة من شدة الموقف الي اولـ مره ننحط فيه ... )
أمير :: ( أبتسم شوية .... وبعدين >> ) زعما في حد فيهم ولا عندي حرية الموقف نحتلهم ؟
قوت :: ( انا هنا نفسي هرب في كل كلمة من جملته ليها معناااه قاتلـ ... مانعرفش علاش حسيت بي كلامه حسيت بيه ف كل حرف ف كل لحظة في كل لمعة في عينه ) ( تشجعت لي نلوحله كلمات لانه خفت يكون صايع ويتسهوكـ *) موضوعكـ فاشلـ ... يعني لي كم بنت قلتها قبلي .... وبالنسبة لي عيوني فاهلبه الي يقولو فيها يعني وفر ع نفسكـ تعب لسانكـ ) ( نزلت عيني وخرت وجيت بنطلع )
أمير :: ( مسكـ ايدها من غير مايتلفتلهم يعني عينه ماتغيرتش من مكانها ) كذابة ...
قوت :: نعم !
أمير :: ( شبحلها ) عيونكـ من شدة جمالهم مايعرفوش يكذبو .. يعني انا أولـ من قالكـ هكي ...
قوت :: ( أنسحب لساني ومعاش عرفت شن نقول ... بطني قعدت تووجع بصراحة و خدودي من حراارتهم بدو حمر ) لا مانكذبش ..
أمير :: ترا اقعدي 5 دقائق بس اشبحي لي عيوني كان قدرت تتحملي معناها ماتكذبيش ....
قوت :: تحسابني فااضية ... ( جيت بنطلع ... )
أمير :: ( شد ع ايدها اكتر ) جرببي ...
قوت :: باه ..... ( تحدي كاان جزيم .... )
أمير :: ( كان يشبحلها بي كلـ حنيه بكلـ مشااعر مش معروفة يشبحلها وذاايب في عيونها )
قوت :: ( انا كنت بنموت من الخوف الي كان داخلي ... عيونه كانو حلوين بصراحة رمووشة ... انا معاش عرفت كيف نتصرف )
أمير :: ( بصوت هادي منخض شاعري ) انا معاش نقدر ...
قوت :: ( بنفس لكنة صوت ) علاش ؟
أمير :: ( بي نفس لكنة صوت ) لانهم هبلوني ..
قوت :: ( أكتفيت بي انه ناخد نفس نااخد شهيق طوووويل وكأنه المطبخ معاش فيه اكسجين وكأنه بديت ننخنق نوعاً ما ... كأني اول مره نسمع كلام حلو ... بس بصراحة اول واحد يتكلم ع عيوني هكي ... حتى نزار ولا نقوللكم فوتوه )
أمير :: ( سيب ايدي و قرب خطوتين ) ردي بالكـ عليهم بدو يهموني ههههـ ,, ( وطلع )
قوت :: ( حطيت ايدي ع رخامه وقعدت نغمض في عيوني ونفتح ونحاول ناخد نفس بس مش قادرة من شدة المشااعر المخنوقة من طريقة صوته كلامه نضرته ماعرفتش شن فيه خلاني نكون صغيرة ع الحب ههههـ )
........................................................................
( قدام حوش اصالة )
صفاء :: ( كيف كنت بنطقطق )
قصي :: أهلاً ...
صفاء :: ( شبحتله ) ي اهلين ..
قصي :: جايتينا ؟
صفاء :: اي ماما وقوت هنا .
قصي :: ( كانت في ابتسامه ع وجه فجأة ... قرن حواجبة بي تسهويكـ ) خيره وجهكـ ؟
صفاء :: ( أبتسمت ابتسامة انكار ) لا عادي ..
قصي :: ( مبتسم وقارن حواجبه ... سند ضهره ع لحيط الي جنب باب شقة وحط رجل ع الحيط وراسه نفس شئ ع الحيط ) زعما ؟
صفاء :: ههههههـ شنو بتبداء ف حقوق صداقة من توا
قصي :: بالكـ عندكـ مانع ؟
صفاء :: لا كانه هوا تحقيق هكي معاش نبي ههههههـ
قصي :: ( اختفت ابتسامته ) مش بكيفكـ ,,,, انا خلاص وافقت ع شرطكـ ومعاش تقدري تتراجعي
صفاء :: ههههـ لالا عادي نبصر ...
قصي :: خيركـ ؟
صفاء :: مضايقة شوية ...
قصي :: نفس الموضوع الامتحاانات ؟
صفاء :: اي ...
قصي :: ( وقف كويس .. ) تعالي معاي ( وجي جيهة دروج بينزل )
صفاء :: وين ؟
قصي :: ( وهوا مبتسم .. شدلها ايدها ) تعالي وانتي سااكتة ..
.......................................................................
( قدامـ #ألعمارة )
( أولـ ماشد ايدي حسيت بي تكهريبة غريبة ركبت فيا ... وهوا كان عنده عادي ماطلقش ايدي لين وصلنا قدام البحر الي قدام حوشنا كان في كرسي فاضي مشينا قعمزنا فيه .. وسحب ايده اول ماقعمزنا ... )
قصي :: أحكي ...
صفاء :: هههـ شن بنحكي ؟
قصي :: ألي مضايقكـ وانا بنسمع ...
صفاء :: بالهي اسحب كلمتكـ خير ماينتفخ راسك هههههه
قصي :: ( كلـ كلامه من غير ولا ابتسامه ) لا عادي ... انا نبي نسمعكـ ,,,
صفاء :: .............................( حكيت معاناتي ف دراسة)
قصي :: ( رفع حواجبه ) بس ؟
صفاء :: اي ..
قصي :: ههههههههههههههههـ
صفاء :: ( قرنة حواجبي ) شن الي يضحكـ ؟
قصي :: كويس اهو عرفت انكـ مهبولة وهاذي أول حاجة خلي نسجلها ههههههـ ,,, معقولة ع خاطر لقراية ضايقي هالوجه الحلو وتزعلي هالعيون وتعبيهم ؟
صفاء :: ( تلفتت طووول للبحر وجي خاطري نكشخ عليه لانه مافيش حد نقدر نكلمه في هذيكة لحظة كاهروب الا هكي .. )
قصي :: اشبحيلي ..
صفاء :: نسمع فيكـ ,,
قصي :: ( رفع ايده ولفلي وجهي ) لا انا هكي نرتاح اكتر ..
صفاء :: ( ناار كانت صديقة دربي ف وقتها ركبت فيا من ساسي لي راسي ... ) ( رديت وجهي للبحر تاني )
قصي :: ( تبص راسه ) قلت حاجة غلط ؟
صفاء :: ( غمضت عيوني )
قصي :: صفاء ؟
صفاء :: ( نفس شعور نفش القشعريرة ونفس نار ونفس الاحسيس الي تراااودني لما يقول اسمي احسااااااس حلوووو يخلي جسمي كله يرعش ) اي ...
قصي :: شنو ؟ ( بي صدمة )
صفاء :: ( تلفتله ) انا نتحشم راااه ... شن هذاااا معاش تقول كلام هكي ... شن وجه حلو وعيون مش عارف شننوو انا راااني نتحشم الغبابير ... ايواااه ..
قصي :: ( ضحك ضحكت العمر الي تمنيت لو نسجلها ونحطها رنة تلفوني لي درجة نزل راسه ) هههههههههههههههههههههههههههههـ
صفاء :: ( شبحتله بي غضب ) شن الي يضحكـ توا ؟
قصي :: ( سكت بعد جهد كبير لي توقيف ضحكة ) لالا خلاص هههههـ ,, كيف تبيني نهدرز معاكـ اميرتي أمركـ ,,, ههههـ
صفاء :: ( #اميرتي ... قال اميرتي صح ... هوا قالها ولا غير انا نتخايل ... اي قالها .... قالها بطريقة كيوت حلوة ... تجنن ... ) لا خلاص ..
قصي :: لا بجديات أمركـ ,, كيف تبيني نتكلم ؟
صفاء :: مايأمر عليكـ ضالم ..... هدرز عادي .... انت صديقي يعني خليكـ عادي عفوي ... يعني نشيلو الكلفة .... يعني مش ضروري اميرتي وجو وكلام حلو .. ههههههـ
قصي :: كلام حلو ... أوكـ نوعدكـ أول مانبطل نشوفكـ حلوة نبطل كلام حلو ... أميرتي مش كلفة .. مش قلتي صديقتي معناها انا نشوف فيكـ اميرتي وانا هيكـ بناديك ... هااا شن تاني ؟
صفاء :: ( اول مابدي يتكلم وانا نفنص من صدمة ..... ياناس اول مره حد يكلمني هكي تعرفو شن معناها الجو صقع وانا كانه يحط عليها لحم نشويه ؟ ) ...
#يتبع...........
#سلمى ................
