الحلقة ال11 من روايةة ::/
#مغتربة_ف_وطن_العشق 💌🌿
"""""""""""""""""""""""""""""""""""""""""""""""""""""""""
( اااخ منه زمن البطئ ..... الي يخلي كل زاوية من زوايا جسمكـ تنفض نفض من رعشة العشق .... الي يخليكـ تطر توقف اكتر من مية قرن مع شخص المقابل ليكـ من غير ماتحاول تبعد عنه .... الي يخليكـ تستغرق تواني ودقايق ف رفع عينكـ لي عينه .... )
صفاء :: ( كنت جامدة شبحتله وبعدين قعدت نلوح في عيوني يمين ويسار المهم مش ليه )
قصي :: ( سحب صفاء يمين و رد باب الحوش .. وهوا يتكلم بس يشبح لي جيهة تانيه ) ترا فهمني شن هذا الي مدايرتي ؟
صفاء :: ( وانا نشبح لي اي جيهة تانيه المهم مش ليه ) علاش شن درت ؟
قصي :: يعني انكـ تطلعي من الحوش وتقعدي ساعات برا وتصكري تلفونكـ وتجي تقوليلي شن درت ؟
صفاء :: ايييي ( قلتها طويلة شوية تفادي لي توتر الي انا فيه ) يعني انا متعودة ندير الحاجات هاذي .... لكن ماما الله يصلحها توترت زيادة عن لزوم اليوم ... يعني ولا يهمكـ شغلتكم وشغلة نفسها ع الفاضي
قصي :: ( قصي كان مركز فيها انه عيونها ماجوش عليه بكل ) باه .. علاش تتكلمي من غير ماتشبحيلي ؟
صفاء :: ( وين ماجت عيني ف وقتها ماغيرتهاش وقعدت نفتح ف عيوني من شدة الحشمه الي انا فيها ) لا ... لا عادي يعني ماركزتش هههـ
قصي :: ( كان يبتسم شوي شوي ويتبص في راسه وين ماهيا تشبح ) اي ... باه اشبحيلي ..
صفاء :: ( نتمتم بي شوية وانا نشبح جيهة تانيه ) اووف زودها عاد انت توا ...
قصي :: ( بي الابتسامه الساحرة متعه ..... رفع ايده ومسك وجهه ولفتها ليه ) فهميني خيركـ ماتشبحليش ؟
صفاء :: ( انا من رفع ايده ورفعلي وجهي وانا نفنص )
قصي :: ( كان شاد ضحكته بس فلقها ) ههههههههههـ خير ... شن في ؟
صفاء :: اوووف ... يعني انا قلت نكته توا باش تضحكـ ؟
قصي :: ههههههههـ لا بس زي لي فاهم علاش ماتبيش تشبحيلي .. وان شاء الله مايطلعش الي ف بالي ههههههـ
صفاء :: ( نزلت راسي تاني ... وحطيت ايديه ع وجهي .. وبديت نبكي زي صغار بزبط صوتي كان عالي بس مافهمتش كيف ماطلعتش العماره تشكي ف وقتها )
قصي :: ( و هوا يضحكـ ) ههههههـ تي خيركـ ,,, الي ف بالي ولا ؟
صفاء :: ( وانا مغطيه وجهي بي ايديا ونهز بي راسي متع اي )
قصي :: هههههههههههههههههههههـ .... خلاص خلاص ... خلاص واللهي معاش نتكلم هاا
صفاء :: ( نزلت ايديه وخليت عيوني بس يبانو ) كذاااب تسهوكـ توا وانا بنمووت من الحشم ..
قصي :: لالا خلاص هاسكتت .... خلاص هاا نزلي ايديكـ ...
صفاء :: ( نزلتهم ) ....
قصي :: ع فكره مافيش داعي للحشم هذا كله ... لو كان من حد غيركـ كنت فهمت الموضوع غلط ... بس من أولـ ماشفتكـ عرفت انكـ عفوية الطبع ... يعني لما تكوني زعلانه او فرحانه تصرفاتكـ تخرج ع سيطرة ... والعفوية هاذي مش عيب باش تتحشمي منها لا بالعكس المفروض تتملكيها هههههـ نبصر عليكـ صدقيني ماضيقتش عادي جداً ... شخصيتكـ هكي زي صغار بزبط وشخصية هاذي حلوة
صفاء :: ( وانا فاتحة فمي وعيوني ومصدومة بي كل كلامه ) الكلام هذا عليا ؟
قصي :: ( ضحك ضحكته الي عيونه يهربو فيها ) ههههههههـ اي ان شاء الله
صفاء :: ( ورجعت عفويتي تتملكني من جديد ... ) كلامكـ زي المذيع الي في راديو وصوتكـ .... اااه اي وانا نقول صوتكـ لي منو يشبه لي بزبط نفس صوت ..
قصي :: اما مذيع ؟ ( بي استعباطـ )
صفاء :: هذا متع برنامج حكايات ع العشق ... تعرفه ؟
قصي :: اي انتي تسمعي فيه ؟
صفاء :: لااااا ... حشاااه وكلا ... يعني وكأنه فيلسوف برفسور ب الحب ... شن فاهمه هوا ف العشق ... مبرده تحسه يعني وكأنه هوا الوحيد الي فااهم الحب وعاايش علاقات خيراات الله ... مثقلـ دمه ...
قصي :: هذا المذيع ؟ ( قالها وهوا يرفع في حواجبه وبيضحكـ )
صفاء :: تي اي يعني اكيد مش المخرج شن عرفني فيه انا ههههههههـ ( كنت نحاولـ نقول كلمات مضحكة لكن ماطلعش معاي )
قصي :: ايواااه تمام .. كويس .. يعني شن بديري بي مذيع بايخ .. احسن حاجة ماتسمعيلاش ..
صفاء :: اي .ههههـ .... ها شنو ؟ .. نخشو ؟
قصي :: اي اي .. يالله ( كان ماسكـ ضحكته بي سيف )
::::::::::::::::::::::::::::::::::::::::::::::::::::::::::::::::::
( ف حوش #قوت )
#قوت .::" واخيراً بنعرفكم ع عيلتي ... عيلتي عيلة كريمة وحبوبة وطيوبة وكل شئ ههههـ عيلة صغيرونه ... بابا ( خالد) وماما ( رقية ) و خوي ( احمد ) ومرته ( زينب )..... بابا متقاعد بس مش كبير ف العمر راجل عصري متفاهم ويحبني لانه راس بنت وبنوليله دكتوره ههههـ ... ماما (رقيه ) مديرة مدرسة وتفكر ف تقاعد .. بس هيا تفكر يعني مش قررت ....لانه ماما من نوع الي تفكر ولا تنفد ولا تقرر .... خويا (احمد ) اخ لطيف عزيز كريم بارد ثقيل دم هههههـ بس حنوون جداً وهوا ومرته تزوجو عن حب ... مرت خوي ( زينب ) ديما يقولو الكنه غبرة ... لكن مرت خوي انا غير ... هيا اختي وصاحبتي قبل ماتكون مرت خوي ... من لما جت لي حوشنا وهيا تحبب ف العيلة ف بعض ... جوها حلو وديما تغطي عليا وتقنع في بابا بطلعاتي ههههـ ... وهيا حامل توا """""""
:.:.
خالد :: وينها ناديها ...
رقيه :: ركبت بتاخد حوايجها وبتمشي ... ماتبيش تعطل وقت ..تو تنزل
احمد :: ( وهوا يلعب مع بابا ف لبلستيشن ) كان تكتبوها ف كتيب العائلة متعهم مش احسن
خالد :: اسكت لانخسركـ شن تبي فيها اختكـ
زينب :: اي خليها تغير جوها ... تو يجيها الزواج وبتحبس ف الحوش ..
احمد :: ( دار stop) وتلفت لي زينب ) نعم ؟؟؟ علاش انتي محبوسة ؟
زينب :: لاااااا فهمتني غلطـــ نبصر انا ... تعرفني نحب نبصر
العيلة :: هههههههههههههههههههههـ
قوت :: يسعدلي هاضحكةة ان شاء الله .... يالله بنمشي انا مانبيش نعطلـ ,,,
رقية :: باه سلمي ع خالتكـ ملاكـ وقوليلها بنجوها زياارة ان شاء الله ...
قوت :: ان شاء الله ماما
( ومشيت سلمت عليهم واحد واحد )
زينب :: استني درت عصير ليم مش عادي نصبلكـ منه ..
قوت :: اي علاش لا ... استني حبي نجي معاكـ ,,,
أحمد :: وادعو عليا باهي ..
قوت :: انت اسكت ...
:................................................................:
( ف #المطلخ )
زينب :: مصح وجهه .... هكي رسالة بعتها وخلاص ... قصدكـ معاش كلمكـ ؟
قوت :: ( مقعمزة ع رخامه ) اي ... ي ستي يالله ... اساساً بصراحة ماحسيتش انه انا مقهورة اصلاً .....
زينب :: كيف يعني ؟
قوت :: يعني ... هكي .... ماحسيتش انه استحشته او .. اي احساس غريب المفروض يصير ... هكي عادي
زينب :: لا اااا لخبطيني معاكـ
قوت :: ( تلفوني كان يشرين ... طلعته وانا نشبح لي مرت خوي وبعدين شبحت لي رقم ) اووو ؟؟ ... زكر القط يقوم ينط .....
زينب :: هههههههههـ منو ؟
قوت :: نزار ؟؟؟
زينب :: لاا؟ ... ردي ردي شوفي شن يبي ... بالكـ ندم
قوت :: اي واذا ؟ .. مستحيل نرجعله اصلاً ....
:::::::::::."""""""""""""".:"""""""""""
قوت :: الو ؟
نزار :: اهلين كيف الحال ؟
قوت :: تمام الحمد لله .. عادي ... خير؟
نزار :: شن خير؟
قوت :: يعني شن ذكركـ بينا ؟ ... غريب .. بعتت رسالة وقلت فيها انه كل شئ خلاص انتهى ودرت فيها دراما ... بس عادي ع فكره ...
زينب :: ( تشبحلي ومش فاهمه انا خيرني هكي نتكلم )
نزار :: خيركـ هكي تتكلمي انتي ؟
قوت :: ( نزلت من ع رخامه ... وقعدت نساوي في روحي ) امالا كيف تبيني نكلمكـ . نزغرط يعني ؟
نزار :: المهم .... انا تصلت بنطمن عليكـ ..
قوت :: موتت يعني ؟... اه لا ماتخافش فراقكـ مايقتلش ...
نزار :: قوت خيركـ هكي تتكلمي ؟
قوت :: ( انا هنا سخونت وبديت نتكلم ونرفع ف ايديا ) امالا كيف تبيني نكلمكـ ,,, تصدق انا اصلاً مانعرفش علاش نكلم فيكـ انا توا ... او علاش رديت ... او علاش هكي نتكلم ... بس تصدق وتأمن بالله انه في كلام ف قلبي خاطري نقولهولكـ
نزار :: تفضلي
قوت :: انا مستحيل نكون كنت نحبكـ ,,,,, اي والله تصدق .... مستحيل ... لانه لو نحبكـ راهو هبلت وبكيت ودرت العار وانتحرت واتصلت بيك كل يوم وترجيتكـ واستحشتكـ ... بس هذا كله ....... انا محستاش
نزار :: ( ساكت ولا كلمة )
قوت :: بالعكس ارتحت .... اي واالله رتحت ... وانت اصلاً ماتستهلش حد يبكي او يحبكـ .....
نزار :: قوت ( كان يحاولـ تبرير الموقف لانه اخر حاجة كان يتوقعها تصرفها )
قوت :: لا باللهي عليكـ معاش تتكلم لانه حتى صوتكـ بدي يضايق فيا ... يالله مع سلامة وطمن انا من بعدكـ فل في فل ...
( وصكرت عليه )
""""""""""""""""""""""""""""""""""""""""""""""
زينب :: ( واقفة مطموصة ف مكانها ) لااا؟ .... انتي شن درتي ؟
قوت :: ( كنت في قمة الفرحة .... لانه بجد انا رتحت لما كلمته .. لانه انا قلت الي ف قلبي يعني قلت الي انا حاسه بيه ..) غير راكـ تجيبي هنا بس ههههههههههههههـ ( مشيت حضنتها ) ااااااااخ قداش مانحبكـ ي مرت خويا لعسل ... يالله اممممممموه باي
زينب :: ( بعد ماطلعت انا ) يارب صبركـ وعفوكـ ع هالبنت ... ههههههههـ مجنونة
::::::::::::::::::::::::::::::::::::::::::::::::::::::::::::::::::::::::
( تاني يوم ... صبح )
( عند #ملاكــــــــــ )
قوت :: صبيلي ...
صفاء :: ( صبيتلها شاهي )
ملاكـ :: شن ناوين تطلعو حتى اليوم ؟
صفاء :: لا اكيد .... علاش ؟
ملاكـ :: لا غير سؤال ...
صفاء :: لالا ماعندي وين بنطلع ....
قوت :: حتى انا ...
تن تن ....تن تن
( وصلـ مسج لي صفاء )
#قصي >> #رسالة ( تقدري نبعتلكـ عنوان وتجي )
صفاء :: ( رديت ع المسج من غير مانفكر صوابعي سبقوني )
#صفاء >> #رسالة ( أكيد )
....
ملاكـ :: باه معناها شن تبو تتغدو ؟
صفاء :: لا بنطلعو ...
( قلتها بي سرعة هااائلة ولا سرعت اللبوة )
قوت :: وين ؟
صفاء :: ( شبحت لي قوت وانا ندير بي حركات بي عيوني ) شن نسيتي ؟ .. مش بنصورو شيتات ...
ملاكـ :: شيتات شنو عطوني انا نصورهملكم غدو ...؟
قوت :: اي صح صفاء شيتات شنو ؟
صفاء :: ( نفنص ونضرب فيها بي رجلي ) تي شيتات الولد ... الولد متع الكلية .. ( ونهز بي راسي ) هذاااك الولد عرفتي ؟
قوت :: اما ولد .... ؟
ملاكـ :: معقولة عندكم امانه وناسينها ؟
صفاء :: هاذي قوت هههه حماره ... ( ضربتها بي رجلي ضربة قوية ) قوووت الولد الولد متع شيتات ..
قوت :: ااااااه اي اي ... صح ... ماتقدريش خالتي يعني ضروري انانصورهم لازم نفزهم كويس ....
ملاكـ :: باه هما عندكم هنا ؟
قوت :: لا
صفاء :: ( ضربتها )
قوت :: اي هههه اي ي خالتي امالا شنو ... بنصورهم وهما مش معانا مثلاُ ماتجيش هههـ
ملاكـ :: ههههه باه .... توا بتطلعو
صفاء :: اي ... تو .. قصدي يعني توا باش نروحو بكري ...
ملاكـ :: باه استنو نجيب نعطيكم فلوس ( وناضت ماما )
قوت :: ( تبصط عليها ) شن في وراكـ ي بنت ؟ خليتيني نكذب ع خالتو ملاكـ
صفاء :: ( بصوت واطي ) ع اساس مش متعودة تكذبي ع احمد
قوت :: تو شن جاب هذا لي هذا ... خالتي ملاك الي زي الملاك لي احمد
صفاء :: ع اساس احمد شيطان ...
قوت :: خلاص مش هذا موضوعنا ... شن في ؟
صفاء :: قصي بعتلي مسج وقالي نبعتلك عنوان وتعالي عليه ..
قوت :: ( وانا نهز ف راسي يمين ويسار ) اي ؟؟؟
صفاء :: بنمشو .. شن اي ..
قوت :: والله .... وكان خطفونا ؟
صفاء :: من ي هبله الي بيخطفكـ امير ولا قصي ؟ ...
قوت :: تو .... قصي بصراحة منظره من منظر وواحد يخطف هوا ينخطف اي بس امير منظره منظر واحد قاتل
صفاء :: تو امير قاتل ي جيفة ؟
قوت :: ( أبتمست ابتسامة من دون احساس وفجأة وليت شاعرية ) لا مش ديما
صفاء :: ( ابتسمت ) لا والله ههههـ
:................................................................:
( بعد ماخديت العنوان ومشينا ........ اول مانزلت )
قوت :: هاذي اذاعة.... يعني علاش بعت وراكـ للاذاعة ؟
صفاء :: وانا شن يعرفني .... دقيقة تو نكلمه ...
قوت :: ها ... ها مش ضروري اهو جي ...
قصي :: ي اهلاً بي صباايا ... شن جو قوت ؟
قوت :: الحمد لله وانت ؟
قصي :: الحمد لله .....
صفاء :: اي ؟؟؟؟ ... علاش جايبني للاذاعة ... مافهمتش ؟
قصي :: نبي نعرفكـ ع المذيع متع برنامج حكايات ع العشق
قوت :: ااااالله واخيراً خاطري نشوفه ههههههـ
صفاء :: ( شبحت لي قوت وبعدين رجعت شبحتله ) اي وشن خطرلكـ ؟ ... يعني انا قتلكـ راي فيه امس ... وانت من وين تعرفه ؟
قصي :: هوا معرفة قديمة .... توا بيعطي حلقة خليكـ احضري ونعرفكـ عليه بالكـ تغيري رايكـ فيه ...
صفاء :: لا ماعتقدش انا نشوف فيه بارد وخلاص انتهى ...
قوت :: تي خلاص بلا جو عاد .. اي اي خلينا نخشو
صفاء :: هذااا الي كان ناقص ... شن حبيبتي انتي من يوم يومكـ عايشة ع فيوز واحد كان مايطلع انضرب حتى هوا
قصي :: هههههههـ خلاص عاد ... خوشي شوفيه ... وبعدين مش حاتخسري شئ ... هيا
صفاء :: اوووووف ... باه ... خليني نشوف اخرتها معاكـ وين ..
:::::::::::::::::::::::::::::::::::::::::::::::::::::::::::::::::::::
( ف #ألأذاااااعة )
( خش قدامنا بس معاش لقينا ورحنا في هذيكة الاذاعة لين لقينا بنوتة ولو مش منها راهو ضعنا )
وداد :: اهلاً ....
صفاء :: بنسألكـ هوا في واحد جااين(قص)
قوت :: عفواً وين الغرفة الي نقدرو نشوف بيها المذيع متع برنامج حكايات ع العشق ...
وداد :: ااه انتي صفاء ؟
صفاء :: ( علامات #الاستغراب )
قوت :: لا هيا صفاء ...
صفاء :: انا صفاء ... ؟. .. ههه خير ؟
وداد :: اي تعالو .
صفاء :: ( شبحت لي قوت )
قوت :: يالله امشي .... تي امشي
:::::::::::::::::::::::::::::::::::::::::::::::::::::::::::::::::::::
( ف الغرفة المقابلة لي غرفة تسجيل )
( خشت قوت هيا الاوله .... وانا خشيت وانا متلفته نكلم في البنت )
صفاء :: ي اختي غير بنقولكـ لي منو جاين .... ي مدااام ي انسة انتي .... ( طلعت وصكرت الباب )
قوت :: ( وقفت جمدت ف مكاني لما شفت المذيع )
صفاء :: ( شبحت لي قوت لقيتها واقفة ع المرش الكبير الي كان يفصلنا ع الغرفة تانيه وكانت مصدومة ... قربت عليها ونكلم فيها ) خيركـ ؟؟؟ ( تلفتت لي الغرفة تانية ........ وهنا كانت #صدمة )
::::::::
#يتبع
#سلمى
