الحلقة ال21 من رواية ...
#مغتربة_في_وطن_العشق ....
>>>>
( بعد مرور يومين )
( فـ ليلـ,, )
أمير :: باه تبي حاجة ؟
قوت :: لا حبيبي سلامتكـ ,,, طمني عليكـ أولـ ماتوصلـ ,,
أمير :: تمام ... يالله في امان الله
قوت :: أجمعين .. نحبكـ ,,
أمير :: نموت فيكـ ,,,
..........
زينب :: ( وهيا دير في القهوة وقوت مقعمزة ع طاوله ) وين بيوصل ؟
قوت :: حوشهم الي كانو عايشين فيه مستأجرين فيه نااس توا .. وبسيبو الحوش وهوا ماشي بياخد منهم لمفاتيح وبيتمم معاهم
زينب :: ع الخير ان شاء الله ... نصبلكـ تبي ؟
قوت :: لالا ..( حاطه ايدي ع خدي وهمومي فوق رأسي )
زينب :: كلمتيها اليوم ؟
قوت :: اي اكيد .. بس كالعاده تضحكـ وتبصر وجوها عادي وكـأنه مافي شئ ...
زينب :: باه باللهي عليكـ قوليلي شن بدير ؟ ... قصدي هوا خطب خلاص شن بديرله ... لما كان قدامها وليها كانت معنده ع مبدئها وتوا تبي تنذب وتبكي
قوت :: واللهي فـ حياتي ماتوقعت قصي يدير هكي ... يعني من اول ماقالت لا مشي وخطب نور ....
زينب :: لالا المفروض يستناه صحبتكـ لين ترضى عليه .... اكيد بيشوف حيااته مالا شنو ...
قوت :: تي لالا .. انا حااسه انه في حاجة غلط .. معقوله بين يوم وليله حب نور وخطبها وبيتزوجو ... لالا في حاجة غلط
زينب :: ( شبحتلي من فوق لي لوطه ) باللهي طمني قلبكـ وصبري روحكـ بي الخرفات هاذي انا بنخش نرقد ...
قوت :: باللهي بري امشي .. الواحد يندم يهدرز مع حد فيكمـ ,,,
( خشت زينب رقدت ... وطلعت انا قعمزت ف جنان وفكره تجي وفكره تمشي )
...............................................
( ف ألعمارة )
( كالعــــــاده مدايرين سبول ومقعمزين نتفرجو انا وماما .. )
ملاكـ :: حي عليه حي كااان مايطلع من وراااء
صفاء :: ماما معليش تسكتي لانه مش خاايفة الا من كلامك هذا الفيلم ماخوفنيش بكلـ ,,,
( حااضنه ماما وماما حاضنتني وخاايفين ههههـ )
ملاكـ :: بااه اطلقيني امالا ترا
صفاء :: لالالا خليكـ نبصر ...
ملاكـ :: هههههههههههـ ( خدت ريموت وغيرت )
صفاء :: علااااش خيركـ ؟
ملاكـ :: ياسركـ تو تعيطيلي ف ليل من هو بيا هههههه,, انا بنخش نرقد
صفاء :: ههههههههـ باه خوشي تو نحط بوليود قااعده افضل
ملاكـ :: ههههههه,, وبعدين شدي قرراايتكـ فاهمه
صفاء :: حاااضر ياختي هههههـ
......
تلفون:: ترن ..ترن ..ترن ..ترن
...
صفاء :: الو ايواه حبي
مرام :: اهلين صفوشه تي وين مش مبينه ليك يومين ؟
صفاء :: ماطلعتش من الحوش الحق قرايه وبس
مرام :: ومنذ متى هذااا ؟ ههههـ
صفاء :: منذ الان ههههههههههه,,, شن جوكـ شن اخباركـ
مرام :: مستاحشتكم والله هلبه .... شن جو قوت ليا مده عليها
صفاء :: كويسه تمام ...
مرام :: اي حقه سمعتي ؟
صفاء :: ( نوضت ومشيت لي طاوله بناخد طاسه مياه ) لالا منك توا ههههه
مرام :: بلا تسهويكـ .. والله شكلكـ ماسمعتي ... فتحت الفيس توا وشوفت الخبر استغربت قلت كانك تعرفي راهو نزلتي استيت طول
صفاء :: ( خديت طاسة المياه في ايدي ) تي قولي بلا جو ... شن في ؟
مرام :: ألأذاعة الي فيها قصي ... أنحرقت
صفاء :: ( طاحت مني طاسة المياه ) كييييف ؟
مرام :: اي ... توا لقيت منشور من بنت منزلاته ....
صفاء :: ( طول جيت في بالي خالتو اصالة الي شفتها مع أذان المغرب وقت رفعتلها شوية من الكيك ..
( قبلـ بضع ساعات ..>>
:::::::::::::::::::
أصالة :: صحيتي بنيتي .. وين امك قولها تعالو هدرزو ...
صفاء :: مره تانيه خويلة ماما عندها ملفات تكمل فيهم وانا لقرايه خاطفتني ههههه...
أصالة :: الله يعاون ي بنتي ههههه.. والله من الملل بنتفجر قوت 24 ساعه ف المستشفى تروح تخدم المشرف متعها معذبها وامير بيمشي لي **** بيرد مفاتيح الحوش وقصي قال بيقعد ف الاذاعه لي صبح عنده مشروع الله غالب عليا هههههه
صفاء :: ربي يعاونهم ... يالله خويله مع سلامه
........................................
( نعود )
مرام :: ألو ؟؟؟؟ صفوو ... تي وينك ي بنت
صفاء :: ( نزلت ايدها بي تلفون .... وطاااح منها )
ملاكـ :: صفااااء ... بنتي خيركـ ,,, شن في خيرك، ؟
صفاء :: ( وعيوني ينزلو ف دموع وبي صدمه هائله نتكلم بدون اي وعي ) الاذاعه نحرقت ....
ملاكـ :: اما اذاعه ع شنو تدوي ؟؟؟ ... صفااء شن الاذاعه شن نحرقت ؟
صفاء :: الاذاعه الي فيها قصي انحرقت ...
ملاكـ :: كيف ؟ ... امتى ؟
صفاء :: ماما ... ماما قصي فيها ( تبكي ) قصي قااعد غادي وهيا نحرقت توا ...
ملاكـ :: ( حطت ايدها ع فمها )
( شوية وسمعنا عياااط خالتي أصالة برا )
( فتحنا الباب وطلعنا )
ملاكـ :: أصالة .... اهدي ي وخيتي اهدي شوية .. ان شاء الله ماصارله شئ اهدي ...
صفاء :: ( واقفة نشبح لي خالتي اصالة وناخد ف نفسي بي سيف ... وليت لي شقة لبست جاكيت وطلعت نجري )
ملاكـ :: صفاااااء استني انتي تااانيه وين ماااشيه ... صفااااء ... ( وشاده اصاله تهدي فيها )
............
( نزلت صفاء قدامـ العماره )
صفاء :: ( كاانت تبكي ومش فاهمه وين بتمشي تلف يمين ويساار وتشبح لي شاارع ... وبعدين مشت لي طريق تحااول توقف تاكسي او اي حد .... مش فاهمه شن تتصرف ولا وااعيه للي أدير فيه .. همها بس توصل لي قصي )
......................................................
:....../::::::::::::.......:
قوت :: ألو ؟
ملاكـ :: ايوااه قوت وينك انتي ؟
قوت :: ف الحوش خويلة ان شاء الله خير ؟
ملاكـ :: كااان تقدري تجي مع بوك مع خوك مع اي حد المهم تعالي
قوت :: ( وقفت ) خييير خويله شن فيه خوفتيني ؟
ملاكـ :: الاذاعه الي فيها قصي نحرقت وصفاء مش عارفه وين مشت واصاله دااااايخة انا معاها ومش عارفه كيف بنتص(قص)
قوت :: كيف كيف كيف خاااالتي اهدي شويه مافهمت منك شئ .. كيف يعني انحرقت ؟ وين مشت صفاء ؟ ومنو الي دااايخ والله مافهمت
ملاكـ :: تعالي توا وشوفي صفااء وين ي بنتي بسرعه
قوت :: ت تمااام تماااام خلاص اوك
::::::::::::::::::::::::::::::::::::::::::::::::::::::::::
( بعد شوي )
زينب :: مااتجريش اااحمد ردو بالكم وطمنوني
احمد :: باه غير خوشي انتي صقع عليك ...
قوت :: ( نجري بنركب وشاده الفون نتصل بي قصي ) اوووووف من بيقولي وينها تواااا ...
.............................................................
( قدامـ الاذاعه )
( قدامها كاانت معبيه سيارات .. ناس واقفه وسيارات مطاافي وناس تعيط وشعب وعاالم حايس .... )
( وقفت سيارة تااكسي .... ونفتح الباب >> ...
( وبدي زمن يمشي بي شوي بي شوي ... نزلت صفاء وكاانت مذهوله ب لمنظر ... عيونها من البكي لين خلاص ... ومافيش ع لسانها الا اسم قصي تقول فيه بي صوووووت وااااااطي ... صكرت الباب ومشت خطوة خطوة .. بي موسيقااار بي ميوزكـ بي موووسيقى هادئة حزينة .... قدمت وقفت قدام الاذاعه بي زبط .... )
صفاء :: قصي ! ....( قعمزت ع ركبيها وهيا تبكي )
بنت :: عفواً ... انتي كويسة ي بنية ؟ ...
صفاء :: ( وهيا تبكي وبي عصرة وبي خنقة وضيق ) الي نحبه .. الي نحبه كااان في الاذاعه
بنت :: ( نزلت لي صفاء وحطت ايدها ع كتفها ) عفواً مافهمتش ؟ .. خيركـ انتي تعرفي الي كان ف الاذاعه ؟
صفاء :: ( شبحت للبنت وكأنها أدور ع اجابه في عيونها ) اي ... اي حبيبي ( stop هنااا وقف زمن وقف كل شئ عن الحركه .... وقف نبض وقف العقل وقف صوت سيارات الاسعاف وقف صوت سيارات المطافي عياط نااس وكل شئ وقف بي مجرد اعتراف بي كلمة .. "حبيبي" )
بنت :: اااه مااتخافيش ااهوااا طلعوه .. ارفعي راااسك اهوااا جنب سياارة الاسعاف اهوا واقف ... ( قالتها وهيا فرحانه وكأنها حست بي وجع صفاء )
صفاء :: ( شبحت للبنت وبعدين شبحت لي جيهة سيارة الاسعاف .... )
...........................
( شافت حبيبها وااقف ومافي شئ ... واقف شاد ايده كانت ملفوفه بي شااش بسبب انها نحرقت شوي وااقف يكلم في شباب .. ضحكتـ بي فرح كبييير وبي دمووع هلبه ... وقفت ع رجليها وقدمت خطواته بي نفس تعابير الوجهه ... )
صفاء :: ( وقفت قدامه وقعدت تشبحله ... نعقد لسانها ومعاش عرفت تنااديه او توقف تتفرج عليه وتملي عينها بيه .. تبكي وتشبحله من الفرحه سكتت وقفت قدامه بزبط )
..........
قصي :: ( يسلم ع شباب الي كانو اقفين قدامه ومغطين عليه صفاء ) تمام شكراً ,, الله يسلمكـ ,, منور ولا يهمكـ ,, مع سلامه ....
( أول مامشو الشباب ... شبحها )
( شاف بنت كاانت وااقف بي اسواء منظر لها ... بي حوايج الحوش وشعرها مفتوح وتبكي وتشبح له .... وقف قعد يشبحلها ومصدوم .... وقدر بس ينطق حروف اسمها من صدمه >>
::::
قصي :: صفاء !
صفاء :: ( تبكي وتضحكـ ,,,,,,,, مشت تجري حظناته )
قصي :: ( قعد مصدوم من ردة فعلـ غير متوقعه )
صفاء :: الحمد لله .. الحمد لله انه ماصرلكـ شئ .... ي روحي انتي قداش ماخوفت عليكـ ,,, واللهي كنت بنموت عليك، ,,, الحمد لله الحمد لله
قصي :: ( من شدة صدمه مارفعش ايديه وحضنها قعد مصدوم بي كلامها ) صفاااء ؟؟
صفاء :: ( بعدت وقعدت تشبح لي عيونه وتبكي وفرحانه ) الله لا يحرمني منك ... واللهي لو صارتلكـ حاجة ي عمري كنت حانموت والله .... ( شبحت لي ايده .. بي خوف مسكتها ) خيرها ايدكـ ؟؟؟ ,, نحرقت ؟ ... كيف بااه درتلها دووااء درت حاجة ... ( ورفعت راسها لي قصي )
قصي :: ( قاللها بعد شعور بي صدمة ) انتي وااعية للي تقولي فيه ؟
صفاء :: ( بي نفس الخوف وضحكه والدموع وتصرفات العفوية بي نفس كل تعابير هاذي ردة عادي جداً ) اكيد ....
قصي :: ( يتكلم بي تردد وتقطع ف الكلمات ) انتي ... انتي قلتي ... قولتي روحي و... وعمري ؟
صفاء :: ااي ... اااي قولت ... اي انت روحي وعمري وكل شئ باللنسبه ليا .... ( تبكي )
قصي :: ( عيونه دمعو وبي خوف زي الاطفال قال ) صفااء ؟؟
صفاء :: ااي اااي .. انا وااعيه للي نقول فيه يعني مش من اثار الخوف او اي حاجة تانيه ...
قصي :: يعني !
صفاء :: ( تشبحله ومبتسمه ودموعها ماوقفوش ... رجعت للوراء شوية خطوات ... )
قصي :: ( يشبحلها وخاايف انه الي يسمع فيه ولي عااشه توا يكون حلم وخااف ينوض منه ومايشوفش محبوبته معااه )
صفاء :: ( لي أولــ مره في الحيااة ولي أولـ مره في تااريخ البشــــــرية تتشـــــجع صفـــــــاء وتعترف بي كل شئ حاااسه بيه اتجااه قصي ... أولـ ماغمضت عيونها وأعترفت بي كل شئ بي كلــــــــمه وحده وف نفس لحظة اعترافها جي صوت تاني يقول ) ,,,, أنحبكـ
نور :: قــــــــــصي !
قصي :: ( شبح لي صفااء من صدمة الي قلاته ... وشبح لي نور الي كانت جايه من وراها هيا وخالته و مأيد )
صفاء :: ( فتحت عيونها اولـ ماسمعت صوت نور ... وجي ع بالها ذكريااات مألمة >>
.......
( ذكرياااااات >
سوسن :: كيييف يعني بتخطب نوووور اااه ؟ ......
.....
( ذكريات قبل يومين أثنااء معرفة صفاء بي خطوبة قصي أمام باب شقتهم )
صفاء :: بتخطب ؟
قصي :: اي ... يعني توا انتي ليكـ حياتكـ ,,, وانا ليا حياتي ... حااننساكـ ماتخافيش ... زي ماحبيتكـ بي ننساكـ ,,,,
صفاء :: ( دموعها ينزلو وتتكلم بي جفاف ) اي اي صح .. حاتنساني ...
قصي :: ( نزلو دموعه وبي نفس جفاف ) اي اكيد .....
( ذكريات يوم خطوبة قصي
..........
ملاكـ :: اليوم قصي تمو في نور ونخطبو ...
صفاء :: اي مبروكـ عليهم .. ربي يتمم ع خير
.............................................................
( نرجع لي صفاااء الي ذكرت كل شئ ....... في وقت غلط .. وأعترفت بي الاعتراف الي كان يتمنااه قصي .... في وقت غلط )
..
نور :: حبيبي انت كويس ؟ .... ايدكـ نضرت ؟؟؟ ... قصي رد عليا
قصي :: ( يرد وهوا يشبح لي صفاء ) مافيه شئ .. اموري تمام الحمد لله
مأيد :: ( جي وقف جنب صفاء ) صفااء .؟ ... انتي كويسة ؟
( طبعاً اليومين الي فاتو شافها وسوسن قالتله انها اسمها صفاء وبنت جيرانهم )
صفاء :: هااا ! .... اي اي الحمد لله
نور :: صفوو شن اديري هنا ؟
صفاء :: ( شبحتلها ونعقد لسانها ماعندهاش رد )
قصي :: ( كان يشبحلها وسااكت )
قووت :: صفاااء ؟
( خشت قوت كااااانت كا منقد عالمي )
...........
قوت :: ( وقفت قوت هيا واحمد جنبهم ) قصي؟ .. الحمد لله ع سلامتك كيف حالك ؟
قصي :: ( نزل راسه ومسح بي ايده بدون ماحد يركز دموعه الي نزلو فجأة ) تمام ... الله يسلمكـ ,,,
نور :: الحمد لله واللهي قريب موتت عليكـ ,,,, هيا نروحو خويلة خاايفة عليك لين خلاص
قصي :: اي هي ....
مأيد :: صفاء مع منو جاية ؟
قوت :: معااي ... جينا مع بعض ( وشبحت لي نور وكأنها ترقع فيها )
صفاء :: اي ...
مأيد :: تمام ....
قوت :: ( شبحت لي قصي ) تو نجو وراكم ....
صفاء :: ( تشبح لي الارض )
قصي :: ( يشبح لي صفاء ) تمام ....
....................................................................
( ف سيارة )
صفاء :: قوت ؟
قوت :: نعم حبي ؟
صفاء :: عادي نروحو لي حوشكم ...
احمد :: ( شبح لي صفاء من لمرايا ) خيركـ تعبانه ؟
قوت :: ( تلفتتلها ) خيركـ حبي ؟ ... ماتقوليش تعبتي تاني ؟
احمد :: كان تبي نمشو نديرولك اكسجين عادي ؟
صفاء :: لالا مافيه شئ ...
قوت :: باه .... روح بينا لي حوشنا احمد
احمد :: تمام ...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
( فيه الي متلخبط ومش فاهم شن الي صاااير ..... نوضح ... ف نهاية الحلقة سابقه تمت ع صفاء وقت عرفت ان قصي بيخطب .... وبعد مامشت سوسن قصي قاللها لكلام الي قريتو فوق انه حاينساها .... بعدين جي يوم خطوبة قصي وعرفت صفاء من امها انه خطب وكمل ... تعبت صفاء ف ليل ورفعوها للمستشفى لانه صارلها ضيق تنفس وماحد عرف لي تاني يوم انها كانت تاعبه .... وعرفت امها انها تحب قصي ... صفاء كانت تمثل فرحها ونسيانها في اليومين الي فاتو من خطوبة قصي انها نااسيه كل شئ .... واول ماصارله شئ اعترفت بي كل شئ .... )
...............................................................
" تاني يوم " ::/_
قوت :: صباح الخير ..
صفاء :: صباح النور ...
قوت :: هيا نوضي نفطرو ونمشو لي حوشكم امكـ من صبح تتصل تقولي روحي بيها ...
صفاء :: ( قعمزت ع سرير وشبحت لي قوت ) تمام ...
قوت :: ( قعمزت جنبها ) اااي استني قبل ماتنوضي ... قوليلي . شن صار ؟ .. علاش قصي هكي كان يشبحلكـ ؟ ... وشن كنتي اديري بروحكـ غادي ؟
صفاء :: ( مر شريط حياتها في ليلة الامس قدامها كله )
قوت :: تي تكلمي ....
صفاء :: واااللهي شن بنقولكـ ,,,, انا اكيد مش حانحكيلكـ كل شئ صار ... لكن نقدر نقولكـ صاحبتكـ شن خربت تاني ..
قوت :: ( شبحتلها بي عصبية ) شن درتي ؟
صفاء :: قصي بدي يعرف انه انا نحبه ...
قوت :: كييييف ..... ؟؟ لا مستحيل ...... انتي قولتيله ؟ ... يعني ؟ ... تي كيف مافهمتش .. احكي احكي
صفاء :: ( وقعمزت نحكيلها فــــ كل شئ )
........................................................................
( ف شقة أصـــــــــــالة )
" ألكـ مجتمعين "
أصالة :: سوسن !
سوسن :: ( طلعت رأسها من المطبخ ) نعم !
أصالة :: تي تعالو عااد شاهي برد خيركم ؟
سوسن :: دقيقه ماما .. نور دير ف قهوة .. ( شبحت لي نور ) بسرعه انتي
نور :: باه اطلعي تو نجي ...
سوسن :: باه ( وطلعت )
...
مأيد :: ااايح توا بعد مانحرقت ايدكـ .. زعما اختي بترضى بيكـ ولا بيصير ف تغير . انت من قبل يازين مابهاكـ يا بال توا
العيلة :: ههههههـ ( كانت مجرد نكته ترفيه )
أصالة :: اي لا ف عينكـ غير تلقى زيه هيا ولدي جوووهرة ي كبدي
أم نور :: ياااسلام اكيد الا قصي ايواااه ...
قصي :: ( رااقد ع صالون ) كانه نحسابه الموضوع فيه حب واهتمام هكي كنت نحرقت من قبل ...
أم نور :: بعيد سوووء ههههه
أصالة :: صكر فمكـ ي معفن هههههههههه
أم نور :: كيف حالكـ ملاك من لما قعمزتي وانتي ساكته خيرك ؟
ملاكـ :: لا كويسة الحمد لله .. كنت نسمع فيكم حبيت تهدريزكم هههـ
أم نور :: سلمها ياربي ...
أصالة :: وين صفاء ؟
قصي :: ( حط عينه في زاويه فاارغه و أذنه عند جواب ملاك )
ملاكـ :: عند قوت اتصلت بيهم شوية ومروحين ...
أصالة :: ي روحي امس قريب هبلت عليك تعرف طلعت تجري مسكينه لما سمعت بي الموضوع رعشتها مسكينة
أم نور :: اااي شوفناها هيا وصاحبتها قوت تقريباً ,,
قصي :: ( سرحان في الي صار ولي قالاته صفاء )
ملاكـ :: اي صاحبتها ...
تلفون :: ترن ترن .. ترن ترن
ملاكـ :: عن اذنكم شوية نرد ونجي ...
أم نور :: لا خودي راحتك ....
( بعد مامشت ملاك )
أم نور :: ( تشبح لي مأيد ) ماشاء الله عليها بنتها عليكـ جمال واحترام حبيتها .. راك تجري ع عمرك ي فرخي هههههه
سوسن :: ( شبحت لي مأيد )
مأيد :: لا حتى انا نفكر ف الموضوع .. ههههـ
اصالة :: مش حاتلقو احسن منها رااهي بنت نااس ماشاء الله
قصي :: امي ! ( بي عصبية ) خلي البنت هيا الي تقرر اي ولا لا مش احنى ....
مأيد :: تي نبصرو ي رااجل ..
قصي :: بصاره ع بصاره تفرق ...
نور :: قصي خيرك عادي .... يعني ف الاخير بنت جيرانكم مش اختك . خيرك تعصبت ؟
قصي :: ( زاد تعصب ) صفاء غير .... يعني مش وكانه بنت جيرانه معناها مش اختي ولا مانقدرش نتعصب ف موضوع يخصها ... صفاء صديقتي وكلكم تعرفو الموضوع ... يعني لما نبداء متواجد مش ضروري الكلام الفاضي ...
اصالة :: باه خلاص اسكت وريحنا ملاك جاايه ........... ها ملوكه منو ان شاء الله خير ؟
ملاك :: اي هاذي صفاء مزال تبي تقعد تبات عند قوت ... نتجادل معاها وف الاخير هيا الي ربحت هههههه
أم نور :: كلهم هكي راه ههههههههـ
""""""""""""""""""""""""""""""""""""""""""""""""""""""""
( بعد يومين )
( ف جامعه )
قوت :: غير هياااا عاد
صفاء :: انتي مهبولة ؟ .... ليا يومين نهرب منه لا نت نفتح ولا العماره نمشيلها ... خيرك العفو شن تقولي انتي ؟
قوت :: تي عاادي ... لي امتى بتقعدي تهربي منه الموضوع ...
مرام :: غير كاان تفهميني انتي شن تبي .. وين تبيها تمشي ؟
قوت :: شوفي .. ( شبحت لي مرام ) أتصل بيا امير وقال انه فلوس الاذاعه طلعو شوية وماقدروش يأمنو عمال واجد لي تصليح ... قال بينظف هوا و قصي و مأيد و محمد و أمجد صاحب قصي الي جاهم اليومين هاذم .. مشي لبنات اقترحو انه نضفو معاهم يعني الي نقدرو عليه ... وعجبني الاقتراح .. وهيا مصكره راسها
مرام :: صفو ... بري حبي ماعتقدش يكلمك معاه خطيبته ... حبي لو بتقعدي تهربي هكي مش حاينحل الموضوع ...
صفاء ::................
...............................................
( ف #المستشفى )
( مكتب سوسن وصاحبتها أبتهال جديده )
سوسن :: بس
ابتهال :: باهي حاولي تكلميه مرات يتعاطف معاك و يوافق
سوسن :: مستحــــــيل المغرور هذا يوافق ... اووووف ماطيحني ف ناس الي هكي انا ... عليك مشرف اغبر وخلاص
ابتهال :: ههههههههههه .. تي احمدي ربك جاك اجمل شخص ف المستشفى كلها .. تي ليث ولد المدير هذا مش شوية رااه
سوسن :: عليك ربااايه مبرده .....
( شوية وطق الباب وفتح وخش )
ليث :: سوسن .. تعالي لي غرفة 210 .. تواا
( وطلع )
ابتهال :: واااعر ههههههههههه
سوسن :: ( وقفت وهيا طاالعه تقلد فيه بي نفس صوت ) سوسن .. تعالي لي غرفة 210 .. توااا ههههههههههه
ابتهال :: هههههههههههههههههههه ... مهبوله
.....................
( ف الغرفة )
سوسن :: دكتور ؟
ليث :: ( ماردش )
سوسن :: ممكن نمشي اليوم .. يعني تعطيني اجازة نص يوم ... لمدة اسبوع ؟
ليث :: ( شبحلها ... وبكل برودة اعصاب ) اي تمام ....
سوسن :: ( فرحت )
ليث :: ونبعتلك المرضى ف الحوش تعالجيهم .... ي .... دكتورة
سوسن :: ( اختفت علامات السعادة )
ليث :: لا ....
سوسن :: عندي ظ(قص)
ليث :: قلت لا .... ركزي معاي وانسي حياتكـ شخصية ي دكتورة
سوسن :: ( بي عصبية ) حاااضر ... ي دكتور
.................
( ف جامعه )
مراام :: هااا شن قررت .... تي مبردك عااد ادوي
صفاء :: .............
يتبع..........
#سلمى
