🗯💌🙈
الحلقة ال22 من روايــــــة ..
#مغتربة_في_وطن_العشق >><:/
...................................................
( ف جامعه )
مراام :: هااا شن قررت .... تي مبردك عااد ادوي ...
صفاء :: تماام باه خلاص تو نمشي ..
قوت :: اسمعي نقولهالك من توا ... بتمشي وجهكـ اهواا بتغيريه ... ياسرك من جو نكد هوا تمام ....
صفاء :: باهي ...
قوت :: وتكلمي الولد عادي ... انتي تعرفي ومتأكده انك انتي الي متعبتي .... ف ماتحطيش اللوم كله عليه ... تمام ؟
صفاء :: باهي ..
( مرام و اميرة تحت تأثير ضحكـ بصوت واطي )
قوت :: ولازم تعرفي انه خطيبته بتكون موجوده يعني خليك طبيعية لي ابعد حد ... كلها ع بعضها كم يوم .. نضفو معاهم وبعدين بنركزو ع امتحانات الفاينل ... تمام ؟
صفاء :: ( شبحتله شبحة من تحت ل تحت ههـ ) تمام ..
قوت :: وط(قص)
صفاء :: وحق لا اله الا الله كلمة تانية ونحلف ماني ماشية ....
البنات :: ههههههههههههههههـ
مرام :: خلاص توتو زي الي زودتها ولا ؟ ههههـ
قوت :: باه ههههـ ,,,
:.//////////////////////////////////////////:.
( ف المستـــــــــــــــشفى )
ليث :: ( ف مكتبه ) ي سلام وهذا طلب ينطلب هوا .... اي اي فاهمكـ .,,,,,,,,,,,, ولا يهمكـ كلها دقائق ونكون عندكـ ,,, ( وصكر تلفون )
( طلع ليث من المكتب طلب سوسن ورجع خش تاني )
.......
( بعد ثواني معدودة )
سوسن :: ( طقطقت ع الباب وخشت ) سلام عليكم ... ناديتني ؟
ليث :: اي ... خوشي .
سوسن :: ( خشت وصكرت الباب ) . نعم ؟
ليث :: انا صار معاي موضوع ... وعارفه انه اليوم امتحان المختبر متعك ... بنأجلوه لي حين اشعار اخر ...
( يتكــــــلم وهوا يشبح للاب توب )
سوسن :: ( تنرفزت بي حكم انه لما طلبت من اجازة رفض الموضوع فوراً ) عفواً ؟ .... المفروض ي دكتور انه بمأنه اخترت اليوم يكون امتحاني معناها اليوم ...
ليث :: ( رفع رأسه شبحلها ) .. نعم ؟
سوسن :: ( سكتت )
ليث :: مش تبي اجازة ولا ؟ .. يالله امشي خوديها .. اهو جاتك زي ماتبي ...
سوسن :: لكن انا لما طلبتها انت رفضتها من غير ماتسمع حتى شن نبي فيها ....
ليث :: ( ساكــــــت ويشبحلها )
سوسن :: ( وف لحظتـــــها سوسن نفجرت انفجار تام ... من ناحيه خوها الي ايده مضررة .. ومن ناحية الاذاعة وتنضيفها ... ومن ناحيه ضغظ ليث عليها .... وخنقة العبرة ف صوتها واضحة ) .... ماحولتش حتى تسألني .... انا لو مانبيش نكون دكتورة او انه انا دكتورة مهمله ماكنتش جيت او قريت اصلاً ..
ليث :: ( وقف ونحه ايديه من ع لاب )
سوسن :: ( بدت تبكي ) من جيهة خوي وايده .. ومن جيهة الاذاعة الي نحرقت ومافيش دعم باش نرتبوها ... ومن جيهة انت .... انت من اول ماحطوك مشرف عليا وانت ديما تكشخ ومايعجبك فيك شئ . رغم انه ندير ف كل شئ تطلب فيه ... شن مزال تبي اكتر من هكي مافهمتش ..
ليث :: ( جي وقف قدامها )
سوسن :: ( قعدت تشبحله وتبكي )
ليث :: تما .... تمام اهدي ... اهدي .. تعالي قعمزي .. ( قعمزها ع الكرسي .... وقعمز ع ركبيه تحتها ) .. اهدي اوك
سوسن :: ( تبكي )
ليث :: انا اسف ...
سوسن :: ( شبحتله )
ليث :: سامحيني ... ماكنتش نعرف ب موضوع خوك ... وماكنتش نعرف انك مضغوطه ... واصلاً ماكانش لازم نتصرف معاك هكي .. بس اسباب تافهه خلتني هكي ... نكلمك ونعاملك ...
سوسن :: ( وهيا تشبحله بي استغراب وهدوء بعد البكاء ) اسباب ؟ ...
ليث :: انا رافض انه نكون دكتور ف المستشفى هادي ... توقعت بعد تصرفاتي تمشي وتشكي فيا وهكي ممكن يختارلك دكتور تاني وانا نطلع ... بس للاسف انتي تحملتي بما فيه الكفايه
سوسن :: ( وقفت وبعدت عنه شوية .... وبي عصبية ) يعني ع خاطرك ... وع خاطر راحتك ... و ع خاطر المكان تبيه ولا لا ... كنت تعامل فيه بطريقة هادي ... وكنت متوقع مني ؟؟؟ ... انتي كيف تكون اناني لي درجة هادي ... المهم انت وبس ....
ليث :: ( مقعمز ف مكانه ويشبح لي جيهة تانية ويسمع فيها )
سوسن :: ( ضحكت ضحكة استهزاء ) هههـ ,, حاجة مش طبيعية بجديات .... ( لفت وطلعت وصكرت الباب )
ليث :: ( غمض عيونه وخدي نفس بي عصبية تامه )
.::::::::::::::::::::::::::::::::::::::::::::::::::::::::::::::::::::::.
( ف ليــــــــــــــل )
( ف ألأذاعة )
// ملاحـــــــظة :: ممكن تكونو نسيتو الابطال او الأشخاص >> أمجد و إيمان ... & .... محمد ( صاحب قصي ) ... أمير ( خوه ) ... قصي ( البطل ) ,,, وداد ( صديقة العمل لي قصي ) .. سوسن ( أخت قصي ) ... نور ( خطيبة قصي ) .. مأيد ( ولد خالت قصي .. خوها ل نور ) ,,,,,, //
..........
( كـــــــــــل واحد فيهم أستلم حاجة ) ..
سوسن :: ( كانت تتكلم ف تلفون برا .. خشت .. حطت تلفونها ) شباااب صباايا .. شوية وقوت و صفاء جاين ... يعني لو بتطلبو حاجة تاكلوها استنو لين يجو ..
مأيد :: باه الي قلتي كيف كنت بنطلب ....
( قصي واقف ع سلوم يشوف ف تاكو ضي الي فوق ويخدم فيه )
قصي :: ( سرح شوية بي كلمتها وبعدين كمل خدمته عادي )
وداد :: ( جت من دار ) باااه الامور لي عند توا تمام ... صالة الاذاعة وغرفة تحكم بس مضررين ...
نور :: ان شاء الله نديروهم احسن من قبل ...
وداد :: وين أمجد و ايمان ؟
نور :: فوق يمسحو ف طاولات ...
وداد :: و أمير و محمد ؟
سوسن :: كيف خليتهم برا .... شوية ويجو ...
وداد :: ( رفعت راسها لي قصي .. وتتكلم بي بصارة ) و وين قصي ؟
قصي :: ( شبحلها )
سوسن :: اااه هذا مانعرفش
نور :: تقريباً قالي شوية وبنجي
وداد :: اااه باه ....
( شبحوله ثلاثة )
قصي :: تو تمشو من تحتي ولا ننزل نوريكم وينه قصي ,,,
البنات :: ههههههههههههههههههههـ
سوسن :: لالا خلاص خليك فوق سلم وخي .. كلها ع بعضها بصاره راه ... ههههههـ
وداد :: ههههـ ,,, شن كلمتي لبنات ؟
سوسن :: اي اي شوي وجاين ...
نور :: باه تعالي احنى نبدو ف مسح المرش لين يجو ...
سوسن :: ( شرين تلفونها ) اااهما دقيقه ...... الو ... ( وطلعـــت )
.......................................:::::::.....................
( بعد ما خـــــــــــشو لبنات )
( الكــــل مقعمزين )
محمد :: شن تقري ؟ ( قالها وهوا يشبح لي صفاء لانه كان مقعمز جنبها والكل كان يهدرزو يعني مش كلام مشترك )
صفاء :: ( بي ابتسامه ) اسنان ...
محمد :: مااشاء الله .. قداش مزالكـ ؟
صفاء :: خلاص الاسبوع الجاي امتحانات الفاينل لو صخر ربي نصفي موادي ونتخرج ...
محمد :: باهي باهي مشااء الله ....
قصي :: ( كان مركز ف حديثهم الي طول بدون داعي )
محمد :: انا متخرج من كلية الاقتصاد ...
صفاء :: كويس ... نحسابكـ تقرا مع قصي ...
محمد :: اي انا وياه متخرجين من كلية الاقتصاد ...
صفاء :: كيف اقتصاد ... يعني .. حسب ماسمعت انه قاري اعلام ...
محمد :: لالا الاعلام هذا موهيبة ولقي خد يدخله ف الخدمة ... لكن هوا خريج اقتصاد .... تي مش انتي صفاء بنت جيرانهم ولا ؟
صفاء :: ( بي استغراب ...) اي كيف عرفت ؟
محمد :: ههههـ تي شن كيف عرفت ... تي هوا اصلاً ماعنده حد يهدرز عليه الا انتي ...
صفاء :: ( سبحت عيونه بكل بطئ من ع محمد لي قصي )
قصي :: ( كان يشبح لي صفاء ... سحب عيونه لي جيهة تانيه اول ماجت عينه ف عينها )
صفاء :: ( نزلت راسها وبتسمت )
محمد :: نطلع بناخد دخان انا ماتقولي لحد ههههههـ
صفاء :: هههههه ولا يهمك ..
وداد :: ضحكونا معاكم العفو هههههـ
قصي :: ( نظراات غيرة العاشق )
محمد :: قلتلها ضحكتك حلوة مشي ضحكت بس هههههههههه
صفاء :: واللهي ههههههههههـ
قصي :: ( لولا هدوء البركان الي ف داخله لانقلب الاذاعة ونحرقت مره تانية )
وداد :: اااايح غاااادي ههههههههههههـ
قوت :: ههههههـ ,,, بنوض ندير قهوة انا .. من يبي يشرب ؟
وداد :: كلللنا ياغالية ...
أمير :: استني جاي معاكـ ,,,
سوسن :: تعالى جاية ماعندناش منها الحركات هااذم احنى ...
أمير :: خوشي ارقدي انتي
الجماعه :: هههههههههههههههههههه
......................................::::::::.....
( خش أمير وقوت يديرو ف قهوة .... ومشي محمد بيدخن برا ... وناض قصي يكمل ف باقي خدمته ونور كانت تساند فيه ... و أمجد و أيمان مع بعض يحلو ف مشكلة الكترونية ... ومأيد طلع من بكري لانه عنده خدمة .... وصفاء مقعمزة ف مكانها وقدامها قصي ونور .... اما بالنسبة لي سوسن >>
:..................:
سوسن :: أنا طالعة برا .. تطلعي ؟ ( قالتها بي شوية لي صفاء )
صفاء :: لا بري انتي ...
سوسن :: تمام ..
( وهيا طالعة >>
محمد :: وين ماشية ؟
سوسن :: بندخن ههههههههـ
محمد :: ههههههـ شن مخابرات امالا ؟
سوسن :: لا والله ماصارت انخنقت .. كل واحد لاهي ف حاجة وانا ماعندي ماندير بنطلع شوية ..
محمد :: باه .... وين صفاء ؟
سوسن :: الداخل .... تعالى جاي قولي ... شن تبي فيها البنت من لما وصلت وانت تهدرز معاها .. ؟
محمد :: اهداء ي وحش هههه، ,, تعرفيني انا شنو ... كيف تفكري هكي .؟
سوسن :: عاد وين نندري عليك البنت حلوة قلت بالك نسيت حبك ي فالح ههههـ
محمد :: تي معقولة هذا كلام ؟ ... تي مستحيل ننساها الاء انا ..
سوسن :: تعجبني .... حكيت لي قصي ؟
محمد :: لا مزال ... تو تجي تقعميزة ونحكيله ... خلاص بري اقلبي وجهك بنخش ...
سوسن :: باه تو نوريك ههههههههـ ,,,
..................................................
( خـــــش محمد وجي قعمز جنب صفاء )
محمد :: ( أولـــــــ ما قعمز ) .. ايواااه واخيراً توا ارتحت
صفاء :: ههههـ ,,, ( شبحتله , ) مش عارفة كيف ترتاحو بعد دخان ...
محمد :: عادي زي ماأنتو ترتاحو بعد القرمة ههههههههـ
صفاء :: ههههههههههههههههـ واللهي ضحكتني يعطياهالك ...
محمد :: أيوااه احني يعطيهالك وحركاات شن الكلام زمني هوا ههههههههـ ’’
صفاء :: اي امالا شن ومن صفاء يأتي زمني ههههههههـ
محمد :: تاريكـ تعرفي تهدرزي ي فرخة غير شووو بس ههههههـ
قصي :: ( وقف وجي جنبهم ) ,,, ( يتكــــلم وهوا يمسح ف ايديه ) شن محمد جاي بتساعدني ولا بتلهي نااس ..
( وقفو محمد وصفاء )
محمد :: لا كيف عاد معاكـ ,,, غير شدتني تهدريزة بس ...
قصي :: ( شبح لي صفاء ) نفس لكلام ليك ...
صفاء :: ( شبحـــتله ومش عارفة شن ترد )
محمد :: تي خيرك ي راجل قتلك نهدرزو بس ...
قصي :: باه هيا اركب شوف امجد فوق شن يدير ...
محمد :: حاااضر باه ههـ ,,,
صفاء :: ( قعدت واقفة تشبح لي قصي ... )
قصي :: ( يشبحلها ويوجه ف كلامه لي نور ) نور تعالي نمشو نشوفو تاكو الي برا ... حبيبتي
صفاء :: ( بتموت من الغيرة تدريجية الي ف روحها ومش قادرة توصفها )
نور :: ماشي حبيبي هي ....
صفاء :: ( قاعدة تشبحله )
وقصي :: ( يشبحلها )
.........................................::::::
سوسن :: انت شن ادير هنا ؟
ليث :: عندي ماندير ...
سوسن :: كيف يعني عندك مادير ... من وين تعرف قصي انت ؟
ليث :: كنا صحاب من قبل ... تعرفنا من جيهة مأيد ...
سوسن :: اي ... وشن جاي ادير هنا ؟
ليث :: ( شبحلها شبحة استفزاز ) وو .. وانتي شن دخلك ؟
سوسن :: ( عصبية مضحكة ) وااااللهي ؟...
قصي :: اايح ليث ههههههـ
ليث :: ( شبح لي قصي الي كان جاي من داخل ) ههههـ ,,,
قصي :: ي مرحب كيف الحال ؟ ...
ليث :: الحمد لله بخير وانت ؟ ...
قصي :: يعني اهوو الحمد لله .... خوش شن قاعد برا ؟
( خشو قصي و ليث )
سوسن :: من جاب الحيوان هذا هنا ؟
نور :: هههههههههههـ العفو خيرك ؟ ...
سوسن :: هذا نفسه دكتور المشرف عليا ف المستشفى ....
نور :: نهار احرف وين ماتمشي ف وجهك هههههههــ
سوسن :: هذا عبارة عن تعريف لي ايامي سووود الي جاين
نور :: سمله اللطف هههههـ ,, غير خوشي تعالي
>>>>>>>>>>>>>>>>
أمير :: ي مرحب ي مرحب ... معقولة ليث بي طوبته هنا ههههههههـ
ليث :: ههههههـ نصدق روحي رااه ريحونا عاد
سوسن :: ( بصوت واطي ) الا انت مصدق ومصدق هلبه
قوت :: تي اسكتي صكري فمك ههههههـ
نور :: كان يسمعك يوريك كيف يكون مشرف عليك حق ...
وداد :: تفضلو خودو ماتبوش عزومه عاد انتم ...
ليث :: شن صااير فيكم توا .... وين وصلتو ؟
قصي :: زي ماتشوف لبنات ينظفو ف المرش ولحيوط واحنى لاهين ف المواضيع الكهربائية والاكترونية ....
ليث :: ان شاءالله خير ....
سوسن :: هوا الي يشوف وجهك مزال بشوف الخير ...
قوت :: ان شاء الله يسمعك ههههههـ ,,
نور :: وين صفاء ؟...
قصي :: ( رفع راسه وشبح جيهة البنات الي كانو يسألو ع صفاء )
( ليث و أمير و محمد وأمجد يهدرزو مع بعض )
...
( جيهة لبنات )
وداد :: فوق ف لبالكونه ... خلوها شوية وتجي ...
....
( جيهة شباب )
قصي :: نستأذن شباب شوية ...
ليث :: خود راحتك ...
............................................
( فوق )
صفاء :: ( ف الوقت الي كانت فيه واقفة وسرحانه وتبكي )
قصي :: (وقف وراها بي ضبط )
صفاء :: ( كانت أفكراها متشتته وماكنتش عارفة اصلاً بي شنو تحس .. تبكي لانه هوا مع واحده تانيه ... يكلم ف وحده تانية ... ينادي في #حبيبتي لي وحده تانية ... تسمع فيها تنادي في اسمه ومتحمله ... الغيرة تاكلها فيها ماكله ... ومش عارفة كيف بتتصرف )
قصي :: باه علاش اديري فينا هكي ؟ ...
صفاء :: ( شبحتله )
قصي :: ( قرب منها وحط ايديه ع خدودها ) مش قلتي ... مش قلتي انك تحبيني ... ومش قلتيلي روحي وعمري ... علاش باه هكي ...... عاجبك توا الي صاير فيا وفيك ...
صفاء :: ( تبكي وتشبحله )
قصي :: انا مش متحمل نشوف حد يسلم عليك .. يبال بكري تهدرزي ومخليتيني ننحرق قدامك .,, صفاء نبي ناس كلها تعرف انك ليا انا وبس ... باش معاش حد يتخطى حدوده معاك وتكوني اميرتي ملكي .... فاهمتي ؟ ...
صفاء :: ( لا تعليق )
قصي :: انحبك .....
صفاء :: ( بكل صوت واطي وبكل رعشة ف كل حرف وبكل خوف تام ) انحبك ...
قصي :: ( ضحك بدون صوت ... وكانت ضحكة من قلبه ... ومن فرحته مش داري بي دموعه الي نزلو خفيفات )
صفاء :: ( لين جت هيا ومسحت الضحكة ف كلمة ) لكن مانقدرش نكون معاك .... ( وخرت خطوات التالي )
قصي :: ( أختفت ضحكت العاشق المظلوم وجت بدالها علامات الاستغراب )
صفاء :: لانه توا في نور .... مانقدرش نكون انانية وناخدك منها ....
قصي :: ........
#يتبع..
#سلمى
