صح قصيرونه بس اسفة بسبب ظروف .: تمتعو // 👇🏻❤️❤️
الحلقة ال12 من رواية ::/
#مغتربة_ف_وطن_العشق🌿💌
:::::::::::::::::::::::::::::::::::::::::::::::::::::
قوت :: ( وقفت جمدت ف مكاني لما شفت المذيع )
صفاء :: ( شبحت لي قوت لقيتها واقفة ع المرش الكبير الي كان يفصلنا ع الغرفة تانيه وكانت مصدومة ... قربت عليها ونكلم فيها ) خيركـ ؟؟؟ ( تلفتت لي الغرفة تانية ........ وهنا كانت #صدمة)
قوت :: ياربي !! .. هذا قصي ولا انا نتخايلـ ؟؟ ( كنت مكتفية بي انه نفتح عيوني زي الفنجان ونفنص من شدة صدمة الي كنت فيها )
صفاء :: ( في وقتها صح صدمة ليها دور بس كأنه كان في رأسي حاجة عبارة عن ... زي وكأنه شريط مصور فيه كلـ ذكريات ويمر عليكـ فجأة ويذكركـ بي حاجة لي مجرد حدوث موقف او محادثة تشبه ...... وذكرة الي جتني وقتها >>
#ذكرة>> _(صفاء :: ( ورجعت عفويتي تتملكني من جديد ... ) كلامكـ زي المذيع الي في راديو وصوتكـ .... اااه اي وانا نقول صوتكـ لي منو يشبه لي بزبط نفس صوت ..
قصي :: اما مذيع ؟ ( بي استعباطـ )
صفاء :: هذا متع برنامج حكايات ع العشق ... تعرفه ؟
قصي :: اي انتي تسمعي فيه ؟
صفاء :: لااااا ... حشاااه وكلا ... يعني وكأنه فيلسوف برفسور ب الحب ... شن فاهمه هوا ف العشق ... مبرده تحسه يعني وكأنه هوا الوحيد الي فااهم الحب وعاايش علاقات خيراات الله ... مثقلـ دمه ...
قصي :: هذا المذيع ؟ ( قالها وهوا يرفع في حواجبه وبيضحكـ )
صفاء :: تي اي يعني اكيد مش المخرج شن عرفني فيه انا ههههههههـ ( كنت نحاولـ نقول كلمات مضحكة لكن ماطلعش معاي )
قصي :: ايواااه تمام .. كويس .. يعني شن بديري بي مذيع بايخ .. احسن حاجة ماتسمعيلاش .. ))
<<<>>>>
( وبي مجرد ماتم شريط من عرض ذكرة الفظيعة هاذي أكفتيت بي كلمة واحدة مع قرنة الحواجب متع الاطفال لما بيبكو و تعكريشة متع الفم وعيون ذبلانات )
صفاء :: لا !!
قوت :: ( شبحتلها ) شن لا ؟؟ ... خيركــــ هههههههـ خيركـ تبكي ؟
صفاء :: اووف علاش دار هكي ... ياربي شن هالموقف الي نحطيت فيه ....
قوت :: تي موقف شني ؟ .... عادي طلع المذيع يعني صدفة شن المشكله ؟
صفاء :: ( نتكلم وانا بي نفس الوصف وانا نشبحله ) المصيبة مش في صدفة ... المصيبة انه انا ماخليت ماقلت عليه
قوت :: باه !!؟؟ يعني هوا شن عرفه انكـ تتكلمي عليه وتقولي انه بايخ قصدي احنى بس نعرفو
صفاء :: ( نزلو اولـ دمعات البراءة والغباء ف موقف محرج زي هذا ) لا ماهو انا ..... انا ( وشبحت لي قوت ) حكيت ليه عليه
قوت :: ( الموقف في وقتها صح صدمة وصح تفاجأنه بي وجود قصي نفسه الموذيع بس الموقف المضحكـ الي كانت في صفاء خلاني نضحكـ من وسط وسط قلبي منظرها كان وكأنه طفلة عمرها 9 سنين وهيا تبكي ) ههههههههههههههههههههههههههههههههـ لا مستحيل ههههههههههههههههههههـ
صفاء :: تو ع شنو تضحكي مبردكــ ,, مش شايفة انه انا نحطت بي موقف تاافه جداً ...
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’
( بعدة مدة من زمن ..>> )
قصي :: ( خش لي دار ) سلااام !
قوت :: ( كنت نشبحله ونحاولـ انه نحي الضحكه المستفزة من ع وجهه لانه نار الي راكبه صفاء ف وقتها ممكن تحرقنا بي الاذاعة بي لي فيها )
قصي :: ( غمزلي بي معنى شن في )
صفاء :: ( كنت نبكي ومنزله راسي لوطه من كتر ماكنت متحشمة )
قصي :: صفاء !!
قوت :: امممم انا بنمشي .... يعني عطشانه نشرب مياه ونجي ... ( نتكلم وانا ندير في حركات بي ايدي ع اساس شوفها وهكي )
قصي :: ( غمض عيونه وفتحهم بي معنى تمام )
( طلعت قوت )
قصي :: ( بصوت هادئ يرافق جو ) صفاء ! ..
صفاء :: ( كنت منزله راسي ونبكي )
قصي :: ( نزلـ قعمز تحت رجليها وقت كانت مقعمزة ع كرسي ... والابتسامة مافرقتش وجهه ) صفاء اشبحيلي ... هيا اشبحيلي
صفاء :: ( نتكلم وانا راسي لوطه ) انت تعرف من الاول انه انا نتكلم عليكـ علاش ماقلتش انه انت نفسه المذيع ... عاجبكـ توا الموقف الي حطيتني فيه ( ويعلى صوتي ف بكاء اكتر )
قصي :: لاااا خلااص يالله عاد ههههـ ,,, يعني انتي كنتي منفعمة بي تهزيب ههههـ ماقدرتش انقولك انه البابيخ هوا انا ...
صفاء :: ( منزله راسي ومارفعتاش )
قصي :: هيا عااد ... ( بصوت هاادئ وبي لكنة حلوة ... بي أحساس واصل من تردد الحروف .. ) صفااء اشبحيلي ... ترا ارفعي راسكـ ( ورفع ايديه يحاولـ يرفع راسي ... ) ايوااه ترا اشبحيلي ... اشششش خلاص
صفاء :: ( #اششش ممكن عادية بس ف وقتها حسيت بي رعشة بي انه جسم نتفض ... غمضت عيوني لا ارداياً ... أولـ ماعرفت انه رفعلي راسي و أولـ مابنفتح عيوني بنشبحله ... ماقدرتش نفتح عيوني .... حط ايديه ع خدودي وقعد يكلم فيه بي طريقة هادية حنونه ... مافهمتش مساايرة او انه يسكت فيه بي طريقته هوا ... لانه لو هاذي طريقته ف انا تمنيت انه نقعد زعلانه ونبكي باش كل شوية يراضيني )
قصي :: أفتحي عيونكـــ ....
صفاء :: مانقدرش حتى نشبح لي وجهكـ انا .... اوووف انا مانحبش ننحط ف مواقف هكي معاش نعرف نتصرف ونبداء زي البيبي نبكي .... مبردكـ علاش هكي ياريتكـ قلتلي ... انا متحشمه منكـ و(قص)
قصي :: اشششش خلاص ... يالله افتحي عيونكـ واشبحيلي ... اعتبري وكأنكـ ماصار شئ ... الموضوع عادي بس انتي مكبراته ... بالنسبة للي قلتيه صح كان انتقاد بس لو كان من حد غيركـ كان حايكون انتقاد لكن منكـ مش عارف علاش حسيته مديح ......
صفاء :: ( كنت مانعه عيوني نفتحهم بس وحده وحده نفتحو عيوني وشبحتله )
قصي :: ههههـ عيونكـ حلوين لما يبدو مدمعين .... زي الورد وسقيتيهم ....
صفاء :: شن قلناا ع الكلام هذا احنى ؟ ( قلتها بي طريقتي الغبية العفوية ف الكلام )
قصي :: ( لي تاني مره تمنيت انه يكون تلفوني ف ايدي او مسجلة او اي حاجة نقدر نسجل بيها ضحكته الحلوة )هههههههههههههههههههـ مهبولة ... وانا شن قلتلكـ ف وقتها ؟؟ ( ورفع حواجبه )
صفاء :: ( رجع الي قلتلكم عليه هذاااكـ شريط زمني الي يذكركـ بي الموقف وذكرت >> (؛:؛:: صفاء :: مايأمر عليكـ ضالم ..... هدرز عادي .... انت صديقي يعني خليكـ عادي عفوي ... يعني نشيلو الكلفة .... يعني مش ضروري اميرتي وجو وكلام حلو .. ههههههـ
قصي :: كلام حلو ... أوكـ نوعدكـ أول مانبطل نشوفكـ حلوة نبطل كلام حلو )
>>><<<>
( أولـ مانتهيت من الذكريات سمعته يقولـ )
قصي :: أكيد مالحقتيش تنسي ...... ( سكت شوية وقال ) ,,/ أميرتي !! ( وضحكـ من غير صوت )
صفاء :: ( أكتفيت بي أنه نشبحله وخلاص .)
:.:.
( وأستمرو قصي وصفاء فترة من زمن ... زمن كان يمشي بي شوية بي شوية ... ونظراتهم كانت عبارة عن نظرات حلوة صافية مش مفهومة بي اثنين ... #صداقة.. هذا الي قالاته صفاء يعني أطلقت اسم ع علاقتهم بي #صداقة ... باه معقولة صداقة فيها نظرات معبرة واحاسيس واشتياق ومشاعر طالعة من زوايا العين معبرة عن الحنان اللطف والبراءة ... معقول ؟ ... هذا الي بنعرفوه مع الايامـــــ * )
........................................................................
( ألأذاعة )
( طلعت ولفيت الاذاعة كلها ... وبعدين قعمزت ف صالة نتفرج ع لي يخشو ولي يطلعو ... ومليت طلعت تلفوني اللعبت وفتحت نت ومافيش فايدة و مانبيش نزعج صفاء ... )
أمير :: سلام ... قصي موجود ؟
( بين ماكنت لاهيه ف تلفوني سمعت صوت ... وكأنه صوت سامعاته من قبلـ ... رفعت رأسي طول وشبحته ... كان واقف يسأل ف الاستعلامات .. #أمير ... )
الموظفة :: هوا توا عنده ضيوف ... تقدر تستناه ف صالة ...
أمير :: أووكـ تمام ....
قوت :: ( #وقفت ... ومافهمتش علاش وقفت ... ممكن لانه في حاجة كانت مانعة دم يوصل لي رجليه .... او كأنه حسيت بي رجليه نشلو نوعاً ما ... مانعرفش في احساس غريب جاني وخلاني نوقف فوراً ... )
أمير :: ( تلفت وجاي للمكان الي قوت مقعمزة فيه ) ( بي ضحكة ) هههـ أهلاً ...
قوت :: أهلين ( رديت بي صوت واطي جداً ,,,, هدوء تام وانا نشبحله ... )
أمير :: ( وقف قدامي بزبط ) ( بي أبتسامه جدابة ) كيف الحالــ ؟
قوت :: الحمد لله ( نرد بس مانعرفش خيرني كانت دقات قلبي زاايدة .... اي كنت نحس انه قلبي بيطلع من مكانه ونفسي هرب صوتي كان غارق وانا متأكدة انه خدودي فضحوني وبدو حمر ) أنت ؟
أمير :: تمام ..... ( سكت شوية وبعدين ) بشوفتكـ ...
قوت :: ( حاولـ ,,, حاولت،،، حاولت ناخد نفس بي وكأنه في حاجة حرقت الاكسجين وتم مره تانيه .... وكأنه مافيش غيرني كان في ضباب تم من حوليا ... ) هههـ جد ؟ ..
أمير :: ( كان واضح ع وجهه الاستغراب من قرنة الحواجب لي خفيفه الي طلعت ع وجهه ) قوت ؟؟ انتي كويسة ؟
قوت :: لا ... اي ... اي كويسة تمام ههههـ ,,, وانت ؟ ...
أمير :: ( ساكت و كان بيضحكـ بس ماقدرش ... كان واضح شئ الي حاسه بيه قوت لي امير بي الاستعباط كان ولاء شااب )
قوت :: اسفة سألتكـ تاني هههههـ يعني المفروض لا ... ( تلفتت لي جيهة اليمين وتمتمت ) ياربي امشي قوت امممشي ...
قوت :: يالله سلام ... باي
امير :: ( مسكني من ايدي ) استني شوي .... ( تغيرت علامات وجهه امير بي لكاملـ وبدي يتصرف بي شكلـ جدي ) فيكـ حاجة ؟ ... يعني في حد ضايقكـ ؟ .... قوت خيركـ، ؟
قوت :: ( ياااربي كنت نذووب والله كنت نذوب ف عيونه اولاً لانه نظرته كاان فيها احساس خوف حلو جداً .... صوته تانياً لانه كان فيه رعشة وجدية راااجلـ بي معنى الكلمة )
أمير :: قووت ؟؟ ... تي تكلمي .... تكلمي خيركـ تخوفي فيا ؟
قوت :: حق ؟ ... يعني انت خايف عليا ؟ ... ( ااخ منكـ صفاء وكأنه عفويتها الغبية ف لكلام عدتني .. قلت جملتي وكأني ف مسرح و نتنقن ف دور ... قلتها بصوت واطي بصوت حساس بي غباء بي تصرفات بنت بلهاء )
أمير :: ( أبتسم ع جنب ) اكيدــ ,,
قوت :: ( سحبت أيدي ) اوووكـ مافي شئ بس نبي نمشي ووقت ... شكراً ( ومشيت )
أمير :: شكراً ؟؟؟؟ ع شنو ؟ ... ههههههههههههـ مجنونة ... ااخ بس لو نعرف شن شئ الي شادني ليكـ ,,, مستحيل نكون انا امير نفسه ههههههـ غبي
:......................................................................:
#باب :: طق طق طق ...
( دقة الباب فيقتهم العشاق هههههه الي يدعو بي علاقات صداقة ... )
قصي :: ( وقف ) تفضلـ ...
أيمان :: سلام ! ....
( هنا يرجع زمن يمشي بي شوية .... لي يستغرق قصي دقايق طويلة باش يركز في لي خشت .... و لي تستغرق صفاء رفع راسها ومسح عيونها وتشبح للبنت الحلوة الي خشت .... )
قصي :: ( بي طريقة مشمئزة .. وبصوت واطي وكأنه يكلم في روحه ) انتي !.؟
صفاء :: ( شبحتله طول ... تعابير وجهه كانت ترفضها بي شدة .... يعني وكأنه خش علينا شيطااان ومن نظرته ليها ونظرتها ليه قدرت نستنتج بي انها ايمان )
ايمان :: كيف حالكـ ..؟
( كانت تشبحله وتسأل فيه بي كل حنية ورمانسية ف الكلام )
قصي :: خير !! ... شن تبي ؟
( انا هنا وقفت )
ايمان :: حبيت نطمن عليكـ ,,
قصي :: ( ضحكـ ضحكت استهزاء ) ههههههـ تطمني ؟ .... امشي ايمان امشي ...
ايمان :: ( شبحتلي وكانت واضحة انها تبي تتكلم مع قصي من غيري )
صفاء :: ( كنت بننسحب ) تمام ... نتلاقو بعدين قوت تراجي فيا ...
قصي :: ( وهيا طالعة .... مسكـ ايدها ) استني .... ( شبح لي ايمان ) تبي حاجة تانيه ؟
ايمان :: ...........
#تتبع
#سلمى
