الحلقة ال18 من رواية ::""
#مغتربة_في_وطن_العشق :::
""""""""""""""""""""""""""""""""
صفاء :: لا ... ( ونزلت راسي وانا نبكي ) لا مانقدرش ... واللهي مانقدر ... ماااانقدرش (ونبكي )
قصي :: ( ساكت ولا كلمة ... )
صفاء :: ( ناضت وكانت تتراجع خطواته بي قسوة .. وتردد ف مشيتها كان وااضح لي أبعد حد ... كانت روحها تتصرف بدلها .. وكان قلبها هوا واقف وعقلها وكبريائها مبدئها هما الي يفكرو ... )
قصي :: ( وقف وكان مكانه وراها وهيا الي كانت عاطيه بي ضهر .. كان يشبحلها ع املـ تغير قرارها وترجعله ... تقوله الي يبي يسمعه قلبه و روحه وكل نفس فيه ... )
>>
أحيااناً مش كلـ الي نحبوهم لينا ..
وألأصعب تكون حواليهم ف كلـ لحظة وبعيد كل البعد عن قلبهم وتفكيرهم ...
>>
( وصلت صفاء فوق فتحت باب شقة وخشت وصكرت الباب .. وقفت من رواء الباب وبدت تبكي بحرقة كبيره قعمزت ع الارض حضنت رجليها وبدت تبكي )
ملاكـ :: صفاء !
صفاء :: ( رفعت رأسها بي صعوبه كبيره وعيونها الي كاانو معبين دمووع )
ملاكـ :: ( قعمزت جنب بنتها ومسكتلها ايديها الي كانو زي ثلج ) خيركـ ماما ؟
صفاء :: ( بي رعشة صوت وااضحه .. وبي خنقة ودمعه ) ماما ... انا عقليتي هكي .. انا من لما ولدتيني هكي ... انا كيف هكي فكرت وعلاش ي ماما علاش ..؟
ملاكـ :: ( تشبح لي بنتها وساكته مش فاهمه شن تسأل وشن تقول.. تشبح لي بنتها بي أستغراب وتقول ف نفسها معقوله هاذي بنتي القوية الي ماتمبكيش ع اي حاجة .. وشوي شوي بدت دمعت الام تنزل )
:>>>
مع نغماات ..
كلماتها ..
لحنها ...
هدووء ترددها ..
وصعوبة سماعها ..
كانت الاغنية وحيدة الام والبنت مراافقة للقائهم ..
صفاء :: ماما !
ملاكـ :: نعم ؟
صفاء :: انا تعبانه ....
ملاكـ :: ( حضنت بنتها ) ياروحي ان شاء الله فيا ولا فيكـ ,, خيرك يا ماما احكيلي احكيلي تعبتيني معاااك يا ماما احكيلي
صفاء :: ( بي أكبر صعوبة وبي أكبر تنهيدة وحرقة دمعه ) نحبه ي ماما واللهي نحبه
ملاكـ :: ( حضنتها اكتر وكأنها كانت تحمي فيها من وحش دنيا وحقاارتها .. ) اي ماما فااهماتك ي ماما
؛؛؛
>>
هنا #ألاغنية أخدت دورها ف لقااء
يختفي صووت الام والبنت ..
ويأتي صوت الاغنية ..
#الاغنية
_(صغيرة مازلـــتت صغيرة ... ما أقـــــــصر الطريق الذي قطعته )_
>>
( هكـــذا أنتهى الليلـ ,,, انتهى بـ لأسى ,, انتهى بـ الحزن .. انتهى بـ الفراق .. والعذاب .. وتركـ الحبيب ... ماهذا أيها القدر وأي لعبة تتبعها الان بحق صفااء ؟؟ )
>>
( صبــح )
( ف شقة #أصالة )
( ناضت اصالة وجت لي صالة بتفتح البلكونه ... )
أصالة :: هييي .. قصي ؟
قصي :: ( كان راقد ع صالون )
أصالة :: سمله عليه وليدي .... ( وقربت منه .. تلعبله بي شعره ) قصي .... ماما .. قصي نوض ولدي
قصي :: ( فتح عيونه )
..............
( ف شقـــة #ملاكـ )
صفاء :: ( فتحت عيونها )
ملاكـ :: نوضي ماما خلاص ياسركـ ,,
صفاء :: ( ناضت لقت روحها راقده ف سرير امها ) ..
ملاكـ :: رأسكـ يوجع فيكـ ؟
صفاء :: ( حاطه ايدها ع راسها ... ومتحشمه من امها ع قالاته امس ) لالا ماما
ملاكـ :: باه يالله حبيبتي تعالي نفطرو لانه قوت قريب تجيكـ ,,,
صفاء :: باه ..
( ملاكـ ,, كيف بتطلع )
صفاء :: ماما !
ملاكـ :: نعم حبيبتي
صفاء :: اسفة ع امس ...
ملاكـ :: ( سكتت شوية ) يالله حبيبتي نوضي دوشي وبدلي ومره تانيه نهدرزو توا مش وقته
صفاء :: ( أبتسامه لا أراديه زرعتها ع فمي وكأنه رتحت لانه ماما ماتبيش تفتح معاي الموضوع ) باه ...
...........................
( ف شقــة #اصالة )
( ف المطبخ )
سوسن :: باهي ماما عادي ... كبرتي الموضوع خيركـ ؟
اصالة :: شن هوا الي عادي ؟؟؟ .. تي خوكـ وجهه متغير نقولكـ واللهي واضح عليه سااهر وتعباان
سوسن :: باااه وين الموضوع مافهمتش ؟
اصالة :: تو خوك من امتى يسهر ترا فهميني
سوسن :: من امس ههههـ ,, عادي ماما خيرك
اصالة :: مبردك غبية .... وتي الفطور وتي ...( وطلعت )
( وبمأنه المطبخ مقابل باب الحوش )
اصالة :: اها !!.. وين ماشي ؟
قصي :: ( كان مجهز روحه وطالع ) بنمشي للاذاعه ..
اصالة :: اللطف .. غير افطر
قصي :: لالا وقت ...
اصالة :: تي غير استني ي ولد نكلم فيك .... العفو ؟
قصي :: ( طلع وصكر الباب ... كان نازل و وقف شوية يشبح لي قدام الباب متع شقة صفاء ... وبعدين نزل )
....................................................
( تحت قدامـ العماره )
قوت :: ( كانت خااشه ) اووو قصي .. اهلاً شنو جو ؟
قصي :: ( وجهه مايتفسرش وجوه مش اوي ورده ع ناس بي كل برود ) تمام ..
قوت :: ان شاء الله خير .. خيركـ ؟
قصي :: لا شئ ... يالله لازم نمشي متأخر سلامات
قوت :: ( تشبحله بي استغراب ) تمام ... مع سلامه ..
..................................................................
( #شقة #ملاكـ )
قوت :: مع المغرب ان شاء الله ...
ملاكـ :: باه ان شاء الله يوصل بسلامه يارب ...
قوت :: أمين خويلة ........... صفااااء ؟ .. هيا عاد
ملاكـ :: صفاااء ماما وينكـ ؟
صفاء :: جيت جيت .... أهلاً ( ومشيت نسلم ع قوت ... عيوني كانو منفوخين )
قوت :: أهلين !!؟ .. خيركـ؟ خيره هكي وجهك ؟
صفاء :: شئ .. هيا نمشو ..
قوت :: اي هي ....
...........................................................
( سيارة ## )
قوت :: حبي ؟
صفاء :: ( شاده فوني وفاتحه نت ) نعم !
قوت :: جوكـ مش عاجبني .. أحكي شن فيه ؟
صفاء :: اوووف مافي شئ ي قوت ماتعنكشيش ....
قوت :: مدامكـ نفختي معناها فيه ... احكي شنو ؟
صفاء :: ( حطيت فوني وشبحتلها ) بااه لما نبي نتكلم تو نتكلم هكي كويس .... خلاص ريحيني ...
قوت :: باه ..... المهم توا .. بنخليلكـ سيارة وبنطلع مانبيش نقعد معاكم ..
صفاء :: نعم ؟؟؟ ... تو انتي الي اخترعتي طلعة المطعم هيا ولا .. وبن بتمشي ان شاء الله ؟
قوت :: أحمد بيشري هدية لي زينب ع خاطر عيد زواجهم .. وفركت ناخدله حواايج حلوين للبيبي ... و امير بيمشي معاي فا بنخليلك سيارة نكمل بسرعه ونجيك ...
صفاء :: بتمشي معاه ؟
قوت :: ( بي ابتسامه ) يس ..
صفاء :: يامثبت العقل ودين ياااارب ..
قوت :: أمين هههههههـ ,,,, ريحيني انتي توا وقولي باااهي .. صفوشتي معنديش غيرك عيوني ... باللهي عليك
صفاء :: بااااه خلاص ..
قوت :: نجيها ياربي .... وردي بالك ماعندكش رخصة وكانه بتطلعي بيها ....
صفاء :: هي هي انتي شن نطلع بيها هيا ... راهو بنستناك ف المطعم شن بتعطلي ولا شن ؟
قوت :: تي لالا .... قصدي كانه جي خاطركم بتطلعو انتي والبنات لي مكان تاني بس ...
صفاء :: لا مايجيش خاطرنا ماتخافيش ...
قوت :: يالله احكيلي ...
صفاء :: ( شديت شعري وشبحتلها ) نعيييط ...
قوت :: ههههههههههههـ لالا خلاص بلاش ...
تلفون :: ترن ترن ...ترن ترن
قوت :: ( بي لهفة الحب الغبية الي ماحسيتهاش وقت كان نزار يتصل بيا .. او كان يبعت مسج او بنتلاقو ... حسيتها مع امير ... الامان الاستقرار الحب وراحه والحنان عباره عن امير ) ألو
":::::::::::::::::::::::::::"
أمير :: صباح الخير ..
قوت :: ( بي ضحكة العشاق الغبية ) صباح الورد ...
أمير :: كيف حالكـ ؟
قوت :: تمام الحمد لله ... وانت ؟
أمير :: توا كويس ...
قوت :: ههههـ كيف يعني ؟
أمير :: من شوية كنت مضايقة لكن بعد ماسمعت صوتك بديت كويس ...
قوت :: ( أختفت الابتسامه ) خيركـ حبيبي ؟
أمير :: شئ حبيبتي ماتخافيش ... انتي وين ؟
قوت :: لا ماتغيرش الموضوع ...
( وصــلت قدام المطعم .. شبحت لي صفاء وقلتلها تنزل بالحركات وانا قعدت )
أمير :: مافي شئ ياودي خيرك ...
قوت :: يعني تقولي مضايق وتبيني نفوتها .... أمير احكي
( وقف ع روشن متع سيارة ... )
أمير :: باه انزلي تو نقولك ...
قوت :: ( شبحتله )
أمير :: انزلي ...
قوت :: ( نزلت وصكرت تلفون و الباب ) خيرك ؟
أمير :: ( ضحك ضحكة ع جنب .... حضنها ) تعالي ...
قوت :: أمير باللهي عليكـ قولي خيرك ...
امير :: ايواااه توا كويس ...
قوت :: ( دفيته ) تتسهوكـ ؟
أمير :: لا . نحبكـ
قوت :: مثقل دمكـ ,,,
أمير :: ههههههـ
قوت :: غبي .. عندكـ علم انكـ غبي ...
امير :: ههههههههـ ,,,
قوت :: معاش تضحكـ ي مستفز ... شغلتلي بالي وكنت خايفة عليك وتضحك ....
أمير :: عادي من حقي .. بنقيس غلاي .
قوت :: امشي اقلب وجهك كان مزال صدقتكـ ,,
أمير :: ( مسك ايدها ) ياسرينا عاااد ... نبصرو ..
قوت :: ( ساكته ونشبح لي جيهة تانيه )
امير :: اشبحيلي .... هيا حبيبتي اشبحيلي
قوت :: مانبيش ...
أمير :: ( يضحك ) غير اشبحيلي هيا ...
قوت :: قتلكـ اقلب وجهك ... امير ماتخلينيش نتركب فيك جريمة ...
أمير :: متأكده ؟
قوت :: اي ..
أمير :: ماتبيش تتلفتي ؟
قوت :: اااااي ...
أمير :: امم .. باه ..
( لف جيهة تانيه وقامها )
قوت :: هييييييييييييييه ... أممير .. نزلني ... توااااا نزلني ... اااااامير
امير :: ههههههههههـ واللهي انا قلتلك متاكده .. وانتي قلتي اي
قوت :: نزلني عييب ... نزلني امير ...
امير :: ( مشي بيها لي سياارته وركبها ) ....
( جي هوا ركب )
قوت :: نزلني ...
امير :: ع فكره الباب مفتوح تقدري تنزلي هههههههههههـ
قوت :: ( شبحت لي جيهة تانيه بي تصرفاتي توتريه نحرك في ايديه يمين ويساار ونساوي ف شعري .. )
امير :: ههههـ ,,, ( ولع سيارة ومشي )
:....................:
( ف الاذااعة )
وداد :: اسمعي اول مايجي قصي قوليلي ,,
الموظفة :: جي ... خش توا
وداد :: جي ؟؟ ... خيره ماسألش عليا ؟
الموظفة :: امم مانعرفش ...
وداد :: طلب قهوته ؟
الموظفة :: لا ..
وداد :: ايواااه معناها متعفلق .... تمام منوره ...
.....................:......................
الباب :: طق طق ........... طق طق
قصي :: ( يكتب ع لاب وماردش )
وداد :: سسسس .. سلاااام عليكم ... خوناااا طق كق ..
قصي :: خوشي ...
وداد :: غير عدل علينا .... نطق طق ليا ساعه
قصي :: وداد لخصي ....
وداد :: خير جدك ي فرخ ؟
قصي :: ( وقف كتابه وغمض عيونه بي عصبية وشبحلها ) خير ؟
وداد :: تي خيرك انت مش انا ؟ .... شن فيك العفو ؟
قصي :: مافيه شئ .... شن تشوفي فيا ندير ؟
وداد :: اي باهي .. لكن امس اتفقنا تجي تسلملي الموضيع متع الحلقات ... جيت وماسألتش عليا ؟
قصي :: ( رجع يكتب ع لاب ) قاعد نكتب فيه ..
وداد :: ( جبدت الكرسي وقعمزت ) ومن امتى حضرتك تتاخر بيهم هكي ؟
قصي :: ( شبحلها .. رد بصوت عالي شوية ) من اليوم ي وداد من اليييوم تمام ..؟
وداد :: ( سكتت ... )
قصي :: ( رجع يكتب من جديد )
وداد :: قالت لا ... ؟
قصي :: ( وقفو اصابعه عن الكتابه لي لحظة .. ( وخطم قدامه شريط ليله الامس كلها ) )
وداد :: امممم ... زي ماتوقعت ... هذا علاش حضرتك جااي تخبط ف دنيا ومتعصب وقالبها دراااما ...
قصي :: ( شبحلها ) شن ماعندكش ماتخدمي ؟
وداد :: ايواااه .... تمام ( وقفت ) مااشية ,, لكن خليها ف راسك بنهدرزو ,,,
قصي :: تمام ... يالله توكلي
...........................................................
( مع العصر .. )
( ف المحــــــــــلـ )
أمير :: هههـ شوفي هيا .. ( كان ياخد ف حوابج صغار ويضحك عليهم )
قوت :: ههههههههههـ محلاها .... خليها تو ناخدوها ...
امير :: باه ...
قوت :: مليت حبيبي ؟
امير :: ( شبحلي ) تو انا مع حبيبتي .. ونشرو ف حوايج صغارنا .. وتبيني نمل ؟
قوت :: صغاارنا ؟ ههههه
امير :: هههه يعني نحاول نعود نفسي ع ازامات المستقبل
قوت :: حقير ههههههههههـ،
امير :: هههههـ
قوت :: خلاص شرينا كل شئ تقريباً ,,,
امير :: تعالي نشوفو ريحه للولد
قوت :: هههههههه ولد ؟
امير :: ههههه تي ي بنت لا نحلف معااد مطلعك راه هههه
قوت :: لا ونبي لا ههههه.. امشي
( المحلـ فخم ... وحلو .. وكان فيه كل الي حتجته بنشريه .... بس مشكلته وحده ... وانه الي تبيع فيه بنت .... وعينه من ع امير مانزلتش. ..)
البنت :: ( بي ابتسامه ) تحبو نساعدكم بي حاجة ؟
امير :: ( كان شاد اكندرة ويتفرج عليها شبحلها وبتسم ورجع يشبح للكندره تاني )
قوت :: لا شكراً ... تقريباً كملنا خلاص .... ولا حبيبي ؟
امير :: ( شبحلي ) اي ... اي تمام ..
قوت :: شنو نمشو .؟
امير :: اي ... يالله
( مشينا للكاسه )
البنت :: ( بي ابتسامه ) يتربى ف عزكم ..
قوت :: ( كيف بنرد ) #قص
امير :: لا ههه.. يعني احنى مش متزوجين هاذم مش لينا ..
البنت :: ( حسيتها فرحة فرحه لين خلاص ) ااا(قص )
قوت :: ( وانا نشبح لي امير ونتكلم بي نرفزة وااضحة ) اااي بروفه .. هااذم لي مرت خوي .. احنى عرسنا قريب ف قلنا ندربو هههه
امير :: ( شبحلي .. مبتسم )
البنت :: ااه .. اي مبروك مقدماً ههـ
قوت :: شكراً ..
:.............................:
( قدام باب المحل )
قوت :: عجباتكـ ؟
امير :: تهبل ..
قوت :: ( ضربته ع ايده ) غبي .. شن هيا الي تهبل ؟
امير :: الكندره .. خيرك ؟
قوت :: والله جد ؟ ... الكندره ... لا بالك ماركزتش ؟ .. البنت لاشوي كانت بتاكلك ب عيونها ؟
امير :: لا واللهي ماركزتش ...
قوت :: وطبعاً انت طووول تعطي فيها ف دااافع باش تشبحلك .. أبتساامتك ساااحره .... وفوق من هذاا جااي تقوللها مش لينا الحااجات .. ( وتقلد في كيف يتكلم )
امير :: ( بي ابتسامه ) نهاارك اسود ... تغاري ؟
قوت :: امير ...
أمير :: عيونه
قوت :: حبيبي مره تانيه معاش نبي نشوف ابتسامتك لي ولا مخلوقة ع وجه الارض حتى لو كانت امك .. ماتخلينيش نكسرهم سنونك ونشيبك بكري بكري
امير :: ههههههههههههههههـ ( حضنها ) مجنونه
قوت :: بي تصرفاااتك غبي
امير :: هههههههههه
:...................................................................:
( المغرب )
( شقة #أصالة )
أصالة :: مساء الخير بنتي كيف حالك ؟
وداد :: اهيلن اصالة كيف حالك انتي ؟
اصالة :: الحمد لله ... بنتي بنسألك قاعده ف الاذاعه ؟
وداد :: لالا طلعت من بكري ... علاش ؟
اصالة :: قصي لي توا ماروحش بالي مشغول عليه ... ناصر وامير وسوسن مافي حد ف الحوش
وداد :: امم .. شوفي اصالة .. انا خليته غادي وقال عنده خدمه .. ماتخافيش عليه تو يكمل ويروح
اصالة :: باه ... بارك الله فيك حبيبتي صحيتي
وداد :: ايح وداد مابيناتناش ....
اصالة :: ( صكرت وشبحت لي ملاك الي كانت عندها )
ملاكـ :: خلاص ماتخافيش عليه .... تعالي قعمزي شن قالتلك ؟
اصالة :: قالت يخدم قاعد ... لكن لي توا ؟ ...
ملاكـ :: عادي مرات عنده خدمه ؟
اصالة :: لالا .. انا جوه مش عاجبني .. لا امس ولا الي قبله .. نقلب قلبه الولد هذا ... مافهمتش
ملاكـ :: خلاص ماتخافيش عليه وماتشغليش بالك بي الحاجات هاذي ...
تلفون :: ترن ترن ...ترن تر ن
ملاكـ :: شوية بس حبيبه ... ألو
:/...........
صفاء :: ايواه ماما ...
ملاكـ :: ايواه حبيبتي .. وينك عطلتي ماما
صفاء :: اي هذا علاش كلمتك .. بنعطل شوية ماما .. مرام هذا وين جت .. ماتخافيش جو برا كويس ودنيا عامره
ملاكـ :: باه ... انا عند خالتك اصالة ...
صفاء :: اه ... ف حاجة ولا غير هكي وخلاص ؟
ملاكـ :: مشغول بالها ع قصي .... جت بنقعد معاها مافي حد هنا
صفاء :: ( بي ولهة ) قصي ؟؟؟ خيره قصي ... شن في ؟ خيره ؟
ملاكـ :: شئ شئ ماما ماتخافيش ... عطلـ ف الخدمه لي توا .. واصالة تعرفيها قالت جوه مش عاجبني اليومين هاذم وهكي يعني ...
صفاء :: ااه .... باه ماما نكلمك بعدين
ملاكـ :: باه بسلامه وردي بالك ع روحك
صفاء :: تمام ...
:.............................:
( قدامـ المطعم )
( طلعنا وقفنا قدام الباب بحكم انه كلمتني قوت وقالت قريب تجي )
قوت :: حبي ؟
صفاء :: أهلاً .... ( شبحت لي امير ) اهلين كيف الحال ؟
امير :: الحمد لله بخير وانتي ؟ .. ( شبح للبنات ) كيف الحال
البنات :: تمام ..
صفاء :: الحمد لله ... امير .. أمكـ مشغول بالها ع خوكـ ,, يعني .. شوفه وكلمها
قوت :: خيره قصي ؟ ...
امير :: علاش خيره ؟
صفاء :: مانعرفش .. بس قالت عطل ف الخدمه ومشغول بالها عليه ..
امير :: ااه .. تمام تو نمشيله ...
قوت :: ( قعدت نشبح لي صفاء الي كانت تتكلم وكأنها تبي امير يتصل بي قصي ويطمن قدامها ..)
أمير :: ( شبح لي قوت و بي غمزة جبدها ع اليمين شوية )
( مشيت لي امير وخليت صفاء مع البنات )
.....
امير :: انا بنمشي لي قصي .. وانتي اول ماتوصلي كلميني ... تمام ؟
قوت :: تمام ... نبي نقترح عليك اقتراح ..
امير :: تفضلي ..
قوت :: عادي نمشي انا وصفاء معاك .. وتو نهدرزلك علاش بعدين ..
امير :: شن بتهدرزيلي بعدين ... شن فيه ؟
قوت :: تو نقولك ... غير خليني نمشي معاك
امير :: ( شاف لي ساعه ف ايده ) لالا ساعه 8 ونص .. روحي تو نكلمك بعدين ..
قوت :: حبيبي باللهي عليك .. مش حانعطلو ..
امير :: لا خلاص ... امشي يالله .. وديرو بالكم ع روحكم
قوت :: اوووف منك امير ... عااد قول باهي باللهي عليك ... مزال الوقت راه
امير :: ( يشبحلي )
قوت :: باللهي عليك ...
امير :: ( بي تنطوير ) باه هيا هي ... اركبي سيارتك وتعالي وراي
قوت :: تمام ...
.............
#يتبع...
#سلمى ....
