◀️📝 مغتربة في وطن العشق 💌🌿
◀️ الحلقة ال 16 >>::/
"""""""""""""""""""""""""""
( كانت بداية صدمة للموضوع أنه توصلكـ رسالة تقطرع علاقة مهمه او مش مهمه هذا ف حد ذاته صدمة .... كان الوضع عادي وتكلمو وتسهوكـ عليها والامور تمام ... شن الي يغير الوضع ويخليه يكره فكرة صداقة ... رسالةة لخبطت أفكار صفاء .. وخلتها تبي تفهم وترفض وتفكر وحتى تبكي .. أي ردة فعلها كانت مش متوقعه انها تبكي ... معقولة صفاء تبكي ع خاطر ولد ؟.؟ .. أي وهذا الي صار )
:::
#رسالة .. >> #قصي
( أنسي موضوع صدااقة ... أنا مانقدرش نكمله )
صفاء :: ( قعدت نشبح لي تلفون ومصودمة بي رسالة .. نحاول ندور ع اي كلام اوحروف موجودة ف رسالة غير انا ماشفتهاش ع الاقل تكمل رسالة ناقصة ) كيييف ؟؟ ... ( أكتفيت بيها كاكلمة من خلال صدمتي بس بي صوت واطي )
:..
قوت :: ( كلنا كنا مقعمزين ونهدرزو والامور تمام ... لاحظت انه لونها انخطف ... بس الغريب انه شن الي شفاته خلاها هكي ) ( نوضت ومشيتلها ) ... صفوشتي ؟ ... تعالي قعمزي؟
صفاء :: ( رفعت عيوني شبحتلها ... ماكانش في اي أثر لي دموعي بالعكس كنت صامده ... )
قوت :: خيركـ ؟؟؟ ...
صفاء :: ( سحبت كلامي ودرت روحي عادية جداً ) لا شئ .. هيا هي جااية انتي بري وتو نلحقكـ بننزل نجيب سكر ...
قوت :: تمام حبي ... ( شديتها من ايدها ) بجديات مافيكـ شئ ؟
صفاء :: هههـ اي هاا نضحكـ خيرك ؟؟
قوت :: هههـ باه ..... ( ونزلت )
:.............................................:
( عند البنــــــات )
( كان في بناات هلبه يعني جو 6 صحبات سوسن و 1 بنت خالتها .... كرهتها من قبل ماانعرفها ... )
نور :: و انتي شن تقري قوت ؟
قوت :: ( نرد من فوق رأس خشمي ) أسنان ...
نور :: مااشاء الله ... تباركـ رحمن الله يباركـ ,,, بالتوفيق .. وصفاء ؟
قوت :: تسلمي .... زيني ...
( كلمة ماشاء الله ترددت من قبل البنات كلهم )
سوسن :: عماارة دكاترة اصلاً ههههـ
نور :: أي كيف كنت بنقولها ههههههـ ,,
قوت :: ( أبتسمت بس ... )
( مانعرفش علاش ماتقبلتهاش .... بس نقولها بصراحة ... كرهت فكرة انه بتبات عندهم ... أو بلأخص كل مانفكر انها قريبه من أمير نضاايق علاش مانعرفش ... )
نور :: وين صفاء ؟"
قوت :: تو تجي مشت بتجيب سكر ...
نور :: معقولة انا هنا وبتجيبو سكر ؟ .. ههههههـ
البنات :: ههههههههـ
قوت :: ( أبتسمت بس وبعدين رفعة حاجب ونزلت تاني ولفيت وجهي الجيهة تانيه ) ....
ترن ترن... ترن ترن :...
سوسن :: تلفونكـ حبي ...
قوت :: ,/,, ألو ؟!!
:....................:
أمير :: مذكرة ولا ؟
قوت :: ( من فرحتي بي صوته نسيت كيف جاب رقمي ) اي ..
أمير :: ( أبتسم ) بتجي ؟
قوت :: ( أبتسمت وبي استفزاز ) لا ...
أمير :: لا ؟؟!
قوت :: اي لا .... يعني مش حانجي ... الي تبي قوله توا ..
أمير :: انا مانبيش تجي باش نتكلم انا ... انا قولت الي عندي .. نبيكـ انتي تتكلمي ..
قوت :: ( نصدمت وهرب صوتي ) وشن بنقول ؟
أمير :: الي قلته ...
قوت :: الي هوا ؟؟؟!
أمير :: أنحبكـ ,,,,,,, ( قالها بدون تردد )
قوت :: ( حطيت ايدي ع فمي وبدون مبالغة قعدت نضحكـ بس بدون صوت )
أمير :: عرفتي شن بتقولي توا ؟
قوت :: ( سكتت شوية وقلت كلمتي و وصلت ضحكـ ) لا ...
أمير :: أنحبكـ ,,, وتوا ؟
قوت :: ( الاحساس المشاعر والنار والروح والقلب كلهم اجتمعو ف عيوني مسببين دموع وانفجاار تامـ ,,, نبكي ونضحكـ ,,, الوصف ؟؟ . مانعرفش نوصف لحظتها شن حسيت .. بس لما يقول فيها ... بصوت واطي بي هدوء تام بي تنهيدة وكأنه يحبني ليه سنين وهذا وين قالها ... حسيت وكأنه هذا نفسه الي انا ندور فيه ولقيته بس ... أالاحساس بالخوف الي جااني ف لحظتها خلاني نتراجع ومانعترفش حتى انا ... علاقتي الاوله ... خلتني نفكر مليون مره قبل مانقول الي انا حاسه بيه .... بس فرحتي كاانت مدايرتلي جوانح وبنطير )
أمير :: ( سمع صوتي وانا نبكي ) قوت ؟؟! ( بأستغراب )
قوت :: ( تكلمت من غير مانتردد .. بس نبرة صوتي واضحة انه نبكي ) انت ماتعرفش عليا شئ ... كيف هكي .؟
أمير :: ( سكت شوية وبعدين ) صدقيني مانعرفش ... انا قابلت مليون بنت ف حياتي ... وكلهم كلمتهم وكلهم غازلتهم ههههـ ,,, بس ... ( بي تنهيدة ) هذي أولـ مره حد يشدني بي طريقة هاذي ... لما شفتكـ أولـ مره ,,, خليتيني نحس فيكـ حاجة غريبة .. شجااعة قوية ... بعدين عيونكـ ,,, ( سكت وضحكـ ) ههههـ أي والله عيونكـ .. سحروني ... خلوني بالغصب نفكر فيكـ ,,, بديتي حاجة غريبة .... بديتي وكأنكـ مدايرتيلي سحر .. لازم نشوفكـ ,,, لازم نسمع صوتكـ ,,, لما أمي و سوسن يتكلمو عليكـ نحس روحي حاجة تانيه وكأنكـ ملكي ... ملكي انا وبس ... وكأنهم يحكو عليا ... بديتي راحتي ... وسعادتي .. .. ( بي تنهيدة كبيرة ) واللهي انتي هبلتيني ...
قوت :: ( نبكي وماقدرتش نرد ع ولا حرف .... كلامه صدمة عالمية بصراحة ... أولـ مره حد يكلمني هكي .. نسيت نفسي ونسيت دنيا ... نسيت علاقتي الاوله ونسيت نزار ونسيت كل شئ ... هوا وبس ) حتى انا هكي نحس ...
أمير :: ( أبتسم وماردش )
قوت :: حتى انا زيكـ قصدكـ ؟
امير :: ( بصوت هاادي ) شن زيني ؟
قوت :: ( سكتت ... ويارتني ماسكتت ) أمير نكلمكـ بعدين ,,,
أمير :: ( خدي شهيق وتنهد ) براحتكـ ,’,’
قوت :: باي ..
أمير :: سلام ,, ( وصكر )
:.......................................:
( ف حوش #ملاكـ * )
صفاء :: ( وقفت ف المطبخ ونسيت اصلاً علاش جاية ) .... ( مسكت تلفوني واتصلت بيه ) .... ( ماردش ... اتصلت ... ماردش ... رجعت اتصلت .. ماردش .. اتصلت واتصلت واتصلت لين تلفوني فصلـ شحن ) ....
( خديت شوية سكر وجيت طالعة )
.:.....:...:...:...:.
( وقصي كيف طالع من المصعد )
( لقااء بارد ... أتفه وصف ممكن نقوله لي لقائهم ... هوا طلع من المصعد .. جت عينه في عينها لانها طلعت ف نفس اللحظه من شقة ... وقفت صفاء تشبحله .. وهوا ولا كلمه لف وجي بيخش لي شقة ... )
::"
صفاء :: قصي ؟؟!
قصي :: ( وقف ولفلها )
صفاء :: نبي نكلمكـ شوية ؟
قصي :: ( بي برودة أعصاب ) ف شنو ؟
صفاء :: ( بي أستغراب ) ف شنو ؟؟ .. ( نزلت راسي ورجعت رفعته من برادت الموقف ) بخصوص رسالتكـ ,, يعني .. ( ترددت ف الكلام ) درت حاجة انا ... قصدي علاش ؟
قصي :: ( أبتسم بي استهزاء ) يعني ... خيركـ ... عادي أصلاً مابدناش باش ننهو ... عادي ..
صفاء :: ( رفعت عيوني الي من شوية كانو عادي ... تعبو دموع وبدو بلانفجار بي شوية بي شوية ومانعرفش علاش الموضوع كان حساس هلبه بالنسبة ليا ) ...
قصي :: ( سكت شوية ... يشبح ايمين ويسار وعينه ماجتش في عيني بكلـ ) ...
صفاء :: صح .... ( قلتها وسكتت . )
قصي :: ( شبحلها وهوا يحركـ ف عضلات الفم بي عصبية ... ورافع حاجب ومنزل تاني ... )
://
( أبسط تعبير هوا الاغنية الي راافقت لقائهم لين أنتهى ف لحظتها ...
>>""
على ألحانها .. دمعت عيون صفاء :...
على كلامها .. وجع قلبه وماتكلمش ...
على أيقاعها ... رفعو عيونهم رغم انه كل منهم كان صعب عليه يشبح لي تاني ...
على أوجاعها ... بدي زمن يمشي بيبطء ...
وعلى أحزانها ... قالت صفاء كلمتها وقامت بأنهاء اللقاء ...
""""
صفاء :: اي .... ( رفعت عيوني ) معناها خلاص ...
قصي :: ( بي صوت هادي ) خلاص ؟!! .
صفاء :: ( ودموعي ينزلو وماقدرتش نوقفهم ) اي خلاص ... مش هكي قلت ..
قصي :: ( قرب بدون مايفكر في شئ .. شبح دموعها احساسي بلاستغراب خلاه يقرب ... خطوة خطوة لين وصل عندها .... رفع ايده ومسحلها دموعها بي هدووء وبي حنان العشق المجهول بينهم وبصوت واطي قلها ) ... باه علاش تبكي توا ؟
صفاء :: ( رجعت لي حالتي ف البكاء ... حالتي طفولية ... الفم يتعكرش ... وحواجبي حتى هما وعيوني ينزلو ورااء بعض ... وتفضحني عفويتي ) .. مانعرفش ..
قصي :: صفاء شن هوا الي تعرفيه .... ( يتكلمو في هدوء تام ) ... انتي كله تعرفي .... حتى انكـ تعرفي انا علاش درت هكي
صفاء :: اي مش قلتلي ..... باش تنهي شئ اصلاً ماباداش ..
قصي :: ( ضحكـ ضحكة أستهزائية ) والله !! .... انا هكي قصدي ... هكي رأيكـ ؟
صفاء :: ( وخرت شوية لانه الموضوع بدي يخنق فيا ) تمام الي تبيه بصير ... واسفة لانه شرطي سببلكـ عرقله ... ( لفيت ومشيت )
::
( ترجع الاغنية لي تصعيب لقااء ...
#ألاغنية ... #التركية
>> #كم رأيت من نار !! .. فدعني وشأني .. انت تخاف من نار .. اهرب وأنقد نفسكـ .. أنساني ,,, <<
...............................
( فـ ليلـ ) ...
أفكاار شبابية ترجع من جديد .....
ممكن ف حياتنا في تفكير وف تخميم وفي عشق و فراق وفي لعب وفي نسيان وفي الوحده ...
بس في حاجة احنى .. طبيعي الكلـ لاحظها بس ماحدش حطلها أعتبار أو اهتمام ...
وهيا انه في كلـ موقف أو كل قصة ليكـ ,,, تحاولي انكـ ترتبيلها أغنية ... أولـ ماتسمعيها تذكري كل المواقف الي ممكن تصير او صارت معاكـ ,,,,
وهذا الي قربنا من أفكاار شباب ف رواية ..>>
اليلـ ,, مش مجرد كلمه ... هيا ألم في حد ذاته ... شخص يذكر يبكي و يشكي ويفرح ويحزن مية مره في ليلـ ,,, "
وف ليلـ رواية ... كان التفكير حليفهم ...
............................
( لي تقريبكم من الموقف أكتر ....
كانت ألحاان الواقع مرافقتهم .. كلمات القدر موجودة ف أذانهم .
( فتحت قوت أغنية تركية وقعمزت تسمع فيها ف أخر ليل .. وهالاغنية أستمرت مع الكل وخلتنا نشوفوهم كيف يفكرو ...
....
#قوت
( #ألأغنية #تركية >> ( صغيرة مازلت صغيرة جداً ) )
أفكارها ملخبطة ... حساسة و شاعرية هيا قوت ... قلبها يضعف بمجرد ماتسمع من اي حد كلمه حلوة ... تستمع للاغنية وتبكي ... أوجااع اكبر من عمرها ... تذكر ف كل حرف من كلامه .... تحبه ؟؟ .. اي تحبه ... بس خوفها من انه يكون شبيه نزار اكبر من اعترافها بحبها ليه ... تبتسم ف وسط كووم دموع أولـ ماتذكر كلامه الحلو ....
#أمير
( لي أولـ مره يستمر ف ليلـ برا البيت و هوا يفكر في بنت .. يفكر كيف يرضيها كيف تكون ليه وبس .... مجرد تفكير بأنها ليه يبتسم ... وبمجرد تفكير انها ماقلتش اي حاجة تعطي الامل تختفي ابتسامته ....
#قصي
( أأه ومأدراكـ ماقصي .... خايف ... ومش خاايف .. يحبها ... ولا يعشقها ... مش عاارف .. كيف ولا وين .. ولا حتى امتى حس بيها لي درجة هااذي ... أختار انه تبعد عليه ع انه تقعد معااه وتكسر مبدئها ... المبدء الغبي الي صفاء تحساابه صح ومستمرة بيه ... أفكاره ملخبطه ... يفكر فيها ... يبيها .. ومايبيش يوجعها ... يعترفلها ... ولا خايف يخسرها ... ..... حط ايديه ع رأسه وأكتفى بي أنه يحط ألوم ع أميرته ويقول
