الحلقة ال10 من روايةة ؛؛/
#مغتربة_ف_وطن_العشق ..
::::::::::::::::::::::::::::::::::::::::::::::::"
قصي :: كلام حلو ... أوكـ نوعدكـ أول مانبطل نشوفكـ حلوة نبطل كلام حلو ... أميرتي مش كلفة .. انا نشوف فيكـ اميرتي وانا هيكـ بناديك ... هااا شن تاني ؟
صفاء :: ( اول مابدي يتكلم وانا نفنص من صدمة ..... ياناس اول مره حد يكلمني هكي تعرفو شن معناها الجو صقع وانا كانه يحط عليها لحم نشويه ؟ ) ...
قصي :: ( غمز )
صفاء :: ( من كثر الخجلـ الي طلع فجأة لي درجة انا بروحي أستغربت تلفتت تاني للبحر ..... وجهي كان يليق بيه لقب #البلهاء من كثر ماكنت مصدومة ... يعني انا مش متعودة ع هيكـ كلام ياكبدي ... )
قصي :: ( تلفت للبحر .... )
( سكوت كان بينهم لكن أستغلـ فرصة الهدوء باش يتكلم )
......
قصي :: كانت كلـ شئ ف حياتي ...
( أطلع كلمات ف جملة بي طريقة سريعة ... انا سمعت و بدون أي أدراكـ تلفتت وقعدت نشبحله .. حاولت نفهم بس طبعاً مستحيلـ من غير مايتكلم هوا )
قصي :: ( كان يتكلم وهوا يشبح للبحر ) تعرفت عليها بي طريقة غريبة . ف لحظة بدت حبيبتي وحياتي وكلـ شئ ... تقدري تقولي انه بدت الاكسجين الي نتنفسه .... بس بي حركة طايشة منها حطت بي كل بساطة نهاية لي علقتنا ... ( تلفتلي بي ابتسامة خسارة كبيرة ) تزوجت ..
صفاء :: ( من صدمتي بي الكلمة سكتت ونجمدت ف مكاني .... انا بنت غبية دمعتي ديما في عيني ... صح عيوني تعبو دموع لكن مانزلوش ... )
قصي :: ( شبح للبحر ) ومن مدة رجعت تتصل تاني وتتكلم معاي وكأنه مش متزوجة ... المصيبة انه غصب عني بنشوفها كل يوم اول مانبداء نخدم
صفاء :: ( بي صعوبة الموقف حاولت نتكلم ) علاش هيا معاكـ تخدم ؟
قصي :: اي .... ( شبحلي ) ولي تزوجاته صاحبي يخدم معاي حتى هوا
صفاء :: ( وف لحظة هاذي نزلو وفضحوني )
قصي :: ( رجع قصي يشبح للبحر ... بس في لحظة هاذي ركز انه في حاجة نزلت من عين صفاء بدون أدراكـ او احساس منها .. عيونه نزلو ع الارض تاني وبعدين شبحلها )
صفاء :: ( كنت مش حاسة بي ولا حاجة عيوني كانو ف اندراااف تام وانا نشبحله ليه هوا وبس وكانه كل الي في جنبي يميني ويسااري ضبااب )
.....................................................................
:::::::::::::::::::::::::::::::::::::::::::::::::::::::::::::::
( ف حوش #أصــــــــــــــالة )
أصالة :: وهاذي أختي وهاذي بنتها ... نور ...
ملاكـ :: ماشاء الله تباركـ الرحمن ... الله يباركـ
أصالة :: بيجو يوم الاثنين الجاي تعالي شوفيهم ...
ملاكـ :: ان شاء الله نحاولـ
أصالة :: وين تحاولي ؟ .. ياسري ياسري بالكـ تحسابي معاش بتجي لي الاثنين ؟
ملاكـ :: لالا نبصر بنجي يااه من قال ههههههههـ
سوسن :: بديتي تخافي خويلة هههههـ ,, قلتلك ماما وااعرة ردي بالكـ ههههههـ
ملاكـ :: لالا عسل اصولة ايح هههههههههههـ
أصالة :: اي لقيتي مع من تتسهوكي ي معفنه تو نوريكـ ههه
سوسن :: ههههههـ ( شبحت لي قوت الي كانت ف عالم تاني ) قوت ؟؟
قوت :: ( لاتعليق )
سوسن :: ( هزتها بي ايدها ) قوووت !!
قوت :: نعم ؟
سوسن :: وين سااارح الحلو ههههـ
قوت :: لالا موجودة ههههـ ,,,
ملاكـ :: تي وينها صفاء ؟
قوت :: ااه كلمتها قالت نصلي ونجي لكن شكلهم ترويح
العيلة :: هههههههههههـ
سوسن :: نوضي نمشولها نوضي ...
قوت :: لالا تو نتصل بيها المعفنة هيا .....
أمير :: سلاام !
( رد انتباه العيلة ع تحية سلام من امير .. غير رد انتباه قوت الي كانت شادة تلفونها بس عيونها بي غير مكان لا تشبح لي امير ولا تشبح للعيلة .. )
( رعشة صاارت في كل جسمي اول ماخش وتكلم ... صارلي زي وكأني كل مانلمس الكهرباء تصير مااصه هوا الكهربااء وكلامة مااصه .... )
ملاكـ :: كيف حالكـ ؟
أمير :: الحمد لله كيف حالكـ انتي ؟؟
ملاكـ :: الحمد لله كويسة ....
أصالة :: كلمت بوكـ ؟
أمير :: اي بعدين بيجي بيرفع قصي وبيمشو للارض ... ( يتكلم وعيونه تتلوح ع قوت وعليهم )
ملاكـ :: كلمتيها ؟ ( تبصت قالتها )
قوت :: هاا ! ؟
سوسن :: ااااي انتي وين وتكلمها وين هههههههـ خيركـ قوت ؟
قوت :: شئ ههههـ ... اهو بنكلمها
ملاكـ :: اي حسيتكـ تسرحي هلبه ... ف حاجة ؟
قوت :: ( بي صعوبة رفعت عيني بي شوية بي شوية لي أمير ورجعت شبحت لي خالتي ملاكـ ) لالا مافي شئ .... شوية ونجي نكلمها بس ...
أمير :: ( كان الوضع عاجب أمير وكان فرحان بي أرتباكـ الي صاير في قوت ) يالله امالا نستأذن انا ...
أصالة :: وين قعمز شوية خالتكـ ملاكـ قريب تروح .. وين ماشي ؟
أمير :: عندي ماندير ... ( شبح لي ملاك ) سامحيني الجايات ااكتر ان شاء الله ههه
ملاكـ :: ت لالا عادي ... ت خيركـ انتي خلي الولد ف حاله
أمير :: ماشي ههه ... يالله سلامات
..........:...
( ف الممر الي فيه الكوجينة والباب )
قوت :: ( طالعة وتشبح لي تلفون .... )
أمير :: ( وهوا جاي أول ماخش ف الممر ....... ) ( كان قريب خبط فيها ) هاا هاا ردي بالكـ
قوت :: ( باش يوقفني وماننخبطش فيه مسك ايديه من جيهة الكتف .......... انا رفعت عيوني وشبحتله )
:<<<
( هنا يأتي زمن لي يعود يمشي بيبطء كبير ... كانت قوت تشبح لي ايديه وترجع تقيم راسها باش تشبحله وكل بيبطء .... كان مبتسم ويشبحلها )
:<<<
أمير :: ( نزلـ أيديه ) شكلكـ حق سرحاانه ...
قوت :: ( كنت زي المسبوها نشبحله وخلاص )
أمير :: ( مبتسم ) ديري بالكـ ع روحكـ شكلكـ مصيبة وين ماتمشي مش منتبها ههههـ ,,,
( وطلع )
قوت :: ( قعدت وااقفة ونستوعب في مدة تفاهة الموقف ) يعني شنو ؟ ... اي خلاص شن واقفة خوشي ... شوفي هوا تعاملـ معاكـ بكلـ بسااطة خلاص تعاملي معاه هكي ... شن اولـ وحده يعاكسها ولا اخر وحده ...
........................................................................
( قدامـ لبحر )
قصي :: ( كان يشبحلها بي منتهى الهدووء يشبح لي دموعها ولي عيونها الي مانزلتهمش من عليه ... حس بي كلـ دمعة ... بي كلـ رمشة عين ... بي كلـ صدمة موجودة في زوايا عيونها ... حس وكأنه صفاء عبارة عن قطعة عن صندووق مليئ بي الحنية بي طيبة ... حس وكأنه هيا وطنه الحنون الي يقدر يمشيله بااش يحس بي سكوته الي يعيشه ف راحة ) ... تبكي ؟؟! ( قالها وكأنه مستغرب منها .... )
صفاء :: ( بي نفس العيون النعساانات بي دموع بي نفس الدموع الي أصبحو فجأة شلالات وبي رعشة فمها وكأنها طفلة حست بي ذعر من موقف معين ) باه انت كيف حالكـ توا ؟
قصي :: ( ضحكـ ضحكت الخسارة والاستهزاء بي موقفه ) ههـهههـ جدياات تسألي انتي .... تصدقي كانه قتلكـ مانعرفش ... يعني شن بيكون حالكـ لو الي تحبيه مع غيركـ توا لا وبرضه شنو ترا ؟
( مااا أن كملـ كلامه من هنا ... تتقدم صفاء وتحضنه بي عفوية بي تصرف غير مسئول منها من شدة الحزن الي كانت حاسه بيه بي عااطفة قوية حضناته وكانت زي طفلة وهيا تبكي )
قصي :: صفااء !! ( بي قرن الحواجب متع الاستغراب بدون مايوافقها الحضن )
صفاء :: ( بي غبااء وبي كلامات غير محسوبة بي جملـ وكأنه حست انه لازم تقولهم وخلاص ) اسفةة .. بجديات اسفة بنيابه عنها ...
قصي :: ( ضحكته الي ع جنب سااحرة نطلقت فوراً وحضنها حتى هوا )
صفاء :: ( بي فوراً بدون نفس شعور و بدون الادراكـ و بدون الاحاسيس و بي عفويتها الي حضناته بيهم بعدت عليه ومسحت دموعها وتكلمت بي حرية وبي كلـ ثقة ف كلامها ) شووف بننسوها تمام ... حاتنسااها ( كانت تتكلم وهيا تمسح في عيونها ) خلااص ... مش انا صديقتكـ بنحلوها ... عطيني فونكـ
قصي :: ( ركز انها حضناته بس مس حااسه بي روحها ف تصرف مع الموقف كيف ماهوا ) كيف ؟
صفاء :: تلفونكـ ... عطيني
قصي :: ااه تمام ... ( عطاها تلفون وفتحولها )
صفاء :: وريني رقمها ...
قصي :: تمام .. ( ساايرها كما يبدو ) هذا الاولـ ... وهذا تاني
صفاء :: تماام بنديرولها حضر ..... ( دارتلها حظر ) تمام ... وانت من غدوا تمشي للخدمة وتنسى انها موجودة ... تعدو روحكـ انكـ تشوفها وكأنها اول مره تشوفها ... تمام ..
قصي :: ( مبتسم لين عيونه هاربه ) تمام
صفاء :: يالله انا بنمشي نتلاقو غدووااا ...
( أولـ ماانوضت وجيت بنمشي .. وقفت في مكاانه .. وقعدت فاتحة عيوني و واقفة ومصدومة ... حسيت وكأنه كنت قبل مانتكلم ... كنت ... كنت حضنااته ... اااه !! يعني انا حضنته ... حسيت بي غبااء الموضوع ف وقتها ... )
.""""""">>
( هنا يعود زمن لي يمشي بيبطء من جديد ... لفت صفاء في لحظتها سريعة بالنسبة لينا بس كانت بطيئة بسبب الزمن المرافق ف وقتها ... شبحتله مده وبعدين لفت ومشت ... )
........................................................................
( بعد وقت ف حوش أصالة )
قوت :: تروايح امالا ... ( قالتها اول مافتحت لي صفاء )
صفاء :: ماهو كنت ندعي عليكـ هههههههـ
قوت :: اوووووبه رجعتلنا ضحكة والحمد لله
صفاء :: اي هههههـ شن كان ماطلعتي حاسدتيني ....
قوت :: ترا خوشي لانغير راي ونصكر عليكـ الباب
صفاء :: حااضر هههههههـ
:......................................:
( خشيت وسلمت ع الكلـ هدرزنا شوية وبي حكم انه ماما وقوت ليهم مده غادي ف روحنا بكري ... )
......
ملاكـ :: راكـ تنسو ضي ي بنات صكروه قبلـ ماترقدو ...
( ف داري )
صفاء :: حااااضر ماما ....
قوت :: اي كملي هيااا ...
صفاء :: بس .... هاذي طلعت قصته ...
قوت :: ي روحي وجعني قطعلي قلبي مسكين... مصحها هيا ..
صفاء :: ( درت حركات بي وجهه بي معني عندكـ الحق ) اي والله
قوت :: اااي !؟؟ وانتي شن درتي
صفاء :: ( تشبحلها مستغربة ) !!!
قوت :: اكيد قعدتي زي الهبله ... كانه هذا كله كان مسلسل وهوا البطل اااخ وانا البطله راااهو حضنته طوول تخفيف للالم والمشاعر هههههههههههههههـ
صفاء :: ( شبحت لي جيهة اليمين وبي وتوته تكلمت ) بدون حتى المسلسل ...
قوت :: نعم ؟؟؟
صفاء :: ( شبحتلها نتكلم وانا نغمض ف عيوني ونفتح ) يعني ... درتها ... اووووف مانعرفش بس حضنته
قوت :: كييييييييييييف ؟
صفاء :: اشششششششش ( صكرتلها فمها ) ماما خيركـ
قوت :: امممممممم
صفاء :: شنوو ؟
قوت :: ( بي عيوني نأشر ع ايدها باش تنحيها #قوت )
صفاء :: اااه اي ..... شنو ؟
قوت :: حضنتي بجدياات ؟
صفاء :: امالا نتسهوكـ ...
قوت :: ياربي ههههههههههههههه واخيراً
صفاء :: شن الاخيراً وبلا ضحكـ
قوت :: ههههههههههـ يعني صفااء هتلر الي لا حب لا بطيخ وتحضن طووول هههههههههههههههههـ بجد الموضوع مسخرة ي جدع
صفاء :: ( نوضت من مكاني ) لا انا نخش نرقد خيرلي ... ولواحد يبطلـ يحكيلكـ مشاكله احسن
قوت :: ههههههههههههههههـ اي تصبحي ع خير ي روحي بس توا ماحد يقدر يمنعني من انه نقول صفاء لي قصي وقصي لي صفاء بلا صداقة بلا بطيخ ههههههههـ
صفاء :: اي اي احلمي وشاااركينا الحلم عادي وخيره ..
قوت :: هههههههههههـ
.,.,.,.,.,.,.,.,.,.,.,.,.,.,.,.,.,.
( تاني يوم )
........................................................................
( ف المغرب )
( اولـ ماجي صبح مشيت انا والبنات درنا يوم كاملـ فرتة نقاها ههههههههههـ يعني فطور وغداء برا ومع بعض .... صكرنا تلفوناتنا وماكلمنا حد ..... )
مرام :: خلاص بري انتي وانا تو نروح بيها صفاء ... ( شبحتلي ) شن رأيكـ ؟
صفاء :: تمام .... اي بري روحي انتي لكن مش تجي موخر كانه عطلتي اقعدي غادي
قوت :: لالا بنجيبي حوايجي بس شن بنقعد ... باه ردو بالكم ع روحكم ...
صفاء :: ماشي حبيبتي حتى انتي .... هيا مرومتي
مرام :: يالله سلامات ي بنات ... وانتي ميرو امتى مروحه حقا ؟
أميرة :: لا برو انتو انا خالتي بتجي تروح بيا بعد شوية ...
مرام :: اوكـ ي غالية يالله تصبحو ع خير
...
( أولـ ماوصلنا لل عمارة نزلت ومشت مرام .... ركبت لي حوشنا وصادفتهم واقفين ع لباب )
سوسن :: اووو اهي جت ... خيره تلفونكـ مصكر ؟
صفاء :: اااه هههههههه تعرفي صكرناهم ونسيته
ملاكـ :: ي بنتي علاش هكي رعشتيني ... تي معقولة تصكري تلفونكـ تي انا نتصلـ بيكـ وافكار سوداء ترفع وتجيب
اصالة :: تي مش مشكله خيركـ اهو جت ومعاش تعاودها ...
ملاكـ :: تعرفي انه قصي وامير مشو يدورو عليكـ ...
صفاء :: وعلاش ماما هذا كله .... مش مرات يتم شحني ف الكلية ومانقدرش نكلمكـ امتى درتي هكي انتي ... وبعدين علاش امير وقصي طلعو يدورو عليا مزال الوقت خيركم ؟
اصالة :: صح صح غير خشو تفاهمو تعالو الداخل ( وكانت تقصد حوشها )
سوسن :: خلاص خويلة اهي روحت مافيهاش شر الحمد لله ع سلامتها ( وغمزتلي )
ملاكـ :: الله يهديكـ ي بنتي .... ( وخشت لي حوش خالتي اصالة )
سوسن :: ( بعد ماخشت ماما وخالتي اصالة ) هيا تعالي فوتي عاادي ديما هكي هههههـ
صفاء :: ( تشنجت شوية بي تصرفات امي ) نبدل حوايجي ونجي ..
سوسن :: تمام ...
:::::::::::::::::::::::::::::::::::::::::::::::::::::::"::::"
( وانا طالعة من حوشنا .... )
أمير :: اهلاً روحتي ؟ ...
صفاء :: (أبتسمت ) الله يسامحها ماما شغلتكم ههههـ
أمير :: لا ايه عادي .... ( وفتح الباب وخش )
قصي :: ( كان وااقف ويشبحلي .... ممكن كان يتهيألي بس كان واضح انه متعصب من حاجة ومضايقة نظراته ليا كانو فيهم لوم كبير )
صفاء :: ( كنت نشبحله ومانزلتش عيني من عليه في حاجة ف زوايا عيونه كانت تبيني نقعد نشبح ... وبعدين نزلت عيوني .. اولـ ماخش امير كنت بنخش بعده لكن ...... )
قصي :: ( شد ايدي )
:::::::::::::::
( اااخ منه زمن البطئ ..... الي يخلي كل زاوية من زوايا جسمكـ تنفض نفض من رعشة العشق .... الي يخليكـ تطر توقف اكتر من مية قرن مع شخص المقابل ليكـ من غير ماتحاول تبعد عنه .... الي يخليكـ تستغرق تواني ودقايق ف رفع عينكـ لي عينه .... )
.: #يتبع
#سلمى
