LOVE AND DUTY Series: Xander❤Lorelle

Chapter 39-Kent

Parang tanga lang talaga itong si Kurt, hindi marunong mag-isip. Sinalo na nga niya si Candice ibinalik pa talaga ang topic. Napapansin tuloy niya na naiinis na naman si Belle.

Tsaka sumawsaw pa si Lola Brett tungkol sa pet name ng dalawa. This is going nuts. Ilang minuto nalang ay sasabog na si Belinda Arevalo.

Napatingin siya kay Agodo ng ito naman ang nagtanong.

"Napansin ko din po Doc Candice na Xander ang tawag mo kay Capt. Ravena, pet name din po iyon?"

Hindi niya alam kung sadya o innocente talaga ang tanong na iyon ni Martin. Hindi ba alam ng mga ito ang commotion sa paligid?

Dumagdag pa talaga itong isa. Mga gunggong! Siya lang ba ang gumagana ang utak sa team na ito ngayon? Paano naging napakacareless ni Kurt? Totoo pala talaga na nakakabobo ang pag-ibig.

"Parang ganoon na nga," sabi ni Kurt na hindi yata napapansin ang mood ng gf.

Gusto niyang batuhin ng bote ng beer si Kurt. Hindi naman ito lasing pero bakit daig pa nito ang nakainom ng sobra kung umasta?

Napatingin siya kay Belle ng magsalita ito.

"This game is boring Col. Martinez, parang gusto kong haluan ng twist."

Here comes Belinda and her bitching games.

"How?" Tanong ng kanilang walang muwang na CO.

"Since nasa beach naman tayo at magna-night swimming mamaya, why don't we make it a stripping game."

Napakunot noo ang CO nila. Alam na niya kung saan papunta ito. Naghahamon na si Belle.

Napatingin siya kay Lorelle.

Ito at siya lang yata ang aware sa lahat ng mga nangyayari.

"Hahatiin natin ang group sa tatlong teams. Tapos magkakaroon tayo ng questions na dapat masagot ng bawat team. Kapag mali ay may isang maghuhubad ng isang piece ng clothe." Paliwanag nito.

Pumayag ang mga kasamahan nila kaya nagsimula ang game. Akala ng karamihan ay fun ito, antayin nila mamaya ang kahihinatnan nito.

They divide the group into 3 teams.

Kampi siya, si Candice, si Col. Martinez, si Agodo, si Razon, at si Monte.

Kampi naman ang mag-asawang Australiano, si Perez, si Junco, si Aranas, at si Guzman

Kampi naman si Kurt at Belle, si Roco, si Salazar, at si Carino.

Nagsimula ang laro.

Unang naghubad ang mga lalaki sa bawat maling sagot. Hanggang sa puro mga babae nalang ang intact ang mga suot.

Unang nakastrip si Lola. Natanggal na nito ang t-shirt nito dahil nagkamali ng sagot ang mga ito.

Strategy dapat na magtanong ng mahirap sagutin sa kalaban. It is a good thing na kasama niya si Candice. She is good at questioning.

Ang category nila ay mga personal informations.

"Kailan ang birthday ni Doc Candice?" Tanong ni Agodo.

Hindi nakasagot ang team nina Lola. Nakastrip na naman si Lola kaya out na ang mga ito.

Ang matitirang may kasamang nakadamit pa na hindi swim suit ang mamanalong team.

"May 08, 1989." Si Kurt ang sumagot.

Nakaiwas ang mga ito sa stripping. Pero hindi nakaiwas si Kurt at Candice sa matalas na mga mata at pandinig ni Belle.