WHO ✔

Prologue

Prologue

Nagpaalam ako sa mga miyembro nang Reading Club at kinuha ang bag ko bago lumabas nang library.

Tinali ko ang mahaba kong buhok dahil napaka init ngayong hapon. Isinukbit ko nang ayos ang bag sa aking balikat at inilabas sa bulsa nang pencil skirt ko ang cellphone para tignan kung nagtext na si Eli sa akin pero wala naman ako natanggap.

Baka marami ring ginagawa sa training para sa quiz bee nila?

Hinayaan ko na lang muna dahil baka madistract ko pa siya pag kinulit ko kaya nagpatuloy na lang ako sa paglalakad hanggang umabot na ko sa
second floor. Huminga ako nang malalin at nalanghap ko ang maaliwas na simoy nang hangin dahil nakabukas ang mga bintana rito. Wala na rin masyadong studyante dahil malamang ay nagsi uwian na rin.

Huminto ako saglit at kinalkal ang bag ko para kunin ang aking earphones. Nang makuha ko iyon, sinaksak ko iyon sa aking cellphone at isinuot ko ang isa sa aking tenga habang nakasabit lang ang isa para marinig ko kung may tumawag sa akin.

Nang makababa na ako sa first floor nagtaka ako nang makitang maraming tao. Halos lahat ay nakatingala kaya nag madali ako lumabas nang building at nang makalabas ay tumingala ulit ako. Nung una ay hindi ko makita dahil tirik na tirik ang araw pero nang magtagal ay nakita ko na. Si Ian. Nakatayo siya sa gilid nang rooftop.

"Umakyat na tayo!" Rinig kong sigaw ni Magnus kay Raelle kaya napatingin ako sa aking likuran.

"Pupuntahan ka pa dapat namin Ezra" mahinhin na pagkakasabi ni Bliss.

"Mamaya na ang dada tara na!" Sigaw ni Magnus kaya sumunod na lang kami.

Nagtakbuhan kami ulit paakyat at sinubukan naming bilisan para mapigilan si Ian pero. Nahuli na kami.

Nakita namin sa labas ng bintana ang paglaglag niya at ang sigawan namin ang nangibabaw sa buong floor.

Bakit ito nang yari?