أحببت غريبا

أحداث متتالية

بعض التغيرات في الحياة تحمل لنا العديد من المفاجأت ...

في صباح اليوم التالي كان أدهم يستلقي بجانب ليليان في فراشهم كان ينظر لها بشغف نظر الى تفاصيلها شعرها الاسود وتلك الاهداب الكثيفة و شفتيها الصغيرة بلون الكرز ولكن دائما ما كان اللون الفيروزي لعينيها  هو ما يجذب إنتباهه ...

تمللت ليليان وبدأت في الاستيقاظ فتحت أعينها لتجد أدهم بجانبها يتأملها بعمق إحمرت خجلاً وتحدث بصوت خافت : صباح الخير

أدهم بهدوء : صباح النور .

ليليان بإبتسامة : متأخر عن الشغل النهاردة .

أدهم وهو يقترب منها : شغل ايه بس وانتي موجودة النهاردة هنعمل كل حاجة مع بعض واليوم كله بتاعنا .

ليليان بفرح : يعني هنخرج وهنعمل الي احنا عايزينه .

أدهم وهو يقبلها بنهم وصوته يملأه الرغبة : أيوة هنعمل كده بس هنعمل حاجات تانية الاول .

ليليان بخجل وهي تحاول أن تقاوم : أدهم كفاية كده .

جذبها أدهم لأحضانه وتحدث بلغة لن يفهمها سوى العاشقين ...

في منزل نجوى كان ماجد يجلس بجوار والدته وتحدث بهدوء : ماما خلينا نعزم ليليان على الغداء ايه رايك ؟!

نجوى : بس لازم نقول لأدهم معاها .

ماجد بغيظ : مش لازم هي كفاية ليليان وبعدين هنقول لاصحابها كلهم يتجمعوا ونقعد زي زمان .

نجوى بهدوء :ماجد حاول تتقبل أدهم ليليان بدأت تثبتلي فعلا إنهم كانوا بيحبوا بعض وبعدين مشوفتش بيعامل أختك كويس إزاي ؟!

ماجد وهو يهدئ أعصابة : بس أخدها مننا مش بيخليها تيجي الكلية مش بتروحها حياتها اتغيرت حتى إصحابها كلموني وقالولي انها اتغيرت معاهم .

نجوى بهدوء : طبيعي انها تتغير مع الكل هي مبقتش ليليان الي طول النهار برا البيت ولا الي بتتحرك من هنا وهنا ومعارض ومشاكل دي بقيت واحد متجوزة إفهموا كده .

ماجد بتعجب : ماما إنتي كنتي أكبر واحدة معارضة للجوازة دي ايه الي غير رأيك ؟!

نجوى : أختك الي غيرت رأيي حسيتها مبسوطة وكويسة هي إتغيرت طبعا بس دا موضوع هتكلم معاها فيه بس برضوا إحساسي بيقولي إنها عايشة مرتاحة .

ماجد بحب : ربنا يخليكي لينا يارب وتفضلي علطول معانا بس قوليلي أتصل بيها أعزمها هي وأصحابها .

نجوى بإبتسامة : أيوة وإتصل بالمطعم وخليهم يحضروا أكل كويس ووصي على حلويات وعصاير .

ماجد بضحك : كل دا علشان ليليان جاية ماشي يا ستي .

وبدأت الاستعدادت لحضور ليليان وزوجها وأصدقائها ...