في منزل ليليان كانت تقف في المطبخ تشعر بجوع شديد كانت تعد الطعام ويوجد بجانبها طبق يحتوي على الفراولة كانت تأكل منه ولكن أصابها الفزع عندما أحاط أدهم بخصرها واحتضنها ليقول : في فراولة تاكل فراولة .
ليليان بهدوء : مش كنت نايم ايه الي صحاك ؟!
أدهم وهو يجذبها ليصبح وجهها مقابلا له : وحشتيني وعايزك في حضني علطول .
ليليان بتوتر : الاكل هيتحرق وانا جعانه .
التفتت لتضع المعكرونة في الصلصلة التي اعدتها وقالت : هتاكل معايا ؟!
أدهم بضحك : انتي واثقة ان احنا اصلا ينفع ناكل الاكل دا ؟!
ليليان : دي مكرونة يعني اي حد يعرف يعملها وبعدين دي على ما أكرم يجيب الاكل ويجي .
فتح أدهم عينيه : هو انتي هتاكلي تاني ؟!
ليليان وهي تاكل : ايوة هاكل تاني بس شوية بقى على ما اكرم يجي اكون بقيت جعانة .
أدهم بضحك : طيب وبالنسبة للفراولة مش أكل ؟!
ليليان بغيظ : دكتور فؤاد قال لازم أكل كويس .
أدهم بحنان وهو يقترب منها : بألف هنا وصحة على قلبك .
ابتسمت ليليان فيما تابع أدهم : هو أكرم كان بيروح ولا كان قاعد هنا ؟!
ليليان : اكيد كان بيمشي انا اول اسبوعين كنت بخاف ماما وماجد كانوا قاعدين وبعدين روحوا وبقيت أنا وأكرم .
أدهم بغيرة : هو كان بيروح معاكي للدكتور ؟!
ليليان وهي تتحرك خارج المطبخ بعد أنهت طعامها : كان بيوصلني بس ولما تعبت اخر مرة قعد معايا هو ونهى .
أدهم وهو يساعدها على الجلوس : هو ايه الي حصل ؟!
ليليان بألم : صدقني انا كنت عاملة شبه التايهين بالظبط روحي كانت غايبة عني كنت رافضة كل حاجة وساعات كتير كان عندي شعور اني مجرد نزوة في حياتك كل دا كان سبب في نفسية وحشة واعراض للاجهاض.
أدهم بندم : أنا أسف بجد على كل حاجة حصلت وانا مش موجود انا بجد عايز أعوضك
ليليان بدموع : انتا خدت روحي ومشيت لو هتعمل كده تاني متخلينيش أعيش في أحلام .
أدهم وهو يمسح دموعها : الموت بس هو الي هيفرقني عنك .
اقترب منها ليحتضنها ويضع يديه على مكان استقرار جنينه ليشعر بحركة خفيفة ليتحدث بفرح : اتحرك والله اتحرك .
أنت تقرأ
أحببت غريبا
Romanceلقد بعثتي روحي الي مجددا ... لقد أعطيتني سببا حتى أبقى على قيد الحياة بفضله.. كنت نورا وسط الظلام شمس أنارت الكون بعد ليلٍ دامس أقشعر بدني منه ..... كنتي مرساة سفينتي حينما كنت على وشك الغرق ..... ........ أصبحت أملي في هذه الحياة ولكنك تركتني أتخبط...
