أحببت غريبا

إعصار جديد

عندما يمر إعصار بمدينة فأنه يخلف ورائة الدمار فقط....

تحرك أدهم بإتجاه ليليان وسحبها من يدها وتحدث لسامر بحزم : لو إيدك إتمدت عليها تاني هقطعهالك فاهم أنا عامل إحترام للناس الي برا ومش عايز أعلي صوتي .

التفت الى ليليان وتحدث بحزم : هاتي شنطتك وحصليني على العربية .

تحرك كل منهم بإتجاه جذبت ليليان حقيبتها بسرعة فتحدثت نجوى : ليليان رايحة فين ؟!

ليليان : أدهم عايز يمشي عنده شغل لازم نمشي .

نجوى : طيب خليكي ويبقا يرجع يجيبك .

ليليان وهي تغلق الباب : مع السلامة يا ماما .

تحركت نحو السيارة بسرعة ودخلت لتجلس بجانبة إنطلق بسرعة كان الهدوء هو سيد المواقف ولكنه الهدوء الذي يسبق العاصفة ....

في منزل أدهم العدوي دخلت ليليان وهي تركض الى الأعلى لم تذهب الى غرفته بل دخلت الى غرفتها التي كانت تقطن فيها عندما أتت الى هذا المنزل خلعت حذائها وجلست على الفراش لتفكر في ردة فعل أدهم ....

في غرفة المكتب دخل أدهم ليجد أكرم جالسا يرتب أوراق العمل فتحدث بعملية : أكرم رتبلي ميعاد علشان عايز أقعد مع ياسر .

أكرم : بس ياسر مسافر ومش هيرجع غير أخر الأسبوع .

أدهم بتعجب : هو ياسر بيلعب من ورايا ولا ايه ؟!

أكرم : الي عرفتة إنه مسافر  مع صافي بنت زيدان .

أدهم بغموض : شكل وراهم مصيبة بس هعرفها وإنتا يا أكرم فتح عينك شوية إحنا الفترة دي نايمين .

أكرم بهدوء : حاضر يا أدهم شوفلنا إنتا بس ورق الارض الي عايزة تخلص خلينا نبدأ المشروع .

أدهم : هي البضاعة الاخيرة إنتا صرفتها كلها ؟!

أكرم : أيوة بس الي كان عاجبك خليتهولك في مكانك .

أدهم وهو يفتح درج من أدراج المكتب الخاص به : خد دا يا أكرم وهات الجديد المرخص .

أكرم وهو يمسك سلاح أدهم : ماشي هجبهولك بس بكرا مش النهاردة .

أدهم وهو يتحرك خارجا : وهات واحد كمان علشان ليليان .

تحرك أدهم بإتجاه غرفته دخل وهو يتوقع وجودها  ولكنه خرج مرة أخرى عندما وجد الغرفة فارغة تحرك بإتجاه غرفتها القديمة جذب مقبض الباب ولكنه وجده مغلق فتحدث بصوت عالي : إفتحي يا ليليان .

ليليان بخوف : خلي كل واحد بعيد النهاردة يا أدهم إنتا مش كنت بتقول إن إحنا لسه معرفناش بعض .

أدهم وقد بدأ بالغضب : إفتحي الباب بدل ما أكسره .

ليليان ببكاء : مش هفتح .