مرت عدة أيام بدأت ليليان فيها بالتعافي واسترداد عافيتها كان أدهم يراقبها عن بعد يقدم لها العون والمساعدة عن الحاجة كما أنه عاد لعمله والصفقة التي سيكملها مع ياسر وزيدان ....
كان يجلس على طاولة السفرة يتناول فطوره مع أكرم بهدوء إلى أن حضرت ليليان ألقت بحقيبتها على الأرض وسحبت الكرسي مما جعله يصدر صريرا مزعجا جلست وهي تلقى تحية الصباح : صباح الخير .
أكرم بإبتسامه: صباح النور صاحية بدري يعني ؟!
ليليان وهي تبدأ بتناول فطورها : بقالي أسبوع ونص مروحتش الجامعة ونهى كلمتني قالتلي إن في مشاريع قد كده لازم تتقدم دا غير مشروع السنة وكمان في معرض أنا بشارك ....
صرخ أدهم بعصبية مما جعلها لا تكمل حديثها : بسسس من الصبح كلام كتير وعماله تضحكي وتهزري وصوتك عالي ايه القرف دا .
تحرك تاركا المكان ولكنها أوقفته وهي تركض خلفة وتمسك بيديه : أسفة بس أنا دايما بتكلم وأكرم كان بيسمعني وإنتا حتى مقولتش صباح الخير .
تمالك أعصابة وتحدث بعد أن أشار لأكرم بالخروج : ليليان فاكرة من كام أنا قولت إيه .
ليليان بهدوء : قولتلي إنك هتحاول تغير معاملتك وإنك مش هتخوفني وإني مراتك وشايلة إسمك .
أدهم وهو يمسك بيديها ويقول بهدوء : الاهم من كل ده إنك ملكي وأنا مش بحب حد يقرب من أملاكي .
أكمل كلامه وهو يرى العصبية في عينيها بسبب كلماته : إنتي صورتك من صورتي مينفعش أبقى موجود وتتجاهليني وتتعاملي مع أكرم دا قصدي ماشي .
ليليان وقد هدأت مرة أخرى : بس متقولش إني من أملاكك علشان أنا مش عربية أو شركة .
أدهم وهو يعيدها لطاولة السفرة لتكمل فطورها : خلصي فطارك علشان متتأخريش .
ليليان بتوسل : طيب ممكن تقعد حتى لو مش هتاكل علشان مش بعرف أكل لوحدي .
جلس بجوارها وبدأت هي بالأكل الى أن قاطعها صوت هاتفها رفعته وتحدثت : أيوة يا نهى خلاص بخلص وجاية
نهى : هاتي الكاميرا معاكي علشان مازن عايزها .
ليليان بتذكر : كويس إنك فكرتيني هجبها أهو بس هو سامر مش معاه بتاعته .
نهى : مش راضي يديها لمازن علشان كسر ليه العدسة المرة الي فاتت .
ليليان : خلاص هجبها أقفلي بقا علشان الحق أجي .
أنت تقرأ
أحببت غريبا
Romansaلقد بعثتي روحي الي مجددا ... لقد أعطيتني سببا حتى أبقى على قيد الحياة بفضله.. كنت نورا وسط الظلام شمس أنارت الكون بعد ليلٍ دامس أقشعر بدني منه ..... كنتي مرساة سفينتي حينما كنت على وشك الغرق ..... ........ أصبحت أملي في هذه الحياة ولكنك تركتني أتخبط...
