vivien (eraserheads fanfiction)

9

vivien

"bakit ba ang init ng ulo mo?!" inis na tanong ng pinsan ko sakin na mas lalong nagpakulo ng dugo ko

"ako pa mainit ang ulo? eh nagpapasuyo lang ako sa kabilang kanto!" nakakainis! ngayon pa siya mag iinarte ng ganyan

"bat di ikaw pumunta?" sagot niya pabalik

"di nga ako makakilos raymund ansakit ng puson ko" reklamo/palusot ko sakaniya

bakit ba kasi sa lahat ng kamalasang mangyayari abutan pa ako dito sa dorm nila?

alam kong meron na ako bago pa ako pumunta dito kaya nagsuot na ako ng pasador

pero di ko inexpect na sasakit yung puson ko to the point na di na ako makabangon

cons of being irreg. ugh samahan mo pa ng pinsan mong feeling prinsesa. umuulan baka daw mabasa yung buhok niya

sasampalin ko to ng payong e

"ewan ko sayo vivien inaatake ka na naman ng kamalditahan mo" wow ako pa!

iniwan niya ako sa kwarto niya at narinig ko nalang na nadabog yung pinto

siya ata yung meron sa aming dalawa!

"urgh! kainis!" sinuntok suntok ko yung unan at isinubsob yung mukha ko dun

nasaan ba kasi sila buddy? sila ni marcus nagpapunta sakin dito dahil daw maglalaro kami tapos wala sila

maya maya narinig ko ulit na bumukas yung pinto

"ano nagbago na ba isip mo ibibili mo na ako?" inis na tanong ko habang nakangudngod parin yung mukha ko sa unan

baka masapak ko pa siya pag tinignan ko siya

"bibili ng alin?" napatingin naman ako sa nagsalita ng hindi boses ni raymund yung narinig ko

naningkit ang mga mata ko ng nakita ko si buendia na nakasandal sa pinto at may nakasabit na lollipop sa bibig niya

inirapan ko lang siya

mas lalong nasisira araw ko

"wala" tinalikuran ko siya at nagtalukbong ng kumot

napapikit naman ako ng mariin ng naramdaman ko na naman yung sakit sa puson ko kaya inipit ko yun. nagmukha tuloy akong hipon sa pwesto ko

"anong ginagawa mo dito?" narinig kong tanong niya pero di ko pinansin yun at dumapa naman

"mamamatay na ako" nanghihinang sambit ko at halos mangiyak ngiyak na ako sa sakit ng puson ko

bakit ang hirap maging babae?!

"tagal naman" aba deputa talaga tong lalaking to

"alam mo buendia wala akong time para makipagbungangaan sayo ngayon" pinilit ko yung sarili kong maupo kahit nangangasim na ang mukha ko

ayoko na lord babawiin ko na yung sinabi kong biyaya ang pagkakaroon ng mens

tanggalin niyo nalang yung puson ko tutal para narin namang nilalagari yung kalahati ng katawan ko ngayon

nakita kong tinaasan ako ng kilay ni buendia

"nyare sayo?" tanong niya sakin habang nilalaro yung lollipop sa bunganga niya

bumuntong hininga nalang ako at bumagsak ulit sa kama

"ayoko na maging babae" bulong ko sa kawalan

napatango naman yung ulupong

"ah. red days"

tinignan ko siya at inipon lahat ng kapal ko ng mukha at pati narin ang pride ko

umupo ulit ako at tinignan siya sa mga magagandang mata niya

"buendia mahal mo ba ang mama mo?" napakunot naman siya ng kilay sa pagtataka

"bakit?" tanong niya at lumipat ng pwesto mula sa pagkakasandal niya sa pader

"mas mamahalin ka daw ng mama mo kapag binili moko ng ano" mahinang sambit ko

"ha?" ay bingi

"sabi ko mas mamahalin ka ng mama mo kapag binilhan mo ko ng ano" ulit ko sa sinabi ko

nararamdaman ko nang unti unti nang umiinit yung pisngi ko mula sa hiya

grabe napaka kapal pala ng mukha ko

pero lubusin ko na

"ng ano?" takang tanong niya

"ng ano!" naghand signals ako na pwede maging gesture sa pinapabili ko

ayoko nga sabihin di kaya ng powers ko

ng naintindihan naman niya ay nangasim ang mukha niya

"nako hermosa tigilan mo ko" inis na sambit niya at lumabas ng kwarto

urgh! bakit ba iniiwan nila ako dito sa dorm nila!

bumalik ako sa pwesto ko kanina na isang cocoon at inipit ulit yung puson ko

para akong kinakatay sa bandang tiyan sa sakit

nakakamatay maging babae

--------

nakaidlip ata ako dahil maya maya narinig ko ulit na bumukas yung pinto

syet sana isa sa dalawang heads na nawawala o kahit si raymund pa man yan

"oh" napatingin ako sa nagsalita

sumilip ako mula sa makeshift balot ko at nakita si buendia na may hawak na plastik

napakunot naman ako ng noo

"ano yan?" tanong ko sakaniya

napakamot naman siya ng ulo sa irita "kukunin mo ba o hindi nangangalay na ako" inis na tanong niya

dahan dahan kong inilabas ang kamay ko mula sa cocoon ko at kinuha yung inaabot niya

binuksan ko iyon at nakita yung isang balot ng pinapabili ko

may freebie pang siyam na piraso ng chocnut

naramdaman ko na naman na nag init ang mga pisngi ko

"thank you" pagtingin ko sa tinatayuan niya kanina ay wala na siya dun

napanguso naman ako

salamat, buendia