Let Love Do The Magic [COMPLETED]

Ikalabinganim na Kabanata: Tumingin Sa Aking Mata

Paulit-ulit at malalakas na katok ang naririnig ko. Idinilat ko ang isa kong mata at tumingin sa pintuan ko. Naririnig ko si mama na kumakatok at paulit-ulit na isinisigaw ang pangalan ko. Itinakip ko ang unan sa mukha ko at nagtalukbong para hindi marinig ang mga sigaw niya. Bumukas ang pintuan at hinila niya ang kumot na nakabalot sa akin. Hinila niya ang paa ko at paulit-ulit na ginigising.

"Ma! Bakit nanaman? Mamayang hapon pa po ang pasok ko," nakikipag-agawan ako sa kanya ng kumot ko pero mas malakas ang nanay ko kaya naagaw niya lahat at ibinato sa sahig.

"May diyosa na naghahanap sa'yo sa labas! Bumangon ka na d'yan! Kanina pa naghihintay!" biglaang akong napadilat at tumingin sa pintuan. Dahan-dahan kong kinuha ang kumot ko at ibinalot sa buong mukha ko. Dahan-dahan akong sumilip sa sala namin at laking gulat ko nang nakita ko si Kristine na nakaupo doon sa sofa namin.

Naalala ko, ngayon pala talaga nila ako papaayusin. Ngayon nila pag-iiksperimentohan ang pagkatao ko. Hindi ko pa nasasabi kay Mama. Kung sabihin ko man, alam kong hindi naman magagalit ito, tiyak matutuwa pa nga itong nanay kong ito. Paano ko haharapin si Kristin? Hindi ako pwedeng tumakas at tiyak hahabulin ako ng body guards niya.

Itinulak ako ni Mama at napaurong naman ako palabas ng kwarto. Tumingin sa akin si Kristine at napatayo siya sa kinauupuan niya. Posturang-postura siya samantala ako naandito bagong gising at mukhang bagong gahasa. Ngumiti ako sa kanya at ngumiti rin siya sa akin.

Ilang minute nakapagayos na ako at nagbihis. Lumapit ako kay Kristine at tumango sa kanya. Bago kami lumabas ng bahay ay may ibinigay siya sa aking mga papel. Mga design sa buhok at kung anong kalandian sa katawan. Hindi ko alam kung ano pipiliin ko. Bawat isa naman doon sa mga choices e wala naman talaga akong gusto lalo na at sobrang laki nang babaguhin nila sa buhok ko.

"Mukhang you're having a hard time to look for your style. Uhm, try this oh," iniabot sa akin ni Kristine ang dalawang papel na  sa tingin daw niya e babagay sa akin. Ang ganda nga! Pero hindi ko alam kung babagay naman sa akin ito. May mga bagay kasi na maganda sa iba pero pagdating sa'yo ang pangit na. Sobrang nahirapan ako sa pagpili, panahon na ata para tanungin ko itong si Mama kung ano ang  mas gusto niya para sa akin.

Iniharap ko sa kanya ang dalawang coupon bond at namili siya. Laging gulat niya nang biglang  na-realize niya ata na magpapagupit na ako.

"Anak, kukulutin na buhok mo? Mag-aayos ka na? Sigurado ka? Anong naisipan mo?!" nahihiya ako sa reaksyon ng nanay ko. Lumapit sa akin si Kristine at kinuha ang dalawang coupon. Pinunit niya ang isa at kinuha ang napili na design ni Mama. Lumapit siya kay Mama at nag-mano tsaka ako hinila palabas ng bahay.

"Tita, we have to go. Ako po bahala sa anak niyo, believe me," ngumiti si Kristine atsaka diretso na ako pinasakay sa sasakyan niya. Sa gilid ng bakod namin, naandoon 'yung mga manyak na lalaki na kanina pa ata hinihintay lumabas si Kristine ng bahay. Mga lalaking ito talaga, malaglag sana kayo sa bakod nang matauhan kayong mga leche kayo!

"So here it is, the time has come, Lourdes! Omg! This is so exciting," napapakamot ako ng ulo ko kahit iniisip ko pa lang nab aka pangit ang kalabasan nito. Oh baka ako lang? Dahil sa ayaw ko lang itong gagawin sa akin e kaya sa tingin ko pangit ang kakalabasan? Kanina pa ako napapabuntong hininga simula pagkagising ko.

                                                                                                                                               

"Lourdes, remember, we will only make your physical appearance more appealing, okay? The Lourdes that we met before will remain the same. No matter what will be the outcome of this experiment,  always remember you'll be the subject of beauty in our eyes, okay?" ngumiti siya sa akin at hinawi ang buhok na nasa harapan niya.  Hinawakan niya ang kamay ko tsaka sinagot ang phone niya na kanina pa nag-riring. Si Carmen, tumawag at tinatanong kung tuloy ba ang plano. Ngumiti na sumagot si Kristine atsaka ibinaba ang telepono.