•خالد وهو بيجري: بسمة اجري بسرعه قبل ما يجي.
•بسمة وهي بتجري: امال انا بعمل ايه يعني إلحق منار وقعت.
منار: امشوا وسيبوني إلحقوا خدوا المفتاح بسرعه قبل شروق الشمس.
•بسمة وهي بتساعد منار•
منار: بقولك أمشي إلحقيه قبل ما يتحول مفيش وقت فاضل ساعه على الشروق.
•خالد بيشد بسمة:بسمة خلاص مفيش وقت سيبيها.
*******
فلاش باك:
خالد: ماما انا نازل رايح الكلية ممكن تحضريلي القهوة بسرعة.
ام خالد: يابني ما تقعد تفطر زي بقيت الخلق وكفايه قهوة انت مبقتش تعرف تنام.
خالد: ههه ماشي يا ماما طب يلا بسرعة عشان مستعجل هاتي القهوة.
ام خالد: خلصت أهي اتفضل ومتتأخرش النهاردا مش لازم تسهر مع صحابك اختك جايه النهاردا من السفر ولازم تكون موجود.
خالد: حاضر يا امي وتسلم أيدك على القهوة انا نازل يلا مع السلامه.
*******
محمود: ازيكوا يا شباب عاملين ايه هنعمل ايه النهاردا هتحضروا محاضره الدكتور احمد بصراحة مش عايز احضر.
منار: لازم نحضر دا مستحلف للي يغيب من محاضرته.
بسمة: سمعت انه مش هيدينا امتحان ترم وهيخلي كل جروب مع بعضه يعمل مشروع بس ايه المشروع اللي هيتناسب مع الآثار ؟
خالد: أهلاً ياشباب انا جيت بقولكوا مش هينفع نسهر النهاردا عشان اختي جايه ولازم اروح بدري.
•زياد داخل عليهم•
كلهم: أهلا بالعبقري بتاعنا اتأخرت ليه مش كل شويه تقولنا متتأخروش تاني اتأخرت ليه انت ياباشا.
•زياد وهو بيعدل النضاره: لا مفيش ماما قالتلي مش هتنزل قبل ما تشرب كوبايه اللبن.
•خالد وهو بيخبط بإيده ف كتف زياد:لبن ايه ياعم ما تكبر بقا.
•زياد ضحك: طب يلا عشان منتأخرش على المحاضرة.
منار: ماشي ياعم الجينيس.
*******
•المحاضرة خلصت وماشيين•
•خالد اخر واحد مشي من المحاضره وهو خارج القلم وقع نزل يجيبه، الدكتور جاله تليفون•
دكتور احمد: دكتور موسى ازيك ياراجل واحشني.
دكتور موسى: كويس ياعم بقولك ايه فاكر الجزيرة اللي قولتلك عليها من فتره .
دكتور احمد: اه طبعا فاكر مالها!
دكتور موسى: العاملين اللي هنا لقوا مقبره هناك مقفوله بقالها يجي اكتر من ١٠٠ قرن وانت اكتر واحد اعرفه عنده خبره ف الآثار محتاجينك هناك تبص عليها هنفتحها اول ما تيجي.
•خالد اول ما سمع اسم المقبره والجزيرة وقف شويه في ركن والفضول بيتغلغل جواه فضل واقف بيسمع•
•دكتور احمد بتعجب وبنبره فيها خوف ممزوج بفرح: اه طبعا جاي اكيد بس في حاجات الاول لازم اعملها.
دكتور موسى: لا حاجات ايه اعتبر كل حاجه خلصانه وهنديك اللي انت عايزه تذاكر السفر هبعتهالك هتيجي بالباخرة هتمشي بعد بكرا الصبح هستناك في المدينه اللي قبل الجزيرة وهنروح الجزيرة مع بعض.
•دكتور احمد بنبره متردده: هاجي يا موسى حاضر بس مش هطول أسبوع كبيري اوي.
دكتور موسى: ماشي ياسيدي على راحتك المهم تيجي.
•خالد خرج بسرعه قبل ما الدكتور يشوفه جري على صحابه بسرعه يقولهم•
********
خالد: إلحقوا سمعت الدكتور احمد بيتكلم ف الفون مع واحد وبيتكلموا على جزيرة ومقبرة ايه رأيكوا نروح يومين وهنرجع نشوف المقبره وتكون المشروع بتاعنا ايه رايكوا؟
منار: لا ياعم جزيرة ايه ومقبره ايه فكك من الموضوع.
خالد: لا بجد فكروا دول يومين اعتبروهم مصيف او رحلة او سفاري اي حاجه دول يومين بس.
بسمة: ممممم مش حاسه الموضوع هيجيب معانا.
محمود: خالد مقبره ايه فكك وبطل القهوة اللي بتشربها وبتسهرك دي هتجيب اجلك ف الاخر.
خالد: صدقوني يا جماعه الموضوع مش هيخسر في حاجه يومين بس واعتبروها مشروع للتخرج اللي الدكتور قاريفنا بيه داه وهناخد معانا الكاميرا يومين بس ها قولتوا ايه؟
منار: خالد بطل تهييس انت منمتش امبارح صح وفايق علينا دلوقتي روح نام ياحبيبي.
بسمة: يلا يامنار نروح عشان اتأخرت انا اوي كدا.
محمود: استنوا اوصلكوا طيب هاخدكوا في طريقي.
خالد: انتوا بتستهبلوا ياجماعه دي فرصه مش هتتعوض دي مقبره في جزيرة بعيده عن هنا هنروح يومين بس ونيجي الفضول مش واكلكوا تعرفوا ايه اللي هناك!
زياد: لا بصراحة مش واكلني وانت شكلك جعان روح يا خالد متقرفناش بقا.
محمود: خالد روق دماغك مش حوار هو.
خالد: طب ياشباب داحنا حتى ممكن نستفاد منه اهو بدافع الفضول ونقدمه كمشروع تخرجنا عصفورين بحجر ها.
منار: لا انا هروح ماما بتكلمني وانا اتأخرت وانت اختك المفروض جايه النهاردا المفروض تكون في البيت دلوقتي عشان تلحق تروح تاخدها.
محمود: يلا إلى اللقاء ياشباب.
خالد: لو انتوا مجتوش انا هروح لوحدي ومش هرجع عن قراري بكرا هجهز كل حاجه وبعده هسافر انتوا حريين، مع السلامه.
*******
•الكل راح بيته وقعدوا يفكروا في كلام خالد كتير وقعدوا يسألوا نفسهم وليه لا ما نروح نشوف واهي بالمره مشروع التخرج بس هنروح ازاي ولا هنروح نعمل ايه والجزيرة دي فين اصلا ؟!!! أسئلة كتير بتدور في عقلهم ملهاش اجابه غير ان الفضول يدفعهم يعرفوا ايه اللي هناك ايه اللي على الجزيرة وايه سر المقبرة؟!! وخالد منمش اليوم داه فضوله بيتسرب لعقله زي تسريب النور تحت عقب الباب وأسئلة كتير مش عارف هيروح لوحده ازاي !! كان قرار متهور بس الفضول اللي بيدفع الإنسان انه يقرب من حاجات مهما كانت محظورة بدافع يسكت الفضول اللي جواه !! خالد هيعمل ايه ساعتها ...•
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
