استاذ احمد: كل حاجه جاهزه لفيت الحبل بين الشجر ومنار وبسمة واقفين بعيد عشان لما يقع يربطوا ايده وانا وطارق هنربط رجله وخد المفتاح كل اللي عليك انك تخرج الإسورة من ايده.
زياد: طيب تمام كل حاجه جاهزه انا هروح لمحمود.
استاذ احمد: هتروح فين هنستنى محمود لما يجي.
زياد: وايه ضمنك انه هيجي نلحقه احسن ما يروح مكان تاني ويقتل حد تاني.
استاذ احمد: طب انا جاي معاك.
زياد: هتفضل هنا مع طارق تستنوا محمود.
***********
زياد: محمووووووووود، صاحبي ،عامل ايه ،شكلك اتغير اوي، قصيت شعرك صح، واو عندك عضلات ،انت روحت الجيم امتى، ايه رايح فين تعالى هنا انا بكلمك على فكرة متدنيش ضهرك، محمووود ، ايه داه انت رايح فين ،يخربيتك انت جاي تقتلني ،انا غلطان اني جاي انقذك.
•زياد بدأ يجري بسرعه ومحمود بيجري وراه ،زياد جري اسرع ولف بسرعه قبل ما محمود ياخد باله ،ومحمود اتكعبل في الحبل منار وبسمة بسرعه ربطوا ايده، وأستاذ احمد وأستاذ طارق ربطوا رجليه ،وزياد بيحاول يثبته عشان يحط المفتاح في ايده ،زياد حط المفتاح في الإسورة بس لاحظ الإسورة بدأت تضيق اوي على أيد محمود وفجأة اتفتحت ووقعت بعيد عنه وفجأة الكل بعد عن محمود، بدأ يلف رأسه يمين وشمال زي ما يكون بيحارب حاجه في عقله ،وبعدين عينه بقيت بيضا تماما وقام مشي بعيد عنهم وهم واقفين بيتفرجوا، محمود بدأ يزعق جامد ويخبط بإيده على دماغه جامد ،وفجأة وقع على الارض من غير اي حركة زياد قرب منه براحة خالص وينادي عليه وبعدين جري عليه محمود مبيتنفسش !! مبيتحركش!!•
زياد: محمود، محمود ياصاحبي، يامحمود بالله عليك قوم.
•الكل شاف زياد مرمي ع الارض جنب محمود جريوا عليه•
منار: محمود ماله؟ .. ماتنطق ساكت ليه؟
بسمة: منار اهدي.
مناو: اهدى ازاي من شويه خالد ودلوقتي محمود.
•زياد في كل هدوء ودموعه محبوسه في عينه: محمود مش بيتنفس.
استاذ احمد: زياد امسح دموعك قوم اعمله إسعافات نجرب مش هنخسر حاجه.
محمود: زياد انت بتعيط؟ فين نظارتك؟ وانت اتعورت ازاي في وشك كدا ايه المنظر داه!
•زياد لما كان حاطط راس محمود على رجله رماها وزق محمود بكل عصبيه•
زياد: انت متخلف وحيوان وانا غلطان اني مصاحب واحد زيك.
•بسمة راحت رازعه محمود كف•
بسمة: انت عارف قد ايه انا كنت مخضوضه عليك وكنت قلقانه عليك مكنتش عايزه اتعصب ولا انهار عشان كله شايل همك مكنتش متخيل قد ايه ،كنت زعلانه عليك وخالد كان بيعمل المستحيل حرفيا عشان ينقذك.
محمود: ههه اهدي طيب انا روحت فين يعني منا قدامك اهو ،وعلفكرة ايدك تقيله اراهن ان صوابعك معلمه في وشي دلوقتي..صحيح امال خالد فين؟
•كل واحد بدأ يبص للتاني هيقولوا ايه لمحمود هيقولوا ازاي ان خالد مات•
محمود: ما حد ينطق خالد فين؟
استاذ احمد: خالد يابني زقك انت وزياد في المرايا قبل ما تقفل.
محمود: يعني ايه قبل ما تقفل ! خالد فين؟
استاذ احمد: خالد ملحقش يدخل وضحى بنفسه عشانك.
زياد: اتخانقت معاه قبل ما ندخل انا وانت ،قولتله مش هدخل غير وانت معايا والمرايا كانت بتقفل خلاص راح شالك وزقك في المرايا وزقني وراك والمرايا قفلت عليه وزمان الحراس خادوه موتوه دلوقتي.
محمود: زياد انت بتهزر صح؟
بسمة: زياد مش بيهزر يا محمود بص لإيد زياد عامله ازاي من كتر الخبط ع الحيطة املا انه يدخل يجيب خالد تاني ،ايده كانت بتنزف من كتر الضرب ع الحيطة ومسك نضارته رماها ع الحيطة مكنش عايز يشوف حد خالد كان اخر حد زياد شافه.
محمود: خالد مات!!! خالد مينفعش يموت.
•محمود قام وبدأ يعيط ويخبط راسه في الشجره وبسمة بتهديه ،من كتر الخبط دماغه اتفحت وبدأت تنزف ووقع ع الارض مش مصدق ان صاحبه مات•
بسمة: محمود، خالد فضلك على نفسه هتقتل نفسك دلوقتي! داه ضحى بنفسه عشان ينقذك يامحمود متضيعش اللي خالد عمله عشانك هدر.
محمود: بسمة امشي من وشي دلوقتي.
بسمة: طب يا محمود ممكن تهدى طيب نتكلم...
محمود: مبتفهميش قولتلك امشي مش طايق اكلم حد.
زياد: خلاص يابسمة روحي خليكي مع منار.
•محمود اترمى ف حضن زياد منهار من العياط وزياد مقدرش يمسك دموعه، محدش فعلا مصدق ان خالد خلاص كدا صاحبهم اللي كان دايما معاهم اللي كان في كل طلعة معاهم مكنوش يقدروا يستغنوا عنه، فجأة بقا مش موجود•
أنت تقرأ
مقبرة أيلاند
Abenteuerفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
