خالد: زياد وصلت منار خلاص ،اتأكدت انها طلعت؟
زياد: اه تمام هنروح فين دلوقتي؟
خالد: هنروح المعبد اللي في شمال غرب المدينه ،ونشوف المرايا ولو لقيناها ،جزء مننا يبقا هناك عندها، وجزء مننا يروح يجيب منار.
بسمة: طيب تمام يلا عشان منضيعش وقت اكتر من كدا.
خالد: احمد وطارق ها معانا؟
استاذ احمد: اسمي استاذ احمد وهو استاذ طارق.
خالد: ياعم مش وقت رسميات يلا.
**********
•منار قعدت على الارض ،وفتحت الدفتر تاني قرأت نفس الكلام ،وفضلت تفكر مين ياترى اللي كتبه؟ الباب خبط..•
منار: مين؟
•واحده من الخدم كانت واقفه على الباب، اتكلمت ،بس طبعا منار مفهمتش حاجه ،بس اللي كانت عارفاه انه تقريبا هيجهزوها عشان طقوس الزواج ،منار فتحت الباب ولسه كانت هتروح معاها، لمحت رمضان واقف على باب اوضه الملك وفكرت ازاي تاخد من رمضان المفتاح ،ايه اللي رمضان ماسكه في ايده داه؟ كوبايه ايه دي؟ منار فكرت لوهلة انها تنادي على رمضان وتتكلم معاه•
منار: رمضان.
رمضان: احلى رمضان سمعتها في حياتي.
منار: مم.. ممكن تقولي ايه اللي في أيدك داه!
رمضان: اوي اوي داه ياستي حاجه زي الخمرة عندنا ،بس هنا داه أعشاب بس زي الخمرة بالظبط.
منار: حشيش يعني؟
رمضان: هو الحشيش خمرة يا استاذة..
منار: منار اسمي منار.
رمضان: مالك قلبتي معايا فجأة كدا، كنتي من شويه هتقطعي ايدي.
منار: منا فكرت ،وقولت خلاص كدا كدا شكلهم فعلا نسيوني وقولت...
رمضان: طبعا قولتي تكملي بقيت حياتك هنا ،عايشه ملكة في القصر ،ومتجوزة خلفيه وهتبقي مبسوطة.
•منار في سرها: على جثتي.
رمضان: بتقولي ايه ياست الكل، طبعا مش مصدقه من الفرحة.
منار: اه طبعا امال.
رمضان: ههه ولا انا عالعموم...
منار: امال ايه اللي على رقبتك داه.
رمضان: داه عقد دهب معرفش ايه المفتاح داه بصراحة ،بس الملك كان خايف لما ادهولي مش عارف ليه وقالي حافظ عليه ،بس شكله حلو صح؟
منار: اه يحبيبي شكله حلو اوي.
رمضان: حبيبي... شكله هيبقا يوم قمر زيك يامنار ،ولا يزوجني العزيزة، هههه جهزي نفسك بقا عشان الطقوس اول ما النهار يطلع.
•منار اول ما شافته بيشرب خمره ،فكرت انها تقعد معاه قبل النهار تخليه يشرب كتير ،ويفقد وعيه ،وتاخد المفتاح منه ،وتمشي•
رمضان: سرحانه في ايه الخدم بينادوكي على فكرة.
منار: طيب رايحة خلاص ،اه بقولك ايه ماتيجي كمان شويه تقعد معايا بدل مانا قاعده لوحدي هنا.
رمضان: مينفعش اشوف العروسه قبل الفرح..بس لو مصممه هاجي طبعا.
منار: طبعا مصممه، بس ابقا هات معاك شويه كتير من اللي بتشربه.
رمضان: ناويه تشربي ولا ايه؟
منار: اه فرح بقا وكدا ،وعايزه اعمل دماغ عاليه النهاردا بس ابقى هات كتير اوي معاك.
رمضان: بس كدا عنيا حاضر.
********
خالد: زياد اسمد معايا محمود.
زياد: منا شايل حاجات كتير ياخالد.
بسمة: هاتهم انا اشيلهم.. يالهوي شنطه منار تقيله اوي ،حاطه فيها ايه دي!
استاذ طارق: هاتي يابنتي اشيل معاكي.
بسمة: تسلم يا استاذ طارق.
استاذ طارق: ولا يهمك يابنتي.
بسمة: عندك عيال بقا يا استاذ طارق؟
استاذ طارق: اه يابنتي عندي ٣ بنات.
بسمة: ٣ ما شاء الله.
استاذ طارق: واحده متجوزة بقالها اربع سنين اصلها اتجوزت قبل ما اجي هنا ،وبنتين تانيين واحده قدك كدا حلوة زيك اللهم بارك ،والتانيه لسه صغيره لما سيبتها كان عندها ٤ سنين.
بسمة: ياعيني اربع سنين مشوفتهمش.
استاذ طارق: اه والله يابنتي وحشوني اوي ،وبالذات الصغيره ههه ،كنت بحب العب معاها عيب على سني والله بس كنت بحبها جدا ،اه طبعا بحب التلاته بس الصغيره دي جات بعد ما الدنيا كانت بايظة اوي في حياتي، زي ماتكون النور اللي جه بعد سنين عايش في الضلمة، اكيد كبرت وبقيت حلوة.
بسمة: طبعا حلوة زي ابوها.
استاذ طارق: ههه تسلمي يابنتي ،لما نرجع لازم تشوفيها هتحبيها اوي.
بسمة: اكيد ليا الشرف ان أقابل بنت حضرتك.
خالد: خلصتوا حكاوي فاضل قد ايه يا استاذ احمد؟
استاذ احمد: احترمت نفسك وقولتلي يا استاذ ،فاضل نصايه كدا ونوصل المعبد ولو مشينا من المعبد علطول هنلاقي المقبره ،هي مش بعيده عن المعبد ،وان شاء الله هنلاقي المرايا في واحده منهم.
زياد: ان شاء الله ،ويارب تكون منار عرفت تتصرف، انا قلقان عليها.
خالد: متقلقش انت عارفها مبتسكتش ،هتعمل اي حاجه عشان تخرج من هنا ،عشان بشرتها محتاجه ماسكات.
زياد: هههه انت بتتريق يا خالد.
خالد: هو كلامي !! داه كلامها .. يا جماعه يومين بس ومنتأخرش عشان شعري مش يبوظ من قلة الماسكات .. انت متخيل كلامها شعر ايه اللي يبوظ في يومين!
زياد:هههههههه.
خالد: ايوه ياعم فك كدا، الدنيا هتتحل بإذن الله.
استاذ احمد :المعبد أمامكم يا سادة.
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
