مقبرة أيلاند

Part 22

خالد: بس ،بس ،منار ،يابت.
زياد: ها بصت؟
خالد: لا مش عارف ،انا مش شايف اصلا.
زياد: ههه قصير.
خالد: ١٨٠ داه قصير.
زياد: يعني ١٨٥ داه طويل.. لم نفسك وناديها بقا.
خالد: مش ذنبي ان الشباك اللي طويل ،متنساش دول اطول مننا... انت شوفتها ازاي اصلا؟
زياد: وقفت على الصخرة الكبيرة اللي هناك دي.
خالد: ومقولتش ليه يا فالح ،وسايبني اتشعلق.
زياد: انجز بقا.
خالد: منار بهتت عليك ولا ايه دي تاني مره.
•زياد في سره: ماهو اللي بيحب حد بياخد طبعه.
خالد: بتبرطم بتقول ايه تاني؟
زياد: يا خالد انجز بقا.
*******
منار: هل فعلا سابوني ومش هيدوروا عليا ؛عشان يلحقوا محمود ،ماهو برضو مكنش ينفع اسيبهم وأجري ،ماهو برضو خالد مستفز ،بس معذور كان خايف على محمود ،أوف بقا مش عارفه افكر ، اكيد بيدوروا عليا ما انا صاحبتهم برضو ، بس انا شديت مع خالد وشكله هيسيبني ، لا لا خالد قلبه طيب وميقدرش يسيبني هنا.
********
خالد: منار انتي يابت.
زياد: ما تعلي صوتك.
خالد: عشان اصحي الخلق اللي جوه ويجوا يقتلونا، وهي اللي واقفه بعيد... يا منار انتي يا متخلفة سيبناكي ايه ما انا متشعلق اهو.
زياد: متخلفة في عينك انزل يالا من هنا.
منار: مين هنا؟
خالد: سمعتنا أخيراً..كان لازم اعلي صوتي فعلا.
زياد: انا زياد يا منار بصي تحت.
منار: انتوا بتعملوا ايه هنا؟
خالد: جايين ننقذك ياختي ،عندك اعتراض ،مش عايزه تطلعي من هنا؟
زياد: انتي هتتجوزي رمضان صح؟
منار: رمضان مين؟
زياد: رمضان خادم الملك ،هتلاقيه واحد شبهنا كدا، شكله مختلف عنهم.
منار: اه تقريبا هو ،داه انسان بجح ،ومستفز ،وأمه معرفتش تربي.
خالد: من ناحيه امه معرفتش تربي انتي عندك حق.
منار: اخرس انت ، مكلمتكش انا اصلا زعلانه منك.
خالد: يخربيتك داحنا جايين ننقذك.
منار: تنقذ مين ياخويا ،انت زعقلتي وعليت صوتك عليا، دانا امي معملتهاش.
زياد: يا منار خلاص بقا مكنش قاصد ،ممكن تنزلي بقا.
منار: انزل فين يا روح ماما ،انت مش شايف المسافه عامله ازاي.
خالد: الله الله احنا جايين نتهان هنا يا زياد.
منار: امشوا من هنا بسرعه الباب بيخبط.
********
منار: ايوه جايه ثواني.
•رمضان دخل وباس أيديها ودخل يلف الاوضه•
رمضان: ما انتي لوحدك هنا اهو ،امال كنتي بتتكلمي مع مين ؟دانا سامع صوتك من اول طرقه الاوضه.
منار: انت عايز ايه؟
رمضان: في واحده تسأل جوزها انت عايز ايه!
*********
•زياد هو وخالد واقفين تحت الشباك سامعين كل حاجه•
زياد: ايدك من عليها يا حيوان.
خالد: انت اتجننت هيسمعنا.
زياد: معلش انا اسف.
*********
منار: انت مش جوزي ،ومش هتجوزك ،انت متحلمش اصلا.
رمضان: ههههه يا زوجتي العزيزة، عارف انك مكسوفة بس مش اكتر ،وكلها كام ساعه وهتبقي مرات اعظم خليفه للملك.
*********
زياد: اشتميه يا منار.
خالد: يابني اخرس بقا.
زياد: منار مش هتتجوزه يا خالد.
خالد: ومين قال انها هتتجوزه ،اهدى بقا مش عارف معصب نفسك على ايه.
زياد: معصب نفسي على ايه! مانت مش عارف.
خالد: مش عارف ايه؟
زياد: ششش اخرس انت.
*******
منار: ابعد ايدك عني ،انا معرفكش اصلا.
رمضان: احب اعرفك بنفسي ،استاذ رمضان ،ودكتور في الآثار المصريه ،والكتابات الفرعونية، في اكبر جامعه في البلد ،داه طبعا قبل ما اجي هنا، تحبي تعرفي قصتي ،هحكيلك انا عندي ٣٥ سنه اه صغير ميغركيش شكلي ،اتجوزت وانا عندي ٢٤ بعد ما اتخرجت بشويه ،مراتي بتشتغل مقدرتش أمنعها ،بس كانت عصبيه جدا مكنتش بحب اتكلم معاها، وتتخانق على اقل حاجه ،وربنا رزقني بولدين حسن ومحسن توأم طلعوا عيني في دنيتي ،شايفيني قاسي دايما ،وبيحبوا امهم اكتر ،وفي الشغل في الكليه محدش كان بيعملي حساب ،كنت مش موجود في الدنيا في نظر العالم، لغايه ما جيت هنا الدنيا اختلفت هنا جامد، اه عانيت سنتين هنا عشان لقمه العيش ،بس السنتين اللي بعدهم كانوا نعيم تحت جناح الملك ،هتجوز اجمل واحده ،وهخلف ،وهعيش حياتي ،وهبقا خليفه الملك بعد ما يموت ،اصل انتي متعرفيش الناس بتكره الملك داه اوي اوي ؛بسبب ظلمه بس محدش يقدر يقوله لا عشان خايفين على نفسهم ،واحنا ف اخر عصر من عصور الملك مقرأتيش التاريخ ولا ايه !! وشويه وللناس هتقلب عليه ،وانا هبقا الملك وزوجتي حبيبتي هتبقى ملكة ،وانتي لسه صغيره وهتحكمي البلد بعد اما اموت ،هيبقا ليكي قصر ،وطقم خدم ،ولبس من حرير، ومن دهب أيُّ نعيمٍ هذا ؟ كل اللي تتمنيه بس بطرقعه إصبع كل حاجه هتبقى عندك ،في رفاهية اكتر من كدا؟ جهزي نفسك بقا عشان الكاهن هيجي بعد الشروق ،وانتي مشوفتيش الفستان اللي بنات الملك مجهزينه ،هتخطفي عيون الناس ،يلا يا زوجتي العزيزة.
•رمضان خرج وقفل الباب وراه، ومنار اترمت على الارض وقعدت تعيط ،وزياد وخالد لسه واقفين تحت الشباك عايزين يدخلوا لمنار بس خايفين•