خالد: ايه اللي بيحصل داه بقا؟
بسمة: بيتحول داه ولا ايه.
منار: ممكن تكون الروح الشريرة او الكيان داه أياً كان هو اللي بيدخل في جسمه.
زياد: استنوا كدا داه سكت عينه رجعت تاني اهي.
•محمود عينه رجعت تاني واتشنجاته وقفت وفضل مرمى على الارض عينه مبرقه وفجأة قام وقفل عينه وفتحها وأتكلم ولا كأن حاجه حصلت بس محمود كان وشه شاحب اوي•
زياد: محمود انت حاسس بإيه؟
•محمود بنبرة كلها خوف: مش عارف يا زياد حسيت ان في حاجه بتكلمني في دماغي وبتحاول تسيطر عليه وانا بقاوم بس ده زي .. زي.. زي ايه مش عارف يا زياد بس انا خايف حاسس بالاسورة بتمشي في عروقي حاسسها في دمي.
خالد: احم طب ياجماعه دوروا كدا طيب على اي حاجه في المكتبة دي اي كتاب في حاجه تفك الإسورة دي.
منار: تعويذة مثلا اللي هتشيل أسورة؟
بسمة: تعويذة هتشيل أسورة ايه يا منار!! ممكن مثلا مفتاح نفتح الإسورة بيها اي حاجه شبه كدا.
منار: مالك مش طايقاني كدا ليه؟
بسمة: انا كلمتك يابت انتي ما تدوري وانتي ساكتة.
منار: بت في عينك ....
•خالد قاطعهم: بنات مش وقت خناق دوروا على اي حاجه وانتوا ساكتين.
زياد: خالد بص الكتاب داه مرسوم عليه نفس شكل الإسورة.
خالد: طب افتحه كدا اقرأه وشوف بيقول ايه.
زياد: ممم بيقول نفس اللي قاله الكتاب التاني التحول الكامل للكيان الشرير او الملك الشرير هيخلص عند شروق شمس تالت يوم من لبس الإسورة.
خالد: طب مقلش اي حاجه ازاي نشيل الإسورة دي دور كدا.
زياد: مممممم في حل بيقول ان مفتاح الاسوره دي في مكان مدفون بس مش في الارض.
خالد: ثواني يعني ايه مش مدفون في الارض؟ امال هنلاقيه فين يعني ؟
زياد: مش عارف الكتاب بيقول كدا.
محمود: طب دور كدا في كتاب تاني يمكن نلاقي اي حاجه تانيه.
بسمة: انت مش ملاحظ ان الكتب كلها مرسوم عليها نفس الإسورة!!!
محمود: الكتب كلها كدا يا خالد واكيد نفس الكلام بيتعاد.
*********
•خالد فضل يلف في المكتبة شويه ولسه بيدور على اي حاجه يشيل بيها الإسورة من أيد محمود وبعدين خرج من البوابه بتاعت المكتبة وفكر يدخل بوابه تانيه من البوابات اللي موجودة حواليه ودخل باب كان باين انه اصغر شويه من البوابه اللي دخلها ،دخل وكانت طرقه طويلة فضل ماشي لغايه مكان ضيق دخل شويه ،داس على حاجه في الارض لقى الارض بتتفتح وطلعت منها تابوت كبير اوي -اصل الناس زمان كانوا عمالقة حقيقي- خالد فضل متنح شويه للتابوت فتحه بصعوبة شديده جداً لقى جثه متحنطه بس لاحظ ان الجثمان او الميت كان لابس سلسله دهب!! كان يُعتقد في مصر القديمة ان الإنسان لما يموت هيصحى تاني عشان كدا كان بيتدفن معاه حاجاته اللي كان بيستعملها في الدنيا واكله وشربه وكل حاجه ... خالد قفل التابوت ورجع خطوة لورا التابوت نزل تحت الارض تاني خرج من البوابه ودخل غيرها لقى نفس المنظر والبوابة التالته والرابعة والخامسة كلهم كدا كلهم لابسين سلسله دهب ممكن يكونوا كهنة طيب؟!.... خالد فضل محتار في أسئلته ،المقبره دي بتاعت مين؟؟؟ سمع صوت بسمة بتنادي عليه•
بسمة: خالد تعالى إلحق محمود بسرعه.
خالد: ايه اللي حصل تاني؟
•محمود رجع تاني يتشنج على الارض وعينه كانت حمرا زي الدم ويبلف براسه بيحارب نفس الكيان في عقله وفجأة محمود بكل هدوء قام بعينه الحمرا وقال كلام مش مفهوم بس زياد فهم•
زياد: بقولكوا ايه احنا نمشي من هنا انت مش ملاحظ الشروق ومحمود هيبدأ يتحول بقا للملك الشرير ولا البتاع داه احنا نخرج من هنا بسرعه.
خالد: ليه ؟؟ انت اكيد فهمت هو قال ايه.. قال ايه يا زياد؟
زياد: قال.. قال هيرجع بعد يومين ومحدش هيقدر يوقفه وهيرجع يحكم الارض تاني.
خالد: ههه يحكم الارض تاني هو كان حكمها أولاني.
زياد: خالد انا مبهزرش محمود اللي مش بيتكلم دي الروح اللي في الإسورة اللي مسيطرة على محمود.
•محمود عينه رجعت تاني ووقع على الارض وأغمى عليه وكلهم في حيرة ايه اللي يقدروا يعملوه عشان ينقذوا محمود•
خالد: طب دوروا على اي كتاب تاني غير الإسورة عايزين نشوف ايه حكايه الملك داه.
**********
•الكل فضل يدور اي كتاب يوصف تاريخ حكم الملك داه للأرض وايه اللي حصل وكان اسلوبه ازاي وطريقته ازاي ومات ازاي ولا الناس عملوا فيه ايه يمكن داه يساعدهم في انهم يعرفوا يتعاملوا مع الروح اللي في جسم محمود ياترى هيعملوا ايه محمود هل هيقدروا ينقذوه•
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
