•الكل راح الكلية ومحدش عارف ان التاني قرر انه يروح مع خالد في ظل هدوء خالد التام في الكلية وقبل المحاضرة قعد يفكر هيروح ازاي لوحده؟ خالد كان متهور بس الفضول بيعمل اكتر من كدا في اي حد ممكن اي حد يلقى حدفه! بسبب فضوله المتوحش.. طب ايه العمل؟!•
**********
•محمود كلم زياد ومنار وبسمة يتفق معاهم على الرحلة اللي خالد قال عليها اتفاجئ ان الكل وافق بعد تفكير كتير وفرح جداً وقال هيعملها مفجأة لخالد ومحدش يقوله لغايه ما يروحوا الكليه•
*********
•في عز تفكير وسرحان خالد قاطعه محمود: ايه ياصاحبي ايه اللي شاغل بالك دلوقتي شكلك هادي اوي النهاردا.
خالد: محمود انا مش ناقصك منمتش امبارح عدل.
محمود: من امتى ياصاحبي وانت بتنام عدل.
منار: هاي شباب عاملين ايه؟
بسمة: ايه يا محمود مضايق الواد ليه اول مره يبقا هادي كدا ماتسيبه في هدوئه.
محمود: هادي ايه بس اكيد بيفكر في مصيبه من مصائبه المعتادة.
•زياد خد محمود في جنب: م..مش ناوي تقوله ولا ايه دا شكله صدع من التفكير ؟
•محمود وهو بيحط ايده على كتف خالد: صاااااحبي حبيبي عشرة عمري انت عارف اني بحبك صح ومقدرش ازعلك ..
خالد: انجز يامحمود عايز ايه؟
محمود:اهدى ياعم عملنالك مفجأة كلنا رايحين معاك الجزيرة.
خالد: انت...انت بتتكلم بجد يامحمود.
محمود: وانا ههزر ياصاحبي كلنا معاك منقدرش نسيبك لوحدك اه فضولك هيودينا في داهيه كلنا بس على الأقل هنكون مع بعض في نفس الداهيه.
بسمة: هو احنا لينا غيرك ياخالد اكيد هنروح معاك.
منار: بس يومين عشان شعري يا جماعه مش يبوظ من قله الماسكات.
•بسمة بتشد شعر منار: شعر ايه يا ام شعر انتي ما تلمي نفسك.
منار: خلاص ياستي سكتت.
زياد: هنروح امتى ولا ازاي اصلا.
خالد: الدكتور موسى المفروض هيكلم الدكتور احمد النهاردا عشان يقوله الباخره الساعه كام وهينزل فين وهيقعد في فندق فلازم نكون عاملين حساب لكل حاجه بعد المحاضره هستنى اشوف الدكتور موسى هيقوله ايه.
محمود: طيب يلا عشان المحاضره هتبدأ وبعدين نفكر في الموضوع داه.
********
•المحاضرة خلصت وخالد فضل ماشي ورا الدكتور احمد يعرف اخبار السفر الدكتور كلم الدكتور موسى وخالد وقف في ركن بيسمع•
دكتور احمد: ايوة يا موسى عامل ايه؟
دكتور موسى: تمام يادكتور احمد ،انت جاهز لبكرا؟
•دكتور احمد في رهبه: اه ان شاء الله جاهز.
دكتور موسى: تمام التذاكر هتلاقيها عندك في المكتب، الباخره الساعه ٦ الصبح هتنزل هتلاقي واحد اسمه مسعد ابو الوفا هتلاقيه مستنيك هناك بالعربيه هيوصلك الفندق، فندق ساند الاوضه محجوزة هتاخد المفتاح وتدخل وتستنى مني تليفون هاجي اخدك ونروح الجزيرة سوا.
دكتور احمد: كل حاجه جاهزه يعني ياموسى طيب تمام قبل ما أوصل الباخره هقولك عشان تبقا عارف.
دكتور موسى: تمام يادكتور مستنيك.
•خالد واقف في ذهول ومش قادر يتحكم في الفضول اللي جواه وفرحان انه هيغامر هو واعز اصحابه •
********
•الكل راح بيته يجهز نفسه عشان يسافر تاني يوم وكالعادة خالد منمش ،زياد مخدوش التفكير اوي ونام، منار وبسمة قعدوا يكلموا بعض شويه على اللي هياخدوه معاهم ،محمود كلم خالد قبل ماينام•
محمود: ازيك ياخالد عارف انك منمتش لغايه دلوقتي.
خالد: مش عارف والله يامحمود قعدت ارسم كتير ازاي ممكن تكون شكل المقبرة دي ولا الجزيرة تخيل كدا نروح وتبقا شبه أفلام الرعب وزومبي ووحوش آدمية و...
•محمود قاطع خالد: جرا ايه ياعم دي جزيرة عادي وتلاقيها مقبره زي اي مقبره عاديه جدا هنروح نبص بصه ونصور كام صوره للمشروع وهنرجع تاني متسرحش بخيالك ياباشا الكل نام ياخالد نام انت كمان ريح جسمك شويه انت مش بتنام عدل وبكرا الصبح هنتقابل الساعه ٥ تكون مجهز تاكسي عشان يودينا.
خالد: متقلقش مجهز كل حاجه تصبح على خير يامحمود.
محمود:وانت من اهله ياخويا.
***********
•الكل نام وخالد نام اول مره ينام بعمق وقعد يحلم بشكل المقبره يا ترى عامله ازاي فكرة ان الموضوع يبقا مغامره ورعب مش قادره تطلع من دماغه ايه اللي هيحصل هناك هل ممكن يطلع الموضوع عادي ولا هيكون فيه لغز ولا هيكون فيه ايه ياترى....•
أنت تقرأ
مقبرة أيلاند
Aventuraفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
