الساعه ١:٣٠ بعد منتصف الليل....
•زياد صحي من النوم ومعرفش ينام تاني فتح الكتب وقعد يذاكر شويه اكتفى بضوء القمر كان بدر منور الاوضه ساب الكتاب ووقف على الشباك شويه قلع النضاره وقعد يفكر.... يفكر في بنت كان معجب بيها من اول ما شافها ف المدرج ف اول سنه خادت عقله ساعتها بجمالها انسياب شعرها البني الذهبي ولبسها الشيك واهتمامها بنفسها بس مش عارف يقولها ازاي خُجوله منعه كان بيتكسف منها جدا ،في عز سرحانه فيها الباب خبط•
ام زياد: زياد انت صاحي؟
زياد: ايوه يا ماما صاحي مش عارف انام.
ام زياد: ممكن ادخل؟
•زياد لبس النضاره: اه طبعا اتفضلي، عرفتي منين اني صاحي ؟
ام زياد: صوتك وانت بتفتح الشباك ،ايه اللي صحاك دلوقتي لسه بتفكر فيها برضو؟
زياد: بفكر في مين؟ ثواني ... انتي عرفتي ازاي ولا منين ؟؟؟؟
ام زياد: ههههه انا ام اعرف امتى ابني بيحب وشكلها واخده عقلك خالص.
زياد: بصراحة اه مش عارف اقولها ولا حتى عارف اتكلم معاها هي بتتكلم معايا زيي زي اي حد بس انا مبعرفش اتكلم الكلام معاها صعب اوي ياماما، عارفة لما تكوني بتحبي حد مبتعرفش تفكري في حد تاني بيبقا واخد كل تفكريك بس مش عارفه تسيطري على التفكير داه، انا مش عارف والله يا امي غير ان مش عايز ابص لغيرها.
ام زياد: ههه حبيبي لو بتحبها او عايزها ممكن نخلي الموضوع رسمي وهاجي معاك.
زياد: انا معرفش اصلا يا ماما هي بتفكر فيا ازاي ولا شايفاني ايه ولا انا ايه بالنسبالها معرفش عنها حاجه وحاسس انها بتحب حد تاني يعني.
ام زياد: متقلقش ياحبيبي هتعرف تقولها خليك على طبيعتك متحاولش تتصنع حاجه عشان تعجبها وان شاء الله اللي فيه الخير ربنا يقدمهولك، انا هكمل نوم انا بقا يلا تصبح على خير.
**************
•خالد صحي على اذان الفجر كلم محمود وزياد ينزلوا يصلوا الفجر في الجامع ويجهزوا حاجتهم عشان يمشوا ومنار وبسمة كانوا جاهزين من بدري مستنين فون من خالد كل واحد كان متشوق للرحلة دي الكل كان معتبرها رحلة استكشافيه اكتر ما هي رحلة عشان يخلصوا المشروع •
•خالد جاب التاكسي والكل ركب منار اتأخرت•
بسمة: انا هطلع اشوف منار اتأخرت ليه .
محمود: بسرعه طيب عشان نلحق الدكتور قبل ما يخرج من البيت.
•بسمة طلعت لقيت منار بتعيط•
بسمة: بتعيطي ليه.
منار: مش عارفه انهو بلوزة احلى البينك ولا الموڤ.
•بسمة وقفت متنحة: انتي متخلفه صح ولا شكلك كدا انتي مش قايلة انك جاهزه من بدري ناديلي امك.
منار: ماما نايمه.
بسمة: تعالي بهدوم البيت يامنار انتي بتستهبلي.
منار: لا طبعا هدوم بيت ايه هيقولوا عليا ايه هدخل ألبس بسرعه ،بس مقولتيش البينك ولا الموڤ؟.
بسمة: اسود يامنار إلبسي اسود.
منار: بومة اعوذ بالله.
******
محمود: البنات أتأخروا اوي.
خالد: بنات يامحمود وانت عارف منار تعدل شعرها الميكاب بتاعها .
محمود: الهوانم اهم.
بسمة: اتفضلي يا أستاذه ادخلي.
منار: طيب براحة.
خالد: خلاص يا بنات.
بسمة: ايوه خلاص اطلع.
*******
•وصلوا عند بيت الدكتور واستنوا الدكتور يطلع من البيت عشان يمشوا وراه الدكتور خرج وفضلوا ماشيين ورا عربيته من غير ما يشوفهم ونزل وخاد شنطه وركب الباخره هم استنوا شويه ونزلوا وحجزوا التذاكر ودخلوا وفضلوا ورا الدكتور وحريصين جدا ان الدكتور مش يشوفهم فضلوا مراقبين الدكتور طول الخمس ساعات بتوع السفر عقبال ما يوصلوا المدينه زهقوا وكل واحد قال هريح شويه بس خالد فضل مراقبه ويشوف تحركاته عشان ميفوتش حاجه•
•الباخره وقفت والكل نزل والدكتور احمد فضل مستني مسعد عشان ياخده للفندق ،مسعد جه وخاد الدكتور وخالد خاد تاكسي هو وصحابه ومشيوا ورا الدكتور عربيه الدكتور وقفت ونزل هم استنوا شويه بس خالد نزل وراه عشان يعرف هيروح انهو فندق ويحجز اوضتين ليهم فضل ورا الدكتور لغايه فندق ساند دخل على الريسيبشن خاد المفتاح وطلع خالد دخل بعده حجز اوضتين اوضه له ولمحمود وزياد واوضه لمنار وبسمة•
•خالد حجز وخرج لصحابه ودخلوا كلمهم وكل واحد دخل اوضته وناموا شويه عشان يبقوا فايقين للجزيرة•
•خالد النوم اتسحب لعينيه فجأة ودخل في نوم عميق محمود وقف يشرب سيجاره في البلكونة وزياد نزل يتمشى شويه•
*********
•زياد وهو خارج شاف الدكتور احمد خارج من الاوضه مشي وراه من هدوء عشان مش ياخد باله، الدكتور كان معاه شنطه صغيره اكيد عشان يكشف على المقبره هناك زياد فضل وراه لخارج الفندق ،الدكتور دخل عربيه وبيسلم على راجل باين انه يعرفه داه دكتور موسى اللي كلمه ،زياد فضل ماشي ورا العربيه ،العربيه مكنتش ماشيه بسرعه بسبب تعرجات ومطبات الطريق لغايه ما وصلوا لمكان فاضي على شط البحر وركبوا مركب زياد شاف على مرمى البصر شجر كتير وشط بس بعيد اوي اوي اكيد دي الجزيرة زياد جري على الفندق وصحى خالد بسرعه•
*********
•زياد بيشد خالد من ع السرير: خ..خالد اصحى يا... ياخالد اصحى إلحق.
خالد: انت يابني ادم مبتعرفش تصحي حد في حد يصحي حد بالمنظر داه!.
زياد: انا اسف.
خالد: ايه يابني في ايه مالك؟
زياد: نزلت أتمشى شويه لقيت الدكتور احمد خارج من الاوضه ومعاه شنطه فضلت وراه لغايه ما ركب عربيه ونزل عند شط بحر بعيد عن هنا وركب هو والدكتور موسى مركب صغيره للجزيرة.
خالد: انت بتهزر صح روح شوف محمود فين بسرعه وانا هكلم بسمه.
*******
•خالد قعد يرن على بسمة كتير مش بترد ومنار فونها مقفول خرج من اوضته قعد يخبط على أوضتهم جامد اوي منار فتحت•
منار: ايه يابني في ايه اكيد نايمين.
خالد: انتي وبسمة تلبسوا بسرعه عشان هنروح الجزيرة حالا.
منار: طب كمان شويه ياخالد ملحقتش انام.
خالد: خشي إلبس وانتي ساكته وصحي التانيه اللي ف غيبوبه دي.
•منار بعوجعه لسان: حاضر ياخويا.
*********
•الكل دخل يجهز نفسه ويستعدوا للقاء مافي الجزيرة وخالد الحماس واخده اوي وكان عايز ينط للجزيرة ساعتها بسبب الفضول، كل واحد جهز نفسه واستعد لمواجهه اللي هناك بس محدش عارف حقيقه اللي هناك ومحدش خاد باله من رهبه الدكتور وهو بيكلم دكتور موسى في الفون محدش خاد باله من تفاصيل لا غنى عنها ياترى ايه اللي هيلاقوه هناك•
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
