•في ظل هدوء المقبره والكل بيدور على اي كتاب للمك في هدوء تام قطع الهدوء منار وهي بتعيط ومش قادره تاخد نفسها الكل جري عليها•
بسمة: في يا منار ايه اللي حصل؟
منار: مح..محمود...
•الكل بص على محمود كان واقع على الارض وبيتكلم زي ما يكون بيتكلم مع حد•
زياد: خالد هات كدا اول كتاب مسكته بتاع الكاهن داه.
خالد: اه اتفضل.
زياد: بص محمود بيقول نفس الكلام اللي مكتوب في الكتاب.
خالد: طب هي الساعه كام؟
بسمة: ٥ونص .
خالد: يالهوي الشروق قرب يعني لو اللي الكتاب بيقوله صح قدامنا يومين نشيل فيها الإسورة.
زياد: طب محمود هنعمل فيه ايه؟
بسمة: احنا مش هينفع نسيب الجزيرة ومحمود كدا محمود مش هينفع يجي معانا ولاحظ ان احنا على لحم بطننا من ساعت ما جينا.
خالد: اللي بتقوله بسمه صح... اسمعوا انا هقعد هنا مع محمود انا وبسمة ،منار انتي وزياد تروحوا تجيبوا اي حاجه ناكلها تكفينا لآخر اليوم لو هنطول هنا لغايه ما نشوف صرفه في محمود.
منار: خا...خالد محمود فاق.
•خالد قرب من محمود وحط ايده على كتفه وفضل ساكت شويه•
خالد: محمود انت كويس؟
محمود: خالد ان...انا عاوز انام.
خالد: طيب نام ياحبيبي من حقك.
•محمود فرد جسمه ونام بعمق اوي زي مايكون متخدر او واخد بينج كلي مكنش حاسس بحاجه وداه غير طبيعه محمود لان محمود نومه خفيف جدا بيصحى من اقل حاجه، خالد فضل معاه هو وبسمة ،ومنار وزياد راحوا يجيبوا اكل ليهم ،وهم خارجين خالد بينادي على منار•
خالد: بصي ابقي هاتي اي حاجه نغطي محمود بيها عشان شكله في سابع نومه خالص ومش هيصحى بدري.
منار: هبقا اشوف حاضر.. يلا يازياد.
**********
•زياد ومنار خرجوا من المقبره وحطوا طوبة بين الباب والحيط عشان ميتقفلش ومشيوا لغايه الشط خادوا مركب صغيره لشط المدينه تاني واتمشوا للفندق في سكوت تام، قطعت السكوت داه منار طلعت مرايه من شنطتها وقعدت تبص لنفسها في المرايه تظبط شعرها وهدومها وتشيل الشوك من البنطلون مكان الشجر وزياد ماشي جنبها ساكت وباصص في الارض منار كانت هتعدي الطريق وعربية كانت هتخبطها زياد شدها بسرعه ورجع تاني•
منار: وااااو رد فعلك سريع جداً.
•زياد اتكسف ومردش وفضلوا ماشيين زياد عايز يفتح موضوع معاها بدل السكوت داه مش عارف فجأة منار قطعت افكاره•
منار: بقولك ايه ما نجيب إندومي.
زياد: لا الإندومي مضر بالصحة ويجي...
•منار قاطعت زياد: وبيجيب سرطان وامراض كتير والجو داه خلاص مش هجيب.
منار: يالهوي انا نسيت اكلم ماما.
زياد: الساعه ٦ الا ربع تلاقيها لسه نايمه كلميها لما الشمس تطلع شويه تكون صحيت كدا.
منار: ابقا فكرني بليز عشان بنسى.
•زياد في سره: لو انا افتكرت اصلا.
منار: ايه رأيك نجيب جمبري نفسي في جمبري اوي.
زياد: ههه اللي انتي عايزاها بس منتأخرش عشان خالد ميزعقش.
************
•خالد فضل جنب محمود متحركش ،وبسمة بتلف في المكتبة بتدور على اي حاجه عشان تساعد محمود ،الكل زعلان على محمود حالته بتدهور اوي ومش عارفين يعملوا حاجه•
خالد: امسك نفسك ياصاحبي أياً كان اللي في عقلك فهو بيحاول يسيطر عليك متديلوش الفرصة يامحمود متسمحش لنفسك تبقا زي الملك.
•خالد زعلان اوي على صاحبه وبسمة وقفت جنب خالد وبدأت تهدي تفكيره عشان ميفلتش منه ويعرف يفكر•
**********
منار: بص يا زياد انت هتجيب الأكل وانا هرجع الفندق اشوف اي حاجه لمحمود ومهدء قوي عشان لو قام وفكر يتغدى بينا.
زياد: يتغدى بينا!!
منار: اه يتغدى بينا اللي هيخليه يتحول للملك اللي كان بيشرب دم الناس مش هيخليه ياكلنا.
زياد: اه طيب روحي عشان منتأخرش.
*********
•منار راحت الفندق وهي طالعه لمحت الدكتور احمد نازل بسرعه ومعاه نفس الشنطه اللي كان واخدها لما راح المقبره وشويه ورق معاه، منار كلمت زياد بسرعه•
منار: ما ترد بقا ... ايوه يا زياد إلحق الدكتور احمد نازل وشكله رايح على الجزيرة كلم خالد بسرعه قوله يستخبوا في اي حته.
زياد: طيب حاضر تعالي انتي بقا من غير ما الدكتور يشوفك.
منار: لسه مجبتش الحاجه هطلع بسرعه.
زياد: منار متتأخريش.
•زياد اتصل بخالد: خالد استخبى انت وبسمة ومحمود بسرعه دكتور احمد جاي دلوقتي واكيد معاه فريق الاستكشاف.
خالد: ماشي يا زياد وانتوا لما تيجوا متدخلوش المقبره استخبوا في الشجر عشان محدش يشوفكوا.
***********
•خالد بيدور على مكان يستخبى فيه هو وبسمة ومحمود بس هيستخبوا فين الفريق لو جه مش هيسيبوا مكان غير لما يشوفوه هيستخبى فين يا ترى... اول حاجه جات في بال خالد انه يشيل الطوبة اللي حطها زياد على الباب وهو خارج عشان يعرفوا يدخلوا تاني وقفل الباب ، ويبلف حوالين نفسه هيعمل ايه ،وبسمة تايهه هتعمل ايه كلهم قلقانين ان حد ممكن يشوفهم ومحمود لو صحي وبدأ يعمل حركاته الغريبه دي خالد هيعمل ايه ساعتها..!•
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
