دكتور احمد: موسى انا عرفت الترجمة وحاجه مش مبشرة ،انت فين ؟؟
دكتور موسى: انا جايلك حالا اصلا استناني عند الفندق.
دكتور احمد: موسى مش هينفع نفتح المقبرة..
•دكتور موسى قاطع الدكتور احمد: احمد هنروح هناك ولما نوصل يبقا يحلها ربنا.
دكتور احمد: يا موسى انت مش فاهم.
دكتور موسى: احمد وحد الله وانزل انا مستنيك.
*********
•منار طلعت اوضه محمود خادت جاكيت من عنده عينيها لمحت دفتر صغير شكله شدها لقيت زياد بيتصل بيها خادت الدفتر وخبته في شنطتها ومشيت•
منار: ايوه يا زياد نازله اهو.
زياد: بسرعه طيب.
•منار دخلت اوضتها جابت مهدء لمحمود ونزلت بسرعه•
منار: جبت الأكل؟
زياد: اكيد يعني.
منار: طب انا عايزه عصير واكيد الغلبانين اللي هناك عاوزين عصير برضو.
زياد: منار مش وقته ،خالد هناك ومش عارف يعمل ايه ممكن ننجز.
منار: طيب بس هجيب عصير برضو.
زياد: ماشي يامنار.
********
•خالد بيلف المقبره يشوف فيها اي مكان يستخبوا فيه بسرعه لقى فتحة صغيره في حيطه في ضهر المقبره زي باب صغير اللي يدخل المقبره مش هيلاحظها بس دي مش هتكفي ليهم هم التلاته طب هيعمل ايه•
خالد: بسمة تعالي هنا بسرعه.
بسمة: ايه لقيت مكان!
خالد: اه ادخلي في الفتحة دي.
بسمة: بس دي يا خالد مش هتكفينا احنا التلاته.
خالد: ادخلي وانا هتصرف بس خدي حاجاتنا كلها معاكي واقفلي التليفونات.
بسمة: بس ياخالد....
•خالد قاطع بسمة: بسمة مش وقته الدكتور في الطريق ادخلي ومتعمليش صوت.
بسمة: طب انت هتروح فين؟
خالد: عندي فكرة.
بسمة: تكون فكرة عاقله بالله عليك.
خالد: متقلقيش.
•خالد قفل الباب على بسمة وكان عنده فكره عشان يخبي محمود دخل باب من بوابات المقبره اللي فيها توابيت الكهنه ،خالد داس على الارض مكان ما داس اخر مره عشان يطلع التابوت من الارض ،التابوت طلع وخالد فتحه ولحسن الحظ التابوت كان كبير -الناس زمان كانوا عمالقة- دخل محمود التابوت وقفل عليه والتابوت رجع تحت الارض تاني وخالد قفل الباب كويس وقعد يلف في المقبره عشان يشوف مكان عشان هو يستخبى ،بس كل الأماكن مكشوفه وهتبان ولو دخل تابوت زي اللي حط فيه محمود مين هيطلعه مهو محدش يعرف انه هيدخل فهيطلع ازاي؟؟؟؟؟•
*********
دكتور موسى: ايه ياجماعة استاذ فاروق فين؟
واحد من الفريق: جاي في الطريق حالا.
دكتور موسى: ايه يا احمد بقا ايه حكايه النقوش.
دكتور احمد: من فتره في سنه من سنين شغلي في الكليه كان فيه دكتور معايا في نفس القسم كان اكبر مني وعنده خبرة يعني اكتر مني بكتير في حكايه الكتابه المصريه القديمة ،وكان عنده خبره بكل العصور اللي عديت في مصر ،في مرة في ناس جات الكليه طلبوه انا كنت في شبابي ساعتها ف كان فضول الشباب طاغي عليا وكنت بدور وراه دايما ،الناس اللي جات كان فريق استكشافي لمعبد بعيد عن هنا كان تقريبا خارج البلدة والدكتور راح هناك معاهم في الاول مكنش موافق بس وافق بعد إلحاح كبير منهم ،وراحوا بعدها بس الغريبه ان الدكتور مرجعش كل اللي في الكليه استغرب ،الدكتور قال أسبوع وراجع بس مرجعش من ساعتها فضلت ورا حكايته لغايه ما عرفت ان الفرقه اللي راحت بعدهم عشان تدور عليهم لقيت الدكتور واقف قدام حيطة وبيكلم حد وأنه راح مصحة عقليه ف روحتله ،كل اللي هناك كان خايفين يوصلوني لغايه اوضته ،ممرضة منهم قالتلي هقولك الاوضه فين بس هتروح لوحدك ،ودخلتله كان وشه شاحب مع العلم ان الدكتور داه كان مالك نفسه وكان جسمه رياضي اه كان كبير في السن بس كان محافظ على صحته، اللي شوفته هناك داه كان حد تاني لا يمكن يكون هو ،وشه اصفر ،ومسحوب ،وعينيه دايما سرحانه ،مكانش واخد باله اني موجود ،لما خاد باله قرب مني زي ما يكون بيستنجد بيا من حاجه ،قالي انت احمد اللي معانا صح ايوه انت ،وقعد يحكيلي على اللي حصل في المعبد مخادتش في كلامه اوي بصراحة بس اداني ورقه كان كاتبها وهو في المصحة كان فيها رموز زي اللي على المقبره وقالي انه في مقبره الناس هتكتشفها وهينادوك عشان انت اللي تروح تشوفها ،انت اللي عندك خبرة بعدي ،هينادوك وهتلاقي عليها نفس الكلام داه ،يا احمد انا بحذرك ،وهو بيكلمني كل شويه يبص حواليه ،مخادتش اوي بكلامه أني انا اللي هروح فعلا ،وقالي متدخلش ومتحاولش تفتحها، والكلام اللي في الورقة يا موسى هو فعلا اللي على المقبره ،انت مشوفتش كان بيتكلم ازاي زي ما يكون كان عارف كل حاجه هتحصل.
دكتور موسى: احمد انا ميفرقش معايا كل داه أياً كان هو ايه ،المقبره هتتفتح وانت هتكون معانا والمبلغ اللي اتفقنا عليه هديك ضعفه.
دكتور احمد: الموضوع مش موضوع فلوس صدقني ،انت لو كنت مكاني هناك هتترعب من منظره وهو بيتكلم اصلا.
دكتور موسى: احمد خلاص الموضوع خلص ..فاروق افتح المقبره.
**********
•تقريبا داه كان سبب خوف دكتور احمد وعدم موافقته في الاول انه يروح المقبره ،ودكتور موسى مخادش بكلامه وهيفتحوا المقبره ،ودكتور موسى الجلاله وخداه على المبلغ اللي هياخده لو اكتشف حاجه في المقبره ،ودكتور احمد مرعوب من اللي ممكن يحصل ،وخالد لسه بيلف في المقبره على مكان عشان يستخبى فيه ،ومنار وزياد مش هينفع يدخلوا والناس هناك ف هيروحوا يستخبوا بين الشجر عشان محدش يشوفهم..•
أنت تقرأ
مقبرة أيلاند
Aventuraفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
