خالد: بصوا لقيت ايه!!!
زياد: مش معقول ايه داه بجد!!!!
بسمة: ايه لقيت ايه ؟
خالد: زياد انت عارف ايه داه؟
زياد: داه كتاب كاهن كان كاتبه بعد ما المقبره دي اتعملت بفتره كبيره وكتبه قبل مايموت سمعت ان هو عاش فتره كبيرة في الجزيرة دي وان الجزيرة دي كانت مدينه اصلا كبيرة جدا كان بيجلها الناس من جميع الأماكن عشان ياخدوا بركة الملك بتاع المدينه عشان يعفوا عنهم.
محمود: يعفوا عنهم ازاي قصدك ايه!!
زياد: ا..اصل الملك داه كان ظالم جدا جدا سمعت انه كان أسوأ من عهد دراكولا كان مسيطر على نص بقاع الارض مفيش ارض محتلهاش مفيش ارض مموتش أهلها قبل ما يدخل فيها ،اللي يعارضوا كان بيسيبه سايح في دمه في نص الشارع قدام الناس والناس كانت بتخاف منه ياما قتل أطفال ونساء وشيوخ ورجال.
محمود: طب.. طب انا خوفت كدا وعاوزه اشيل البتاعه دي من ايدي.
خالد: يعني الكتاب داه بتاع الكاهن اللي عاش عصر الملك طب وانت عرفت ازاي كل داه؟
زياد: من فتره كبيرة من قبل ما ندخل الكلية كنت بحب اقرأ في الحاجات دي وخاصة الرموز وترجمتها والكتابه المصرية القديمة وقرأت من الصفح اللي كنت بقرأها على النت ان في معبد أُكتشف في مكان بعيد عن هنا او خارج البلدة غالباً معبد كان فيه كتابات برضو كتير كدا ،اللي راح هناك مجموعه للاستكشاف بس راحوا مرجعوش ،راحت فرقه تاني وراها تدورعليهم لاقوا واحد بس اللي باقي منهم واقف قدام حيطة وبيتكلم كلام مش مفهوم كأنه بيكلم حد او حد بيوجهله أوامر بس كان عقله مسحوب منه ودخل مصحة ولغايه دلوقتي فيها، الممرضين كانوا خايفين انهم يدخلوا الاوضه عشان ياخد العلاج.
بسمة: ايوة وبعدين ايه اللي حصل؟
زياد: النقش اللي شوفته في الصور كان نفس النقش اللي على الكتاب داه ونفس الكلام وكانت الفرقة اللي راحت عرفت تترجم الكلام اللي في المعبد ،والمعبد داه كان لنفس الكاهن اللي كتب الكتاب داه وكان مكتوب ان في كتاب مكتوب فيه طلاسم لحمايه الدخلاء من المقبره نفسها زي مايكون المقبره فيها حاجه الكاهن مش عايز حد يقربلها والناس قعدوا يدوروا على الكتاب كتير اوي ملقوش اثر للكتاب داه وأهو الكتاب بين أيدينا ومنصحش بصراحة ان احنا نتدخل اكتر من كدا.
محمود: هه نتدخل ايه انا عايز اشيل البتاعه دي من ايدي اتصرفوا.
منار: طب وهنعمل ايه دي زي ماتكون جزء من أيد محمود داه لو هتتشال أيد محمود هتتقطع.
محمود: تت... ايه ياختي لا اتصرفوا مش هفضل كدا.
بسمة: طب ممكن يكون في الكتاب حل او طريقة نشيل بيها الإسورة من ايده.
***********
•خالد فتح الكتاب لحسن الحظ انه فهم الكلام او معظمه وحاول يترجمه وقعد يقرأ وشاف صوره الإسورة في الكتاب وجنبها تحذيرات ان محدش يقربلها ولا حد يفكر يلمسها كانت الإسورة دي للملك الظالم كان دايما لابسها ومكتوب برضو انه عاش سنين كتير اوي وشكله متغيرش ولا كان يبان عليه انه كبر في السن كان مُعمر في الارض بس الناس زهقت من طريقته ومعاملته وهوسه بحكم الارض والناس كافة، ف مره واحد من الخدم حاطله سم في المشروب بتاعه كان بيشرب دم البني آدمين !!! كان حيوان آدمي بكل المقاييس، بس السم مجابش نتيجة ودبح الخادم وكان مستمتع بطريقه غبيه بقتل الناس... في ناس حقيقي ممكن توصل لكده بجد انهم يستعمروا بتعذيب الناس؟؟ ... كان الملك لا يقهر ملهوش ند في الارض ،الناس بقيت تهون عليها نفسها بيموتوا نفسهم قبل ما الملك يموتهم بطريقه بشعه ومتوحشة، أطفال بقوا يتامى ،والنساء بقوا أرامل ،والشيوخ بيتعذبوا الناس مش عارفه تعمل ايه... الكاهن داه كاهن الملك كان بيقرأله الفنجان زي العرافيين والدجالين وفي مره الكاهن مرضاش يقرأله الفنجان لأسباب مجهولة الملك غضب منه غضب شديد وأمر بإعدام الكاهن ودفنه تحت المعبد .. -خالد جه في باله انه اكيد المعبد اللي الفرقه اكتشفوها-.. الكاهن قبل ما يموت كتب الكتاب داه ووصيته ان محدش يحاول يفتح الكتاب واللي يفتح الكتاب ميحاولش يدور ورا الإسورة .. الإسورة لعنه ..اللي تمسكه اللعنه دي هيتحول لنفس الملك الظالم هيبقا لا يقهر ومحدش هيقدر عليه مفيش طريقة عشان الإسورة تتشال غير انه يقطع ايده قبل ما الإسورة تسيطرعلى عقله داه لو ملقوش حل يشيلوا بيها الإسورة ويبقا اسير الإسورة دي طول حياته او يتعدم!! خالد وقف عند كلمه يتعدم ومش عارف هيعمل ايه لمحمود .. كمل قرأة الكتاب عرف ان في بدايه لبس الإسورة هتبدأ تتحكم فيه ،في مشاعره ،في تصرفاته ،في أفكاره ،في شخصيته ،في كل حاجه اقلها قبل ما يتحول لإنسان متوحش لا يقهر ؛من شروق شمس يوم لبس الإسورة إلى شروق شمس تالت يوم وهيبقا انسان فتاك محدش هيقدر يقف ويبقا ند له..•
*************
•خالد اتنهد تنهيده مليانه قلق وخوف ورعب ومشوش مش عارف يفكر هل هيعمل ايه مع محمود مش عارف هيعمل ايه وف نص تفكيره محمود وقع وعينه رجعت بيضاء تماما تاني ويتشنج ويلف برقبته زي ما يكون بيحارب حاجه جوا عقله حاجه عايزه تسيطر عليه عينه تسود وتبيض كل شويه بسمة ومنار بيحاولوا يفوقوه وزياد واقف في ركن خايف من اللي هيحصل وخالد واقف ساكت مش عارف هيعمل ايه في صاحبه عشره عمر سنين طويلة هل خالد هيقتل صاحبه ولا هيلاقي حل انه يشيل الاسوره قبل ما صاحبه يتحول ولا هيعمل ايه...؟•
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
