مقبرة أيلاند

Part 17

استاذ احمد: اعتقد ان احنا ريحنا كتير كدا ،عايزين نلحق صاحبك.
خالد: بقيت الفريق فين، استاذ رمضان وأستاذ طارق؟
استاذ احمد: في المدينه التانيه بعيد عن هنا.
خالد: ودي هنروحلها ازاي؟
استاذ احمد: المسافه من هنا لهناك حوالي اربع او خمس ساعات مشي.
زياد: كتير اوي كل داه من وقت محمود، مفيش طريقه اسرع؟
بسمة: قولتلكوا نهجم على عربيه من العربيات اللي كانت بتدخل المدينه، ونلبس لبسهم ،ونروح المدينه .
منار: ايه حكايتك ان احنا نهجم على عربيات.
بسمة: مفيش حاجه ف دماغي غيرها، اعمل ايه يعني ،لو عندكو افكار اتفضلوا قولوا.
خالد: برجح فكرة بسمة.
محمود: بسمة بتقول ايه؟
زياد: ششش كمل نوم انت.
خالد: نستنى اي عربيه تخرج من البوابه ،وناخدها ونروح بيها المدينه التانيه.
زياد: طب احنا ف عصر الملك زي ما انت ما بتقول يا استاذ احمد ،امال هو فين؟
استاذ احمد: انا بقالي هنا اربع سنين، مدخلتش غير ١٥ مدينه من اصل ٣٥ ،والملك قاعد في مدينه الشمال محدش بيتجرأ يروحلها ،والمدن هنا زي المحافظات بس اقل في المساحة بكتير ،وكل مدينه ليها حاكم، بس الملك اللي بيوجهه، ف حكام المدن بتوع الشرق طيبين اوي ؛عشان الناس هناك فقراء وغلابه ،واحنا ف مدينه من مدن الشرق، وبالنسبة لبقيت الفريق فهم ف مدينه من مدن الغرب ،وبعيده عن هنا زي ما قولتلك اربع او خمس ساعات من هنا.
خالد: طب احنا ف مدينه ايه ولا دوله ايه دي؟
استاذ احمد: معرفش بصراحة بس كل اللي بسمعه كلمه أيلاند، مدينه أيلاند اللي قاعد فيها الملك، لكن بقيت المدن معرفش أساميهم ،واساميهم غريبه صعب ان الواحد ينطقها اصلا.
زياد: طب لما نلاقي بقيت الفريق، هنعمل ايه بعدها؟
استاذ احمد: هنروح مدينه أيلاند.
زياد: عشان نموت صح.
استاذ احمد: الملك داه عاش سنين كتير جدا ،واحنا ف اخر سنه عاش فيها الملك ،يعني كلها شويه كدا والبلد كلها هتقلب عليه وهيتدفن في المقبره بتاعت الكاهن اللي هو بناها.
•خالد اول ما سمع مقبره الكاهن جات في دماغه ان هو يروح هناك هو وصحابه يمكن يلاقي فيها نفس المرايا ويروح بيته•
خالد: طب وهي المقبره دي فين؟
استاذ احمد: على حدود مدينه أيلاند.
زياد: ممم يعني بردو في مدينه الملك.
بسمة: عربيه خرجت اهي ها هنعمل ايه؟
خالد: هنعمل اللي قولتي عليه، هنهجم عليها وندخل بيها المدينه التانيه.
منار: بتهزروا.
خالد: صحوا محمود يلا بسرعه عشان نلحقهم.
•خالد هو وأستاذ احمد وزياد وقفوا قدام العربيه، الراجل عمال يشاورلهم يبعدوا من الطريق وهم واقفين ،واحد من اللي راكبين نزل وقعد يكلمهم طبعا هم مش فاهمين ،بس فضلوا واقفين برضو ،والكل نزل من العربية بس بسمة ومنار ومحمود كانوا واقفين ورا العربيه ،اول ما الكل نزل هم ركبوا على طول ،وبعدها خالد وزياد وأستاذ احمد جريوا وركبوا بسرعه ومشيوا بالعربيه •
زياد: اخيرا.. لما ندخل بقا انت عارف بقيت الفريق فين؟
استاذ احمد: مش عارف اخر مره كانوا مسجونين مشوفتهومش من سنتين من ساعتها.
خالد: اه يعني لسه مشوار عقبال ما ندور عليهم.
•محمود همس ف ودن خالد: خالد بص.
خالد: ايه داه؟
محمود: مش عارف بس العروق كلها كدا ،بقيت سودا.
•خالد بص في عين محمود بس لقاها سودا، مع ان عين محمود عسلي•
خالد: بقولك ايه يا احمد معلش تسرع شويه.
استاذ احمد: احمد كدا حاف.
منار: لا بالجبنة.
بسمة: انتي بتهزري ماتلمي نفسك، الواد بيموت.
خالد: مش وقت رسميات، عايزين ننجز الشمس بدأت تطلع فاضل يوم واحد عايزين نلحقه قبل بكرا.
•زياد لمح معبد على جنب الطريق بس بعيد•
زياد: ايه اللي هناك داه؟
استاذ احمد: داه معبد من معابد الكهنه اللي في البلد، كل كاهن له معبد خاص بيه ،بيعمل فيها الطقوس بتاعته والصلاة والكلام داه.
زياد: ومعبد كاهن الملك فين؟
استاذ احمد: ههه في الشمال بردو.
زياد: رايحين للملك لا محالة يعني.
خالد: اقف هنا بس كدا هاخد شويه مايه من البركة اللي هناك دي بسرعه.
•خالد راح هناك المياه كانت عذبه جدا ،ومن كتر النقاء بتاعها كان شايف نفسه فيها زي المرايا، خاد شويه منها بس خاد باله ان فيه حاجه بتلمع في البركة ،مد ايده لقى حاجه زي الميدالية بس كانت من دهب، حطها في جيبه ورجع تاني ،وأستاذ احمد كمل الطريق للمدينه •
********
دكتور احمد: فاروق في حاجه كانت هنا في الصندوق هي فين؟
استاذ فاروق: لا مفيش احنا لقيناه كدا.
دكتور احمد: متأكد مفيش حاجه وقعت منه وانت مخادتش بالك ،اصله مجسم من جوا اوي زي ما يكون في حاجه جوا.
استاذ فاروق: لا مفيش حاجه وقعت ،هو كان فاضي لما فتحته.
استاذ موسى: واحد من العمال دخل اوضه من الاوض اللي جوا وفجأة لقى تابوت بيطلع من الارض بس كان نصه مفتوح يا دكتور.
دكتور احمد: هبقا اروح اشوفه ،بس نشوف ايه حكايه الصندوق داه.