•خالد اول ما شاف الراجل اللي معاهم في السجن اترعب لما شاف الإسورة قرب منه بهدوء•
خالد: انت مين؟
استاذ احمد: انا احمد من فريق الاستكشافي اللي كنا في المبعد من كام سنه.
•زياد قام وقرب منهم•
زياد: انا عارف انا شوفت الشكل داه فين، دي الدنيا مقلوبه بسبب الفريق اللي اختفى داه ،ايه اللي حصل في المعبد ؟وجيت هنا ازاي؟ والباقي فين؟
استاذ احمد: انا والفريق سمعنا ان فيه معبد موجود في مكان بعيد عن الأنظار ،ومحدش راحوا، خدت طلب انا وهم ان احنا نروح هناك نستكشف المكان، كنا اربعه انا وأستاذ طارق وأستاذ حامد وأستاذ رمضان، دول اللي كانو معايا، كان منهم دكتور جامعه كان استاذ حامد ،كان دكتور كبير وممتاز ف الآثار ،دخلنا المعبد ملحقناش نعمل حاجه ،واحد مننا دخل مرايا في الحيطه مش عارفين ازاي ،دخلنا وراه ما عدا استاذ حامد فضل بره كان سامع صوت بيقوله متدخلش ،وفعلا مدخلش، بس الفضول اللي دخلنا المكان داه ،بس مدخلناش هنا كنا في مدينه تانيه بعيده عن هنا بكتير ،لفينا المكان كله على مدار السنين عشان نلاقي مكان نروح منه مكان ما جينا بس ملقناش.
خالد: اشمعنا انت بس اللي هنا الباقي فين؟
استاذ احمد: الاتنين التانيين اتمسكوا في المدينه اللي دخلنا فيها من المرايا ،وانا اللي لحقت اهرب بس اتمسكت وانا داخل هنا.
خالد: طب ليه اترعبت لما شوفت الاسوره اللي في أيد محمود؟
•استاذ احمد مسك في خالد جامد وهمس في ودانه•
استاذ احمد: انت متعرفش احنا فين؟
خالد: بصراحة لا.
استاذ احمد: انت في عصر اظلم ملك مر على التاريخ.
خالد: الملك صاحب الإسورة دي!
استاذ احمد: اه هي.
خالد: ايوه يعني بردو مش فاهم.
استاذ احمد: اكيد انت قرأت الكتب اللي في المقبره وعرفت الملك داه.
خالد: وانت تعرف المقبره دي منين؟
استاذ احمد: الكتب اللي في المعبد قبل ما ندخل المرايا ،كانت كلها بتقول نفس الكلام ان فيه مقبره لنفس الكاهن اللي بنى المعبد، وان الملك هيموت ،ولما يموت وصى الناس الملك يتدفن فيها والاسورة تتحط في صندوق، ويقفوله كويس ويبعدوه عن الناس.
خالد: انت بقالك قد ايه هنا؟
استاذ احمد: احنا سنه كام؟
خالد: احنا في سنه ٢٠٢٠.
استاذ احمد: انا بقالي هنا خمس سنين !!! خمس سنين يابني..خمس سنين بجري من مدينه للتانيه.
خالد: كانوا هيقتلوك ليه الناس اللي كانوا عند البوابه؟
استاذ احمد: كنت جعان مكلتش من يومين ،عديت على خيمة كانت فيها قدرة مايه وخبز وجريت ،والراجل شافني وفضل يجري ورايا ،وانا استخبيت وكلت كان الراجل اشتكى للملك بتاع المدينه دي ،ودوروا عليا عشان يقتلوني ،كويس يابني انك جيت ساعتها كان زمانهم قتلوني.
خالد: طب تعرف ايه عن الإسورة دي ؟
استاذ احمد: اعرف ان اللي بتمسك ايده مبتطلعش وانت اكيد قرأت الكتب اللي هناك اللي قالت كدا.
خالد: اه تقريبا .
استاذ احمد: مفيش حل للإسورة دي يابني ،محمود صابته لعنه ولازم يموت قبل ما يتحول ،هو لبسها امتى؟
خالد: لبسها النهاردا قبل الفجر.
استاذ احمد: قدامك لغايه شروق شمس تالت يوم لازم يموت لإما هيموتنا كلنا.
زياد: محمود مش هيموت ياراجل انت.
استاذ احمد: انت مش عارف داه ممكن يعمل فينا ايه.
زياد: لا مش عايز اعرف مش هموت صاحبي عشان أسورة.
خالد: اهدى يازياد مش هنعمل حاجه ف محمود، اكيد في حل ومش هنمشي من هنا غير ومحمود على رجله.
زياد: وهنعمل ايه طيب ؟
استاذ احمد: لازم نلاقي بقيت الفريق بتاعي، بس دول في مدينه بعيده عن هنا.
خالد: طب احنا هنخرج من هنا ازاي اصلا؟
استاذ احمد: هيطلعونا نشوف الملك هيحكم علينا بإيه، ومتقلقش الملك بتاع المدينه دي طيب اوي، ميغركش اللي حصل من شويه ممكن كان متعصب ولا حاجه ،بس صدقني حاول تتعامل معاه بلطف وممكن هيخرجنا.
زياد: طب هنتكلم معاه ازاي كلامهم مختلف ومش فاهمين منهم حاجه.
استاذ احمد: ممكن نكتب على اي حاجه والملك يشوفها.
خالد: نكتب ازاي مش فاهم؟
استاذ احمد: معاكو ورقه وقلم؟
بسمة: اه انا معايا دفتر وأقلام كتير.
استاذ احمد: طب هاتي طيب.
•استاذاحمد خاد الدفتر والقلم وكتب شويه حاجات كتير ووراها ليهم•
استاذ احمد: تعرفوا تقرأوا؟
زياد: ايوه ..مكتوب"إلى ملك المدينه العادل ألتمس منك العفو والرحمة"
خالد: كل داه بيقول الكلمتين دول.
•استاذ احمد خاد الورقة اللي كتب فيها الكلمتين دول واداهم للحراس اللي على السجن، واداهم ورقه كمان مكتوب فيها "إلى الملك" واحد من الحراس خادها ووداها للملك ،الملك سكت شويه وطلب من الحراس يجيب ال٦ اللي في السجن، خالد وصحابه وأستاذ احمد ،والملك شافهم وفضل باصصلهم شويه، وقالهم كلام وشاور للحراس يطلق سراحهم ،الكل مصدقش نفسه وخرجوا جري من المدينه ورجعوا الشط تاني اللي كان موازي للمدينه وفضوا هناك خادوا نفسهم واستريحوا •
منار: هنعمل ايه دلوقتي؟
زياد: هنرتاح هنا شويه.
خالد: استنوا احنا خرجنا بمحمود صح؟
زياد: اه كان خارج معانا من البوابه.
خالد: امال هو فين دلوقتي؟
بسمة: محمود هناك وقع عند البوابه شكله أغمى عليه هناك.
خالد: يالهوي تعالى يا زياد معايا.
•خالد راح هو وزياد شالوا محمود وجابوه عند الشط وقعدوا يفوقوا فيه لغايه ما فاق، كان سخن اوي خالد نزله المايه عشان السخنيه تنزل وجسم بقا معضم اوي•
بسمة: هنعمل ايه في محمود يا خالد كدا مش هينفع.
خالد: مش عارف يابسمة.
زياد: منار انتي مش جبتي معاكي مسكن لمحمود صح؟
منار: اه معايا اهو.
•محمود خاد المسكن وريح على الشط ،وزياد وخالد جنبه ،وبسمة ومنار مش عارفين يعملوا ايه ،وأستاذ احمد عايز يخرج بقيت الفريق بتاعه من المدينه، بما ان داه عصر الملك يبقا فين الملك نفسه؟ والكاهن؟ وهل فاضل لمحمود كتير قبل ما يتحول؟ اسئلة كتير بتدور في عقلهم بس مش عارفين يعملوا ايه•
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
