زياد: ايه داه؟
•خالد شد ايده جامد: والله مش عارف يا زياد.
زياد: طب هنعمل ايه عايزين نخرج من هنا.
خالد: قولتلك مش هنخرج دلوقتي.
بسمة: امال هنفضل هنا نعمل ايه ياخالد؟
خالد: هندخل هنا.
منار: ندخل فين..الحيطه دي ،انا مش هتزحزح من مكاني غير بره المقبره دي.
خالد: ششششش وطوا صوتكوا هم مخرجوش كلهم ولا ايه!
•زياد قرب من الباب براحة ووقف ورا باب المكتبه وبص برا لقى دكتور موسى في مدخل المقبره هو وأستاذ فاروق•
زياد: دول جايين هنا يا خالد هنروح فين؟
خالد: هقولكوا هنروح فين.
•خالد خاد محمود وقرب من الحيطه ودخلها بس مكنش باين بعد ما دخل ؛لأن الحيطة كانت زي المرايا مش زي الازاز ،الكل قام يشوف خالد وخايفين ، سمعوا صوت دكتور موسى بيقرب الكل خاف•
بسمة: هنعمل ايه هنروح ورا خالد ولا ايه؟
زياد: وراه بقا هنروح فين يعني ربنا يسامحه.
منار: ههه هندخل فين مش هعتبها....
•بسمة شدت منار: يا شيخة مش وقته واقفلي بوقك داه شويه.
•الكل راح ورا خالد ،واقفين في صحرا فاضيه مش باين حاجه ،زياد بص وراه ملقاش حاجه وراه خالص ،نزلوا من السما دول ولا ايه ،هيخرجوا منين؟؟ زياد يلف حواليه مش لاقي المكان اللي دخل منه!! •
زياد: خالد المكان اللي دخلنا منه هنا مش موجود.
خالد: طب هنعمل ايه انا مش عارف.
•محمود بدأ يفوق وقام واستعاد وعيه وبدأ يتحرك عادي ومستغرب من المكان اللي هم فيه •
محمود: احنا فين ياخالد؟
خالد: مش عارف يامحمود.
بسمة: طب ايه المكان داه؟
خالد: مش عارف، ممكن كفايه اسئلة نهدى شويه عشان نعرف كلنا نفكر ،انا مش هفكر لوحدي ،بس نمشي شويه من هنا عشان الشمس خلاص كلت دماغي.
*********
دكتور موسى: انا سمعت صوت ،انت مسمعتش حاجه؟
استاذ فاروق: لا مخادتش بالي.. المهم يا دكتور موسى هنكمل بليل عقبال ما دكتور احمد يريح دماغه شويه ويشوف الصندوق وبعدين نرجع نكمل هنا ،بس انا جايبك هنا عشان في حاجه لفتت نظري.
دكتور موسى: اتفضل قول.
استاذ فاروق: البوابات كتير هنا ،وغير البوابه بتاعت المكتبه، وانت مش ملاحظ ان المكتبه كبيرة زياده عن اللزوم وكمان الكتب اللي هنا بقالها قرون ليه لسه زي ماهي يعني مدابتش ولا حصلها حاجه ،ولو دكتور احمد بيتكلم صح والكاهن اللي بنى المقبره فين جثمان الكاهن اصلا؟؟؟
دكتور موسى: ملاحظات كويسة بس لازم دكتور احمد يكون معانا واحنا بنفكر في الموضوع داه..ايه اللي هناك ده؟؟
استاذ فاروق: في ايه؟
دكتور موسى: بنسة شعر هنا ودبوس !!!
استاذ: صدقني المقبره احنا فاتحينها قدامك ومحدش داخلها غيري انا وانت ودكتور احمد أياً كان داه ايه فهو مش مننا .
دكتور موسى: خلاص يا فاروق مش مهم... وانا هروح اقعد مع احمد نتكلم شويه.
********
محمود: انا دايخ مش قادر اقف.
زياد: طب اقعد اهدى كدا ..بسمة اديله اي حاجه ياكلها.
بسمة: اتفضل ياحودا سندوتش جمبري هيعجبك.
•خالد بعوجة لسان: حودا ممم طب يلا فكروا هنعمل ايه.
منار: ما نمشي شويه لقدام طيب ممكن نلاقي اي حاجه.
•خالد طلع الفون بتاعه لقى الساعه ١ ومفيش شبكة وساعه ايده مبتتحركش•
خالد: حد يشوف كدا الساعه كام؟
زياد: ساعتي واقفه.
منار: وانا برضو.
بسمة: وانا كمان.
خالد: مممم طيب نمشي لقدام نشوف ممكن نلاقي اي حاجه او اي مكان نقعد فيه.
•خالد وصحابه فضله ماشيين لقدام بقالهم اكتر من ساعه، منار تتعب تقف شويه تشرب ،بسمة بتكافح نفسها في الحر ،وخالد تعبان هو وزياد بيبدلوا كل شويه مين يسند محمود وهو ماشي ،الكل ماشي مش طايق نفسه حقيقي ،ومحدش طايق ان التاني يكلمه ،وفضلوا ماشيين مسافة طويلة، بعد ساعتين مشي خالد تعب وقع ع الارض من التعب لمح بعيد اوي سور عالي اوي ،نظرة خالد للسور كأنه لقى الفرج للكرب بتاعه ،فضلوا ماشيين يقربوا من السور داه وخلاص الكل اتهد من المشي محدش قادر يدوس خطوة كمان، زياد شاف بركة مياه موازية للسور قالهم يروحوا هناك يريحوا شويه ،الكل راح ناحيه المايه الاول يرتاحوا عندها وبعدين يعدوا السور دا•
منار: اخيرا يافرج الله.
•منار بدأت تغسل وشها بالمايه وتمسح أيديها ،وخالد قلع التيشيرت ونط في المايه مش قادر من الحر، وزياد وبسمة فضلوا قاعدين على الشط حطوا رجليهم بس، الكل ريح جسمه عندها شويه ومحمود نام تاني•
خالد: محمود ،محمود انت نمت؟
بسمة: شكله نام اه ،هنعمل ايه دلوقتي؟
خالد: نقعد هنا شويه وبعدين نحاول نعدي السور داه.
زياد: خلينا لغايه بعد ما الشمس تتكسر شويه.
خالد: طب انا هصلي الضهر قبل ما يروح تعالى يا زياد نصلي جماعه.
زياد: طب هنصلي على ايه.
خالد: ممم قلع محمود الجاكيت طيب نصلي عليه وكدا كدا الجو حر وهو اكيد مش طايق الجاكيت اصلا.
زياد: طب هنصلي ازاي احنا منعرفش القبلة.
خالد: نجتهد إن أخطأنا لنا ثواب الاجتهاد وإن أصابنا لنا ثوابين.
**********
•زياد خاد جاكيت محمود وصلى هو وخالد الضهر ،وبسمة ومنار قاعدين ع الشط بيتكلموا ومحمود نايم ... خالد قعد هو وزياد يتكلموا هيعملوا ايه وهيعدوا السور ازاي الكلام خادهم لغايه ما النوم اتسرب لعينيهم قُرب العصر وناموا شويه لغايه ما الشمس تروح ،ويقوموا يشوفوا ايه اللي ورا السور داه..•
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
