خالد: زياد احنا ضيعنا وقت كتير هنا اوي ،وكله راح على الارض ،ومحمود خلاص بيروح مننا ،ومنار هتتجوز ،والدنيا بايظه خالص اوي.
زياد: خالد انت مش قولت عندك فكرة ما تقول ايه هي؟
خالد: نسيب منار هنا ،ونلحق محمود ،وبعدين نشوف منار قبل ما تتجوز، اكيد مش هتتجوز في نص الليل ،عقبال ما النهار يطلع نكون خلصنا من محمود.
زياد: يعني ايه نسيب منار !!!
خالد: لا اله الا الله ،عشان كدا قولتلك مش هينفع اقولك ،ممكن تسمع وتفهم.
زياد: فهمني طيب.
خالد: احنا اول ما جينا هنا كل شويه نلف ،ومن مدينه لمدينه، ونسينا اصلا المرايا اللي دخلنا منها عايزين ندورعليها قبل الصبح.
زياد: يعني هنعمل ايه؟
خالد: دلوقتي لسه بدري على الفجر والشروق، نسيب محمود ومعاه بسمه واحمد وطارق ،وهنسيب منار هنا ،ونرجع ناخدها قبل النهار ،بس ننقذ محمود.
زياد: بس انا مش هسيب منار هنا مع رمضان.
خالد: شششش هتفضحنا اسكت، منار مش هنسيبها ماحنا لو خادناها دلوقتي والملك ورمضان دوروا عليها وملقوهاش هيقتلونا وانت عارف رمضان مش هيغلب.
زياد: انا بفكر بقا ناخد منار ومحمود وبسمة ونطلع ندور على المرايا كلنا ،مش هنروح ونسيب حد ورانا.
خالد: وهنطلع منار ازاي يا فالح؟
زياد: انت غبي ولا مبتشوفش !! منار هتنزل من الشباك.
خالد: واو بجد، انت عبقري ،امك اكيد كانت بتتوحم على أينشتاين.
زياد: ما تبطل استظراف بقا... بت يا منااار انتي يابت.
خالد: اكيد مش هتسمعك، علي صوتك ،دانت صوتك المره اللي فاتت كان هيصحي البلد ،وتقولي علي صوتك ،علي صوتك ،ازاي هتسمعك.
زياد: ممكن تخرس يا بني ادم انت وتفضل ساكت .. يا مناااااار... يااا...
منار: سمعت والله سمعت كنت مع الخدم يا غجر.
خالد: بتقولنا غجر يا زياد.
زياد: اعتذرلها دلوقتي يا خالد عشان ناخدها ونمشي.
منار: هتخدوني من هنا اخيرا.
زياد: انجز يا خالد كله من وقتنا.
خالد: منار انا اسف.
منار: مقبول واول وآخر مره تعمل كدا.
خالد: ياستي حاضر ممكن نمشي بقا.
زياد: هاتي حاجتك وانزلي براحة.
خالد: انتي هتنزلي بفرش الكنب داه!
منار: انت اللي لابسه ولا انا ! ماتيجي تاخدني قلمين.
خالد: خلاص ياستي انا مالي.
زياد: يلا هنروح نجيب بسمة ومحمود والباقي.
*********
زياد: محمود ، محمود اصحى.
محمود: ايه ايه في ايه؟
زياد: يلا هنمشي من هنا قبل النهار.
محمود: هنمشي نروح فين؟
زياد: قوم بس معايا ،يالهوي انت خسيت اوي بجد اليومين دول دانت هوا فعلا.
محمود: انت بتتريق يا زياد.
زياد: والله أبداً، بس شكلك بقا متغير اوي بجد.
محمود: امشي يا زياد خرجنا من هنا، بس احنا رايحين فين؟
زياد: ندور على المرايا.
محمود: انهو مرايا؟
زياد: المرايا اللي دخلنا منها ،هنا قوم معايا بقا.
خالد: براحة على الواد يا زياد، خلقك ضاق اوي على فكرة.
زياد: مش هرد عليك على فكرة.
منار: عشان مش لاقي رد.
خالد: مناااااار.
منار: خلاص انا اسفه... امال فين بسمه؟
خالد: هناك عند الشجرة.
منار: طب انا هروحلها اجيبها ،ونشوف هندور على المرايا فين.
زياد: صح هندور على المرايا فين؟
استاذ احمد: نروح أقصى الشمال عند معبد الكاهن ممكن نلاقي المرايا اللي دخلنا منها انا وطارق.
خالد: طب ياعم قول انك صحيت، اعمل اي نفس ،خضيتنا.
استاذ احمد: هنفضل ماشيين لآخر المدينه علطول هنلاقي معبد الكاهن في شمال غرب المدينه.
زياد: طب ما احنا نروح مقبره الكاهن ،ندور على المرايا ،مكان ما دخلنا احنا.
خالد: مش هنختلف المهم نخرج من هنا.
استاذ احمد: مقبره الكاهن في شمال شرق المدينه.
بسمة: يا جماعه انتوا كل داه بتدوروا على مرايا نرجع بيها البيت ،ونسيتوا ازاي نشيل الاسوره من أيد محمود.
زياد: يا الله هو كل شويه مصيبه ورا التانيه.
منار: استنوا، انا شوفت حوالين رقبه رمضان عقد فيه مفتاح نفس شكل الإسورة دي ممكن يكون داه المفتاح بتاع الإسورة.
بسمة: منار عقلت الحمدلله وبدأت تاخد بالها.
خالد: بصوا بقا اللي هقوله مش هيعجبكوا، بس يا منار انتي لازم ترجعي المعبد ولا القصر داه وتتجوزي رمضان وتاخدي المفتاح.
زياد: انت اتجننت.
بسمة: زياد انا شايفه اللي خالد بيقولوا صح لازم نشيل الإسورة من أيد محمود دي ،ومتنساش مقداموش كتير على الشروق ،وعلى الشروق هتكون منار خادت المفتاح.
منار: لا مش هرجع تاني هناك.
زياد: استغفر الله العظيم يارب.
خالد: منار حياة محمود بين ايديك دلوقتي ،ممكن ترجعي القصر تاني وقبل ما تتجوزي رمضان خدي المفتاح واهربي ،هاتيه وهنجري ع المعبد.
بسمة: منار متقلقيش كله هيعدي بسرعه بس محمود اهم دلوقتي.
منار: ماشي يا خالد مش هاجي على نفسي تاني عشان حد ،هستحمل يوم كمان مع الحيوان البجح اللي جوه داه.
زياد: تعالي ارجعك هناك يلا قبل ما حد ياخد باله من القصر.
منار: زياد متسيبونيش هناك بالله عليكوا.
زياد: متقلقيش مش هسيبك ،بس متخليش الحيوان اللي جوه داه يمد ايده عليكي.
منار: ميقدرش دانا اصوت وألم عليه البلد بس المهم متتأخروش.
زياد: منتأخرش ايه بس ،انتي اللي هتجيبي المفتاح ،متتأخريش انتي.
منار: اه صح طيب ماشي ،هطلع ازاي؟
زياد: من على الصخرة دي.
منار: زياد انا اقصر منك هطلع ازاي؟
زياد: اطلعي من على الصخرة ونطي وانا همسكك عشان متقعيش.
منار: زياد خلي بالك من خالد عشان عقله شكله هف خالص ومش مركز.
•زياد ف سره: وانتي بتجيبي سيرته ليه دلوقتي، انتي مالك بيه.
منار: سمعتك على فكرة، ومبهزرش خالد ممكن يجراله حاجه بسبب القلق اللي فيه.
زياد: منار اطلعي وانتي ساكته ،وربنا يسهل اشوفك بكرة.
منار: يخربيته سابني ومشي.
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
