استاذ احمد: هندخل مدينه الشمال.
زياد: أيلاند!!
خالد: ايوه عشان نجيب منار.
•استاذ طارق همس في ودن استاذ احمد: عايز اروح لرمضان يا احمد ،ايه رأيك نروح وراه؟
استاذ احمد: هنروح لرمضان يا طارق ،بس مش دلوقتي ،انت مش عارف مدن الشمال عامله ازاي.
خالد: بتشاوروا في ايه عايزين نلحق قبل الغروب ،عشان نعرف نشوف التليفونات كلها فاصله.
استاذ احمد: بيولعوا نار في اركان المدينه ،عشان ينورلهم الناس اللي بتبيع بليل وعيشيتهم بليل، اصل المدن مبتنامش زي وسط البلد والتحرير مبيناموش قبل نص الليل.
خالد: طب ايه هنروح فين؟
استاذ احمد: هندخل وهنستخبى تحت اي شجرة في ركن بعيد ورا اي بيت ،ونستنى بعد نص الليل ،هيناموا ونقوم احنا ندور على منار.
زياد: طيب يلا.
•دخلوا المدينه ،ولما دخلوا فضلوا ماشيين جنب السور لغايه ما استخبوا ورا شجر كتير ،وقعدوا يرتاحوا ومحمود خاد جنب وقعد لوحده•
خالد: مالك ياصاحبي.
محمود: مصدع اوي ياخالد.
•خالد لسه كان هينادي على منار ياخد منها مسكن ،افتكر انها مش موجوده •
استاذ طارق: رمضان اهو يا احمد انا رايحله.
استاذ احمد: لا استنى هنا انت رايح فين ،هيقتلنا يا طارق.
استاذ طارق: ميهمنيش ،المهم أعقله.
استاذ احمد: طب استنى طيب.
•استاذ طارق جري على استاذ رمضان ،وأستاذ احمد بيجري وراه بيحاول يهديه •
استاذ طارق: رمضان انت ليه كدا ،ليه أناني ،وانا قعدت سنتين في السجن شايل همك ،وانت هنا عايش ملك ،مفكرتش حتى تخرجني ،واحمد اللي فضل يدور علينا سنتين وقال هنلف ندور عليك ،عشان زمانك مرمي في مكان بعيد لوحدك.
استاذ احمد: خلاص يا طارق يلا نرجع.
استاذ طارق: استنى هنا يارمضان ،سايبني ورايح على فين؟
استاذ رمضان: ههه رايح اشوف عروستي اللي الملك وعدني بيها ،اكيد اجمل واحده في البلد.
استاذ طارق: ومراتك ياخي ،وعيالك ،مراتك اللي اكيد لفت كل حته في البلد شبر شبر عشان تلاقيك ،بقيت ارملة ،وعيالك يتامى ،ياخي اتق الله.
استاذ رمضان: مراتي مين ياراجل دي اكيد فرحانه عمرها ما فكرت فيا اصلا ،واكيد هي مبسوطة ف شغلها، مش كل شويه اقولها راجعه متأخر ليه، والولاد اكيد هي مخلياهم مش محتاجين حاجه، انا هنا هتجوز، وهعيش حياتي هنا احسن من هناك.
استاذ طارق: ياخي اتق الله.
استاذ احمد: يا طارق خلاص، ملناش فيه، هو حر.
•محمود فجأة أتحول ،بقا اطول ،وارفع، وعينه سودا، وقام جري على رمضان خنقه جامد ،وخالد وزياد جريوا وراه يلحقوه ،استاذ احمد شد استاذ طارق لبعيد، وخالد وأستاذ احمد وزياد بيحاولوا يشيلوا محمود من على استاذ رمضان قبل ما محمود يموته ،شالوه بالعافيه، ورمضان طلع يجري للمعبد ،الملك كان واقف على باب المعبد بينادي على رمضان عشان الكاهن موجود ويتم الزواج، رمضان عدل هدومه ودخل المعبد ورا الملك•
**********
استاذ رمضان: امال عروستي فين يا سيادة الملك؟
•الملك شاور عليها قاعده على كرسي في ركن بعيد، سمعت استاذ رمضان وهو بيتكلم ،قامت ،وقربت منهم رمضان استغرب شكلها•
استاذ رمضان: انتي البنت اللي كانت بتجري بعيد صح من احمد وطارق ،ههه انتي معاهم بقا عشان كدا استغربت شكلك، انتي اسمك ايه بقا؟
•منار رزعته كف: انا مش هتجوز حد ،وهم زمانهم جايين وينقذوني من هنا، انت متعرفش خالد ولا زياد ممكن يعملوا فيك ايه؟
استاذ رمضان: ههه هتتجوزيني وبكره بالكتير ،وصحابك اللي انتي متأكده انهم هييجوا ينقذوكي ،محدش منهم هيعبرك ،زمانهم نسيوكي اصلا ،وانتي عارفه الجوازة دي لو متمتش الملك ممكن يعمل فيكي ايه ياشاطرة، مش بعيد يقتلك، اصل القتل عنده اسهل من اي حاجه تانيه في الدنيا.
منار: ابعد ايدك عني يا حيوان.
استاذ رمضان: ههه بكره هتشوفي.. بعد اذنك يا سيادة الملك، رايح اجهز بيتي للعروسة الجديده.
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
