•خالد ضم رجله عند كتفه وسند رأسه عليها وقعد يفكر كتير هيعمل ايه ،بيفكر ازاي يجيب محمود قبل ما حد ما يشوفه ،ولو صحي فعلا ونادى عليهم هيعمل ايه ساعتها ،ولو الدكتور شافهم هيعمل ايه هيخليهم يعيدوا السنه ،ولا يحرمهم من مشروع التخرج ،ولا هيطردهم من الكلية ولا هيقول لأهلهم ولا هيعمل ايه ، زياد شاف خالد مهموم وباين انه عليه عبء كبير اوي وقعد جنبه شويه•
زياد: عارف انت بتفكر في ايه ،متشيلش نفسك هم ياخالد.
خالد: عاوز اطلع محمود قبل ماحد يشوفه بس مش عارف هطلعه ازاي.
زياد: سهله اوي بس انت اللي مش مركز ،كلهم في المكتبه ياخالد والمكتبه واسعه جدا يعني هيفضلوا يلفوا فيها كتير انا هروح اجيب محمود واجي علطول قبل ما يصحى.
خالد: مش هتعرف تفتح التابوت ،وفي حاجه لازم تدوس عليها على الارض عشان التابوت يطلع ،عاوز اروح انا بس ركبتي اتخربشت من الارض لما وقعت قدام الباب.
زياد: ياصاحبي انا هروح قولي بس محمود فين.
خالد: محمود في اخر اوضه على اليمين و.... انت سامع؟
زياد: سامع ايه؟
خالد: حط ودانك كدا على الحيطه واسكت واسمع.
*********
دكتور موسى: دكتور احمد بص فاروق لقى الصندوق داه جوا في المكتبه.
دكتور احمد: طب حطه جوه في الخيمة الكبيرة وانا جاي اشوف ايه داه.
دكتور موسى: استاذ فاروق حط الصندوق داه هناك .. دكتور احمد ايه تعليقك على الكتب الكتير دي انت مخادتش بالك منها!
دكتور احمد: لا بصراحة كنت مركز على النقوش اللي في كل حته دي.
دكتور موسى: طب وهي ليه الكتب دي موجوده ياترى؟
دكتور احمد: والله ياموسى مش عارف.. فاكر الدكتور اللي كان معايا في الكليه ودخل مصحة اللي قولتلك عليه واحنا داخلين.
دكتور موسى: اه فاكر.
دكتور احمد: قالي ان المعبد اللي دخله كان معبد كاهن قديم وكان في عصر ملك زمان وكدا والملك طلب إعدام الكاهن عشان مقرألوش الفنجان اصله كان ملك ظالم زي دراكولا، وقالي كمان ان الكاهن بنى مقبره قبل ما يموت ووصى الناس لما الملك يموت يدفنوه في المقبره اللي اتبنت ،وانا حاسس ان هي دي المقبره اللي اتدفن فيها الملك.
دكتور موسى: والملك داه عاش في انهو عصر؟
دكتور احمد : يااه داه من قرون شوف عمر المقبره دي قد ايه؟
دكتور موسى: ١٠٠ قرن تقريبا.
دكتور احمد : تخيل المقبره دي زي ماهي من ١٠٠ قرن اكيد اتبنت زي الاهرامات بنفس الطريقة.
دكتور موسى: بما ان دي مقبره الكاهن والملك اتدفن فيها ،يبقا فين الملك وفين الكاهن؟
دكتور احمد: الله ينور عليك بدأت تفكر ، فين الملك وفين الكاهن ،ولازم نعرف اجابه السؤال داه خلي الفريق يخرج دلوقتي يستريح شويه ونكمل بعدين عشان انا جوعت ونزلت قبل ما افطر .
دكتور موسى: على راحتك يادكتور اتفضل.
********
خالد: زياد انت سمعت؟
زياد: اه سمعت ،نستنى لما يخرجوا ونخرج احنا نجيب محمود ونخرج من هنا احنا كمان.
خالد: لا مش هنخرج.
بسمة: يعني ايه مش هنخرج بعد كل اللي حصل داه مش هنخرج من هنا ليه ؟؟
خالد: في حاجه عاوز اشوفها الاول بس نخرج من الاوضه دي.
•زياد فتح حته صغيره من الباب يبص منها أتأكد ان الكل خرج•
زياد: الكل خرج ياخالد.
خالد: طب اخرج يلا وانا جاي وراك .. يلا يا بنات هنخرج من هنا.
منار: أخيراً الجو هنا حر اوي بجد.
بسمة: ممكن تخرجي بقا.
منار: حاضر متزقيش.
***********
•خالد وصحابه خرجوا من الاوضه وكلهم دخلوا المكتبه بسرعه قبل ما حد يشوفهم عشان الباب كان مفتوح وخالد سبقهم على الاوضه اللي مخبي فيها محمود وراح عشان يطلعه، خالد طلع محمود لقاه نص فايق بس لسه شكله نايم•
محمود: خالد هو انت؟
خالد: اه يا محمود ممكن بس تمسك نفسك وتساعدني عشان أخرجك من هنا.
محمود: هه اخيرا هنخرج ،هو انا كنت فين ؟
خالد: هههه لا مش اللي في بالك، هخرجك من التابوت اللي انت فيه داه وهنرجع المكتبه تاني.
محمود: تابوت يا خالد سيبتني في تابوت دي اخره العشره.
خالد: دانت نايم خالص بس قوم معايا بالله عليك انا لسه واقع ورجلي متعوره وانت تقيل اصلا.
محمود: تقيل ايه بس انا مكلتش اصلا.
خالد: الأكل هناك مع منار ،انت مش متخيل انا شيلتك ازاي لوحدي عشان ادخلك هنا ،فياريت حبة احترام شويه.
محمود: احترام بعد ما سيبتني في تابوت ومع مين ..مع جثه لما افوقلك ياخالد.
خالد: ياريت تفوق بسرعه عشان احنا في مشكله اصلا.
محمود: خالد انا بردان.
خالد: الجاكيت بتاعك مع منار في المكتبه ساعدني بس عشان نروح.
***********
•خالد خرج محمود من التابوت ودخل المكتبه ووارب باب المكتبه شويه وحط محمود على الارض ولبسه الجاكيت بتاعه والكل قعد يفكر ازاي هيخرجوا من المقبره دي ،بس خالد كان شاغله حاجه تانيه ،كان شاغله الحيطه اللي شافها وهم داخلين اللي في اخر المكتبه ،واخده مساحة معينه صغيره، مش الحيطة كلها، وشكلها كان مختلف كانت ملساء جدا زي المرايا ،كانت ناعمه جدا زي الحرير، كان بيحسس عليها براحة خالص وبعدها داس بإيده لقى ايده دخلت جوه الحيطة!!!!.. رجع تاني بسرعه وفرك عينه ودخل ايده تاني ، ايده دخلت بردو بس الحيطه بدأت تاخد شكل معين، زي انعكاس لصحرا ،خالد بص حواليه لقى نفسه في المقبره عادي بس شايف انعكاس الصحرا في الحيطة نادى زياد بسرعه يشوف ،زياد وقف متنح قلع النضاره مش مصدق اللي شايفه طب ازاي داه وايه الصحرا دي وجات منين وهل داه له علاقه محمود ؟؟طب هيدخلوا؟؟ طب لو دخلوا ايه اللي هيحصل ؟؟•
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
