منار: رمضااان ،رمضااااان ،يارمضاااان انت نمت... انتي ياعم انت ..داه نام ،اخد المفتاح بقا .. يخربيتك دانت تقيل اوي بتاكل ايه ياراجل انت .اهو المفتاح ..يالهوي الشروق بيطلع ..لازم اطلع من هنا بسرعه.
********
استاذ طارق: الشروق بدأ يشقشق اهو.
بسمة: يانهار اسمر ،محموووود.. ياااخاااالد، خااااالد.
خالد: ايوه ايوه سامع ،في ايه؟
بسمة: الشروق بيطلع يا خالد هنعمل ايه مع محمود ،منار لسه مجتش.
خالد: يالهوي ،محمود فين يا زياد؟
زياد: مسنود في المدخل على الحيطه.
خالد: طب لو خليناه بعيد عن النور طيب ممكن يتحول متأخر داه.
زياد: هي كيميا !! طبعا لا مش هيحصل.
خالد: طب ايه ،داه شويه وهيقوم ياكلنا .
استاذ احمد: طب ممكن ندخله الاوضه اللي احنا فيها دي ،يكون قريب مننا، عشان لو حصل حاجه نلحقه في ساعتها.
زياد: عشان لما يتحول ويلقينا في وشه نبقى الضحية الاولى.
استاذ احمد: طب انا هطلعه برة بعيد عن هنا، لما نلاقي المرايا نبقا نروح نجيبه ،ولو حصل حاجه له وهو برة او أتحول نبقا نقفل باب المعبد ،وباب المعبد تقيل مش هيعرف يفتحه لوحده ،وانتوا دوروا كويس على المرايا هي كانت هنا لما دخلنا في الحيطه اللي عليها الكلام دي.
زياد: الحيطة ملساء جدا فعلا زي اللي كانت في المقبره.
خالد: منار اتأخرت اوي ،بقالها كتير، يارب تكون جابت المفتاح.
استاذ احمد: زمانها جايه متقلقش.
*********
•الباب خبط، منار اتخضت وعدلت رمضان عشان يبان انه نايم فعلا وراحت فتحت الباب ،من كلام البنات عرفت انه خلاص الكاهن موجود والفرح هيبدأ، منار شاورتلهم يروحوا وهي جايه وراهم، منار قفلت الباب بسرعه ونزلت من الشباك ،بس بما نزلت وقعت ،الحراس اللي كانوا قدام القصر سمعوا الصوت، واحد منهم راح يشوف في ايه لقى منار ،منار خادت المفتاح وبدأت تجري علطول زي ما خالد قالها عشان متوهش ،الحارس اللي شافها راح جاب بقيت الحرس وجريوا وراها بس كانوا اسرع منها، منار بدأت تتعب ومش قادره تجري وبدأت تنهج جامد ومش قادره تاخد نفسها ولسه الحراس وراها منار لمحت المعبد وقدامه اتنين، بسمة ؟بسمة صح؟ ومنار بدأت تسرع عشان تلحق تديهم المفتاح لمحمود ، منار لقيت شجر كتير قبل المعبد دخلت بينه عشان تبطأ حركتهم وراها، وبدأوا يبطأوا فعلا ومنار بقيت بعيد عنهم ،بسمة شافتها وهي بتقرب منهم •
بسمة: يا خاااالد الحق بسرعه منار جات ،ياااااخااااااالد روح الحق منار الحراس بيجروا وراها.
خالد: جاي اهو ...زياد دور على المرايا بسرعه بالله عليك وانا هروح الحق منار.
زياد: تقريبا الجزء داه من الحيطة.
خالد: مش وقت تقريبا يا زياد أتأكد انها هي... بسمة تعالي معايا نجيب منار بسرعه.
بسمة: استاذ طارق خد الحاجه كلها وادخل لزياد جوة.
خالد: دور معاه على المرايا الله يسترك.
استاذ طارق: حاضر يابني.
خالد: منار اجري بسرعه شويه كمان قربتي.
بسمة: كل داه بتجيبي المفتاح .
منار: لما تبقي مع واحد زي رمضان ابقي اتكلمي، فاضل ساعه والشروق خلاص يعني.
خالد: ايه اللي بيحصل لمحمود هناك بقا داه كمان.
منار: لا مش عايزه اموت النهاردا.
•خالد شاور على استاذ احمد يدخل محمود جوه تاني عشان الحراس وراهم •
استاذ احمد: قوم معايا يا محمود معلش تاني صاحبك بيهزر.
•خالد وهو بيجري: بسمة اجري بسرعه قبل ما يجوا.
•بسمة وهي بتجري: امال انا بعمل ايه يعني ،الحق منار وقعت.
منار : امشوا وسيبوني ،الحقوا خدوا المفتاح بسرعه قبل شروق الشمس.
•بسمة وهي بتساعد منار•
منار : بقولك أمشي الحقيه قبل ما يتحول مفيش وقت فاضل ساعه ع الشروق.
•خالد بيشد بسمة: بسمة خلاص مفيش وقت سيبيها .
بسمة: طب ومنار...
خالد: بسمة مفيش وقت.
•بسمة خادت من منار المفتاح ومشيوا بسرعه ومنار بعدها قامت وجريت وراهم بس كانت بعيد عنهم شويه خالد وقف هو وأستاذ احمد على الباب مستنيين منار عشان يفقلوا الباب بسرعه قبل ما الناس يدخلوا•
منار: اقفل..اقفل الباب انجز مش قادره اخد نفسي.
بسمة: المفتاح مش بيدخل.
خالد: يعني ايه مش بيدخل؟ انتي بتهزري.
منار: بعد كل داه المفتاح مدخلش.
بسمة: خالد ،بص لعروق محمود ، دي بتتحرك.
خالد: يانهار ابيض ،كله يدخل الاوضه دلوقتي كله يلا.
بسمة: ومحمود ؟
خالد: محدش هيقرب منه دلوقتي ادخلي واقفلي الباب بسرعه.
بسمة: طب وانت؟
خالد: بسمة ادخلي واسمعي الكلام.
زياد: لقيت المرايا لقيتها يا خالد.. ايه داه فين خالد؟
بسمة: بره.
زياد: وانتوا سايبينوا بره.... يا خالد ادخل لقيت المرايا هنخرج من هنا.
خالد: انت متخلف قولت محدش يخرج محمود خلاص امشوا انتوا.
زياد: مش همشي من هنا غير وانت وهو معايا لاما مش داخل ياخالد.
•خالد اتعصب وكان هيقوم يضربه•
خالد: قولتلك تدخل يبقا تدخل يا زياد ولا تحب ادخلك انا.
زياد: ايه هتضربني. اضربني يا خالد بس همشي من هنا.
استاذ احمد: انتوا هتتخانقوا انجزوا باب المعبد مش هيستحمل رزعهم على الباب.
خالد: جاي يا زياد شيل معايا محمود.
زياد: طب يلا الكل يقفل باب الاوضه داه كمان.
منار: خشوا بسرعه.
خالد: دخل ايده أتأكد انه هيعرف يعدي منها... منار يلا ادخلي اول واحده ومعاكي حاجاتك يلا بسرعه انجزي .. بسمة وراها بسرعه.. استاذ طارق يلا وراهم.
استاذ احمد: خالد المرايا بص.
خالد: مالها؟
استاذ احمد: المرايا بتتقفل لوحدها يا خالد.
خالد: طب بسرعه وراهم انت كمان.
استاذ احمد: وانت؟
خالد: هلحقكوا متقلقوش.... الحراس دخلوا ... يا زياد ادخل يلا الحراس هنا والمرايا بتقفل يازياد خد محمود معاك يلا.
زياد: ادخل انت الاول.
خالد: زياد مش وقته قسما بالله هنتدفن انا وانت هنا اخلص خد محمود معاك.
زياد: مش داخل يا خالد قبل ما تدخل انت.
خالد: انا اسف متزعلش مني يا زياد.
زياد: ايه هتعمل ايه ؟
•خالد شال محمود وزقه في المرايا جامد والمرايا خلاص بتقفل خالد زق زياد جامد في المرايا هو كمان زياد ملحقش يستوعب اللي حصل فضل باصص وآخر حاجه شافها خالد وهو بيزقه والمرايا بتقفل عليه•
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
