خالد: ماما انا نازل متعمليش قهوة النهاردا عشان عاوز اكون فايق واحتمال أتأخر مع السلامه.
ام خالد: طب استنى يابني عملتلك ساندوتش تفطر ايه دا نزل! عايز يجبلي جلطة الراجل داه.
********
منار: ماما بقولك ايه انا هروح رحلة يومين مع صحابي وهنحاول نفكر في مشروع التخرج داه.
ام منار: قولي لبابا.
منار: بابا ممكن اروح رحلة يومين مع صحابي؟
والد منار: قولي لماما.
منار: طب بصوا انا هروح ولما اجي نبقا نلعب سوا.
ام منار: هتروحوا فين؟
منار: مش عارفه لسه يا ماما بس هنمشي بكرا الصبح ربنا يسهلها ان شاء الله.
ام منار: هتروحي مع مين؟
منار: مع جروب المشروع صحابي خالد وبسمة ومحمود والچينيس.
ام منار: ايه داه زياد جاي معاكوا أمه لسه مكلماني مجبتش سيره الموضوع دا !.
منار: ممكن يكون لسه مقلهاش انتي عارفه زياد خجول شويتين.
ام منار: هبقا اجهزلك حاجاتك من بليل وهكلم ام زياد عشان يجي ياخدك عشان ابقا متطمنة.
منار: اشطا انا نازله يا امي سلام.
*******
محمود: بابا بقولك ايه انا هسافر يومين رحلة وهرجع تاني عشان مشروع التخرج وكدا انت عارف ف هروح انا وصحابي نشوف مكان نعمل عنه المشروع.
والد محمود: وهتسيبني هنا انا وأخوك الصغير؟
محمود: يا بابا يونس كبير مش صغير وبيعرف يتصرف في اي موقف يعني متقلقش وانت معاه ودول يومين يعني متقلقش.
•محمود وهو حاطط ايده على كتف يونس: ولا اي يا عم ليك كلام تاني مش هتعرف تخلي بالك من بابا يومين ؟!
يونس: اكيد يامحمود متقلقش.
محمود: بص اهو راجل كبير يلا بقا انا نازل وبقولك ايه يا يونس شنطه حلوة من عندك كدا عشان احط فيها هدومي عشان ماشي بكرا.
*******
بسمة: ماما انا هسافر يومين مع منار وصحابي عشان مشروع التخرج.
ام بسمة: حبيبتي مشروع تخرج يااااه بتفكريني بأيام الجامعة كن.......
•بسمة قاطعت مامتها: هههه ماما مش وقته بجد انا هسافر بكرا.
ام بسمة: ماشي يابسمة يومين بس وهاتي رقم منار وصحابك اللي رايحين معاكي عشان لو قلقت عليكي وفونك مقفول .
بسمة: اوكي انا هنزل بقا عشان اتأخرت زمانهم مستنيين.
............
•زياد وهو ماشي بكل هدوء ناحية امه ووشه للأرض وبيعدل النضاره: ماما صحابي رايحين رحلة يومين ممكن اروح معاهم؟
ام زياد: خلصت مذاكرتك؟
زياد: ايوه يا ماما.
ام زياد: روقت اوضتك؟
زياد: ايوه يا ماما ممكن اروح معاهم؟ خلصت كل اللي ورايا ورتبت الدولاب وحطيت الكتب مكانها الاوضه كأنها جديده حتى روحي شوفي بس ممكن اروح معاهم بعد اذنك؟
ام زياد: يومين بس يا زياد متتأخرش.
•زياد بيبوس أيد امه: مش هقدر اقعد يومين من غيرك ياست الكل انا نازل بقا.
ام زياد: كوبايه اللبن يا زياد مش هتنزل غير لما تتشرب.
زياد:هههه ماشي ياست الكل، ست الحبااااااايب ياحبيبة آه.
********
•الكل راح الكليه بعد ما اقنع اهله انهم هيقعدوا يومين ولسه خالد ميعرفش حاجه عنهم وكل داه خالد فاكر انه هيروح لوحده مكنش يعرف ان صحابه عشره عمره عمرهم مايقدروا يسيبوه يروح لوحده بس كل واحد منهم بتدور في عقله أفكار عن الرحلة دي هتبقا شكلها عامل ازاي بالظبط محدش عارف حاجه.. بس كل اللي بيفكروا فيه ان خالد مينفعش يروح هناك لوحده •
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
