بسمة: خالد هي الجثة كانت عينيها مفتوحة لما دخلنا؟
خالد: لا ،عينيها مفتوحة ازاي دي كمان.
•خالد قام يتقدم خطوة ويأمر عشرة كان خايف بس مداري خوفه ،قرب من الجثه وقفل عينيها ورجع تاني بس بضهره قعد مكانه تاني وفضل ساكت وقلقان•
بسمة: خالد انا جعانه.
خالد: وانا كمان وزياد برة معاه الأكل بس ازاي هيدخل!
بسمة: طب فكر في حل.
خالد: مانا بفكر يابسمة بس دماغي صدعت.
********
دكتور موسى: دكتور احمد اتفضل برجلك اليمين.
دكتور احمد: ياترى ايه النقوش دي كلها! ايه اللي في المقبره دي !!
استاذ فاروق: دكتور احمد بص على الباب داه مش حاسس انه كبير بشكل مش طبيعي ومقفول بجنازير.
دكتور احمد: اكيد في حاجه جوة مينفعش ان حد يقربلها.
دكتور موسى: فاروق هات اي حاجه افتح بيها القفل داه.
دكتور احمد: موسى انت مش قادر تفهم ليه ان أيا كان اللي جوه مينفعش ندخل.
دكتور موسى: وفر على نفسك الكلام الباب هيتفتح يعني هيتفتح.
*********
زياد: منار انتي بتعملي ايه؟
منار: باكل يا زياد هكون بعمل ايه جعانه.
زياد: امال اللي جوه دول هياكلوا ايه؟
منار: ما احنا بقالنا كتير هنا يا زياد وانا اكيد شايلالهم حبه يعني.
زياد: حبه مممم اه طيب ومتتكلميش وانتي بتاكلي.
منار: هو خالد قالك هندخل ازاي؟
زياد: خالد لسه بيفكر وانا مش عارف بصراحة هندخل ازاي وكل دول هنا.
منار: طب انا عندي فكرة الباب مفتوح واكيد نصهم جوا في المكتبة دلوقتي ،ومحدش في مدخل المقبره ،واللي برة بيجهزوا الخيم ،يعني محدش هيبقا فاضي يبص مين داخل ومين خارج ،نبقا نتسحب احنا من غير ما حد ياخد باله ،بس نعرف الاول خالد فين.
زياد: طب والله فكرة عندك حق من امتى وانتي بتفكري كدا !
منار: من زمان والله بس انتوا اللي شايفيني غبية وتنكة.
زياد: طب بطلي حش بقا وسيبي الباقي للغلابه اللي جوة.
منار: طب دي اخر حته وخلاص.
************
•زياد بعت رساله لخالد بعد ما لقى طريقة يدخل بيها•
زياد: خالد انا عندي فكرة ازاي هدخل المقبرة.
خالد: هتدخل ازاي؟
زياد: أتأكد بس ان محدش في مدخل المقبره.
•خالد فتح فتحة صغيره من الباب الصغير اللي دخل منه وملقاش حد في المدخل اكيد كلهم في المكتبه•
خالد: محدش في المدخل كلهم في المكتبه.
زياد: تمام اوي واللي برة محدش واخد باله من اللي داخل واللي خارج عشان بيظبطوا الخيم ،انا ومنار هندخل بسرعه قبل ما حد يخرج ،بس تخليك باصص على المدخل عشان لو حد خرج تقولي .
خالد: فكرة مش وحشه ،بس تاخد بالك وانت داخل ان محدش يشوفك يا زياد مش ناقصين مشاكل.
زياد: متقلقش ان شاء الله محدش هيشوفنا.
***********
•زياد اتسحب هو ومنار براحة من غير ما حد ياخد باله لغايه باب المقبره ودخلوا براحة من غير صوت ،وهم داخلين فجأة أيد مسكت رجل منار ولسة هتصوت•
خالد: ششششش انا خالد ادخلوا هنا بسرعه.
زياد: هندخل هنا ازاي داه صغير اوي وانت دخلت ازاي اصلا.
خالد: ممكن تدخل بدل ما اشدك.
زياد: خلاص وعلى ايه.
•زياد دخل وهو منار استغربوا ازاي الفتحة الصغيرة دي وراها مكان واسع اوي زي داه•
بسمة: جبتي الأكل يا منار؟
منار:اه اهو اتفضلي.
بسمة: جمبري داه عشان انتي بتحبيه يعني.
منار: مين مبيحبش الجمبري داه قمر زيي.
بسمة: هاتي واترزعي وانتي ساكته.
منار: اه وجبت جاكيت من جواكيت محمود عشان يتغطى بيه ؛عشان لابس خفيف.
زياد: امال محمود فين؟
بسمة: اهو قوله بقا محمود فين يا خالد ولا اقولك انا هقوله .. محمود نايم مع جثه يا زياد ،خالد حط محمود في تابوت مع جثه تحت الارض.
خالد: يابت اهدي ،انا مش فاهم مأفورة الموضوع ليه ،الفريق شويه وهيخرج وانا هروح اجيب محمود واجي مش حوار يعني.
زياد: خالد انت اتجننت؟! ازاي تحط محمود في تابوت ،طب لما يصحى ويلاقي نفسه في تابوت ضلمة تحت الارض ويترعب وينادي علينا واللي هنا يسمعوه.
خالد: يادي النيلة ،محمود في سابع نومة والله مش حاسس بحاجه ،داه في غيبوبه اصلا.
زياد: اما نشوف آخرتها ،هنعمل ايه دلوقتي؟
خالد: مش عارف ،هنفضل هنا لغايه ما نشوف الجماعه دول هيمشوا امتى وبعدين هنخرج احنا.
منار: طب كلوا وبعدين نفكر هتفكروا ازاي مع بطن فاضيه كدا من امبارح.
*********
•خالد معرفش ياكل كويس ،وقاعد جنب الباب قلقان ان حد يدخل من الباب الصغير ويكتشف ان هم موجودين وتحصل مشاكل ليهم ولأهلهم ،ومنار وقفت في ركن وقعدت تبص على الدفتر اللي لقيته في اوضه محمود وخالد وزياد بس مقرأتوش دماغها صدعت من خنقه المكان، وبسمة قاعده في ركن سانده رأسها على الحيطه ،وزياد بيلف ف الاوضه بيحاول يلملم أفكاره كلهم تايهين هيعملوا ايه ولا هيخرجوا ازاي.....•
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
