•كلهم جهزوا حاجتهم ونزلوا وخرجوا ووقفوا تاكسي يوديهم قرب الشط •
خالد: ادخلوا يلا.... ثواني كدا فين زياد.
منار: انت سيبت زياد انت بتهزر.
خالد: افتكرتوا ورانا ماهو سكوته داه اللي هيقتلني في الاخر.
منار: طب انا هروح اشوفه منزلش ليه.
*****
•منار طلعت وخبطت على اوضه زياد•
منار: زياد انت جوا؟
زياد: ايوه يامنار ادخلي.
منار: منزلتش ليه دانت اللي قايل لخالد ان احنا نروح.
•زياد في كسوف وتوتر ومش عارف يجمع كلامه: ب..بصراحة يامنار م..مش عايز اروح.
منار: ليه يا زياد بعد المسافه دي كلها مش عايز تروح معانا !
زياد:م.. مش عارف بقا مش عايز اجي مش متفائل.
منار: طب تعالى يا زياد يلا خالد لو ملقكش قدامه دلوقتي هيجي ياخدك جثه من هنا انت عارفه.
زياد: طيب جاي.
منار: يلا قدامي.
********
خالد: كنت فين ياعم قلقتنا.
•زياد وهو باصص في الارض:مفيش كنت ببص على حاجه قبل مانزل.
خالد: ماشي اركب.
السواق: خلاص كدا تمام.
خالد: اه يلا اطلع
*******
•وصلوا للشط وخادوا مركب لشط الجزيره ونزلوا خلاص ،الجزيره سكون تام وعتمه مش شايفين ايديهم من كتر الضلمه ،نور البدر كان يدوب منور الطريق عشان يمشوا وسط الغابه والشجر الكتير ،وصوت الغراب المخيف ،وأشواك الشجر بتشبك في هدومهم ،ويُصادف انهم لاقوا اثار اقدام شخص والدكتور احمد على مرمى البصر ومعاه الدكتور موسى وفريق كامل لاستكشاف المقبره ؛بس ازاي واقفين في الضلمه دي بكشاف واحد ،محمود داس على غصن شجرة بالغلط الكل استخبى بسرعه ورا الشجر•
•دكتور احمد خاد باله وسلط الكشاف على الشجر•
دكتور احمد: مين هناك.
دكتور موسى: متقلقش مفيش حد هنا غيرنا تلاقيه غراب ولا قطه ولا اي حيوان من هنا الجزيره محدش بياخد باله منها نادرا ماحد بيجي هنا.
دكتور احمد: طيب تمام هنعمل ايه دلوقتي.
دكتور موسى: عندك فريق اثار كامل تحت امرك أستاذ فاروق اكبر مستكشف هنا وهيساعدك وهتلاحظ واحنا داخلين كميه نقوش غريبه مش فاهمين معناها فعايزين حضرتك تترجمهالنا بمساعده أستاذ فاروق طبعا ،تحب تبص عليها ونشتغل دلوقتي ولا نستنى للصبح.
دكتور احمد: نشوف الاول وبعدين نقرر هنعمل ايه.
دكتور موسى: تمام اتفضل.
*******
•خالد والجماعة كانوا واقفين ورا الشجر سامعين كل حاجه وخالد بيقول في سره يارب يجي الصبح عشان يلحق ياخد وقته في الجزيره وهيموت ويستكشف حته حته فيها تفصيله تفصيله•
محمود: سرحان في ايه يا خالد؟
خالد: سمعت اللي انا سمعته ادعي يجوا الصبح دي فرصتنا يامحمود دي فرصتنا.
محمود: هههه طيب اهدى كدا ونحافظ على هدوئنا عشان محدش يشوفنا.
•فون منار رن كتير كتير اوي منار وقلبت الشنطه مش لايقاه بعد ما كل اللي كان موجود سمع وبيحاولوا يدوروا عليه عشان يفصلوه قبل ما حد يسمع•
خالد: افصلي الزفت داه مش قولت التليفونات تتعمل سايلنت.
منار: اعمل ايه يعني نسيت اكيد.
•بسمة طلعت فون منار من الجاكيت بتاع منار: اتفضلي يا أستاذه ابقي افتكري بتحطي فونك فين.
زياد: مين اللي بيتصل.
منار: اكيد ماما.
•ام منار وهي بتزعق ف الفون :ايه يابنتي كل داه مكلمتنيش ليه نمت وصحيت وقولت هتكلمني البت معبرتنيش.
خالد: منار وطي الصوت هيسمعونا.
•منار بتهمس بصوت يكاد يكون مسموع: ايه يا ماما معلش كنت نايمه من تعب السفر نسيت اكلمك انا كويسة هبقا اكلمك الصبح بقا.
ام منار: طيب خلي بالك من نفسك.
منار: حاضر ياماما هخلي بالي من نفسي اصلي نايمه على الدائري مع السلامه يا امي.
زياد: امك كلمتني لما وصلنا نسيت اقولك انا اسف عشان كدا اكيد قلقت.
منار: وفي الاخر تجيبلي انا التهزيق.
زياد: نسيت والله.
منار: خلاص ياعم حصل خير.
خالد: شششششش اسمعوا.
********
دكتور احمد: انا اول مره اشوف نقوش زي دي على باب مقبره اكيد ليها معنى بس صعب اعرف دلوقتي حد يصورهالي وانا هروح الاوضه هترجمها محدش يفتح المقبره لغايه ما نشوف معناها انت عارف ساعات بتكون رساله تهديد للي بيفتح المقبره او ممكن تكون مقبره كاهن بيحذر الناس من فتحها ، بتؤمن بلعنه الفراعنة يا أستاذ فاروق؟
أستاذ فاروق: هههه لا بصراحة يادكتور احمد.
دكتور احمد: تعرف ان الفراعنة كانوا شاطرين جدا في كل حاجه وبالذات في التحنيط محدش عارف سر التحنيط لغايه دلوقتي بيُعتقد انه حاجه تبع السحر الاسود انت عارف الفراعنة بقا.
أستاذ فاروق: احم وداه ايه علاقته بالمقبرة حضرتك.
دكتور احمد: النقوش دي غريبه وحاسس انها حاجه مش طيبه وبالذات لو مقبره كاهن من الكهنه الكبيره انت عارف حراس المقابر من الجن اللي بيحموا الكهنه وبيمنعوا اي حد يدخل الا بقربان بيبقا اسمه راصد.
استاذ فاروق: مش فاهم حضرتك عايز تقول ايه.
دكتور احمد: اللي عايز اقوله ان محدش يفتح المقبره لغايه ما نشوف ترجمه النقوش دي.
استاذ فاروق: عايزين نخلص منها يادكتور قبل ما حد يجي هنا محدش يعرف عنها حاجه والموضوع داه في غايه السرية يعني الكلام داه ميطلعش برة الجزيرة دي.
دكتور احمد: متقلقش انا هروح دلوقتي ولما النهار يطلع نبقا نشوف هنعمل ايه.
*************
•خالد وصحابه كل داه مستنين اللحظه اللي يدخلوا فيها المقبره فضلوا واقفين لغايه ما اتأكدوا ان مفيش حد في الجزيره غيرهم•
خالد: يلا بينا.
زياد: ط.. طب بص انا هستنى هنا وانتوا ادخلوا .
بسمة: زياد مش وقته مش بعد وقفتنا كل داه انا رجلي ورمت يلا بقا.
خالد: زياد دي فرصتك انك تثبت نفسك مش انك واحد ملتزم ودحيح بنضاره و.. وشكلك ..
زياد: ماله شكلي؟
خالد: مفيش انت قمر يلا.
*********
•خالد وصحابه مشيوا ووقفوا قدام المقبره وكلهم في لهفه ،ونظرة خالد للمقبرة شبه نظره اللي عاش حياته في البحر واول مره يشوف شط ،المقبره كانت شبه الشط بالنسبه لخالد اجابه لكل اسألته اللي حيرته ، اجابه لأسئلة نهايتها عند المقبره دي ايه اللي ممكن يحصل لو دخلوا ،ممكن يكون فيه لعنه زي ما الدكتور قال ،ولا مقبره كاهن من الكهنه ،ولا مقبره ملك من اعظم ملوك الارض محدش عارف يجاوب غير لما يدخلوا المقبرة دي.....•
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
