•زياد لقى غصن شجرة صغيره قريب من الشط قام واخده وحطه على الارض عشان يعرف الساعه كام من ظل الشمس -زي القدماء المصريين زمان- والساعة كانت تقريبا ٤ ونص يعني العصر أذن زياد قال لخالد يقوموا يصلوا العصر وبعدين يشوفوا هيروحوا فين•
بسمة: بقولك ايه ما تيجي نتمشى قدام عند السور كدا نشوف في ايه.
منار: عقبال ما يخلصوا صلاه.
•بسمة ومنار فضلوا ماشيين قدام لغايه السور ،السور كان طويل اوي ،فضلوا ماشيين موازاةً للسور لغايه ما يلاقوا بوابه يدخلوا منها.. على مرمى البصر لمحوا عربيات كبيرة بتاعت زمان اللي بيشدها كذا حصان وكانت عربيات باينه انها فخمة يعني كانوا داخلين من بوابه السور ومنها عربية اكبر منهم وعليها شخص باين انهو ذو هيبة وسلطة وكان واثق من نفسه ،بس منظره كان غريب اوي بس مألوف، منار وبسمة فضلوا ماشيين جنب السور براحة لغايه جنب البوابه وعليهم نظرات دهشه واستغراب من اللي شافوه •
بسمة: انتي شوفتي اللي انا شوفته؟!!
منار: بحاول اكدّب عيني بس مش عارفه.
بسمة: يالهوي لو اللي في بالي صح.
•الاتنين طلعوا جري على خالد، ومش قادرين ياخدوا نفسهم من الجري ،ومش عارفين يجمعوا كلامهم عشان يوصفوا اللي شافوه•
خالد: في ايه بتنهجوا ليه؟
بسمة: انت لازم تيجي تشوف اللي عند السور بسرعه.
منار: صدقني هتكدّب عينك بس داه حقيقه.
زياد: ايه اللي حصل؟
خالد: طب جمعوا حاجاتكوا بسرعه ،ويا زياد صحي محمود عشان هنروح عند السور اللي هناك داه.
•قربوا من عند السور فعلا ،وفضلوا ماشيين جنبه لغايه البوابه ،وفضلوا كلهم متنحين ،لاقوا شخصين طوال على كل جنب من البوابه ،حاطين كحل اسود في عينهم كلها لابسين على رأسهم زي تماثيل القطط السودا اللي في متاحف الفراعنة ،وهدومهم كانت زي الكتان .. ايه داه؟؟؟ رجعوا بالزمن!! ولا دخلوا زمن تاني!! ولا ايه اللي حصل؟•
خالد: طب احنا لازم ندخل، هندخل ازاي؟
بسمة: عندي فكرة.. ممكن ناخد عربيه من العربيات اللي داخله ونهجم عليهم وناخد هدومهم وندخل ،او دخل كدا ويعملوا اللي يعملوه ،ولا اقولك نتشعبط في ضهر العربيه زي ماكنا بنعمل واحنا صغيرين.
زياد: انتي كنتي بتعملي كدا؟
بسمة: لا طبعا بس الولاد كانوا بيعملوها.. ما علينا هندخل ازاي؟
خالد: حلوة بتاعت هنتشعبط دي نجربها.
منار: مش هتشعبط انا في عربيات.
•كان في عربيه داخله البوابه، كانت كبيرة اوي ووراها عربيتين كمان، خالد شد زياد ومحمود ونطوا على ضهر العربيه ودخلوا ،منار وبسمة عملوا زيهم في العربية اللي بعدها ودخلوا ،نزلوا من العربيات وواقفين بيبصوا لبعض ويبصوا حواليهم كل شويه مش مصدقين عينيهم ... مدينه كبيرة اوي متحاطه بسور طويل عريض صعب ان دبابة تخترقوا .. وبيلفوا حواليهم ،شايفين أشجار كتيره كبيرة اوي زي اشجار الغابات الكثيفة ،وشايفين ناس كتير حوالين معبد كبير بعيد اوي ،بس داه بيت حد بس معمول شبه المعابد ... من بعيد شافوا واحد بيجري عليهم كان مألوف كأنهم يعرفوه كان في نفس طولهم وشبههم ،وكلامهم مش زي بقيت سكان المدينه الطوال اللي شكلهم غريب وكلامهم غريب ،بصوا عليه كأنهم يعرفوه وزياد فضل يدقق في ملامحه حس انه شافه قبل كدا وبدأوا يستغربوا ويسألوا نفسهم، طب داه شبهنا وزيينا، ايه اللي جابوا هنا؟ وهو بيقرب منهم وقع عند رجليهم ويستنجد بيهم يلحقوه، كان بيجري وراه ناس تانيه من سكان المدينه وخادوه وحطوه على جذع شجرة وشكلهم هيعدموه ،خالد راح للناس اللي كانوا هيعدموه•
زياد: خالد انت رايح فين؟
خالد: شكلهم هيقتلوه يا زياد.
زياد: طب واحنا مالنا ياخالد ملناش فيه عايزين نخرج من هنا.
خالد: لو انت مش هتعمل حاجه انا هعمل .. انت ياللي هناك انت بتعمل ايه؟
زياد: يخربيت اللي فاضيحنا في كل حته داه.
خالد: انت هتقلته ها رد عليا انت هتقتله انت مين اصلا؟
•زياد جري ورا خالد يسكته، الكل بصله واتشاوروا مع بعض بكلام مش مفهوم وواحد منهم شكله المسؤل ،قال لخمسه من رجاله ياخدوا الخمس شباب اللي كانوا موجودين وشاور عليهم ،خالد بيقاوم هو وزياد ،محمود مقاومش، منار بتصوت وتشتمهم هي وبسمة ،وشالوهم وحطوهم قدام المعبد اللي كان بعيد داه ،دخلوا رموهم على الارض ،بصوا كلهم من تحت لفوق كانوا تحت رجل راجل، لبسه مختلف عن الباقي، لبسه فيه وقار زي ما يكون ملك وأمر الناس اللي جابوهم يحطوهم في مكان كان شبه السجون دلوقتي ،خادوا الخمسه والراجل اللي كانوا هيقتلوه.. كلهم مش عارفين يعملوا ايه، وزياد لسه حاسس انه شاف الراجل داه، قعد يدقق في ملامحه وهو متأكد انه شافه بس فاكر هو شافه فين ولا امتى ،وخالد عمال يكلم الناس اللي واقفه على السجن محدش بيرد عليه ومنار قعدت تعيط ،ومحمود وقع على الارض تاني وبدأ يتشنج ،وعينه تبيض، ويطلع رغاوي بيضة من بوقه ،والاسورة بتضغط على ايده وعروقه برزت اوي، واترمى على الارض ،بسمة خافت وقفت في ركن بعيد عنه، ومنار قعدت تعيط اكتر ،وخالد مش عارف يعمل ايه هو وزياد ،واللي كان معاهم في السجن اترعب فجأة زي ما يكون شاف إبليس .. خالد حس ان الراجل داه يعرف حاجه وخصوصا انه شبههم وي من حيث الجسد والشكل ،خالد شك في الراجل بسبب نظرته لمحمود .. هل يا ترى الراجل داه يعرف حاجه ولا ايه•
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
