دكتور موسى: افتح الباب يافاروق.
استاذ فاروق: دكتور موسى الباب تقيل اوي وهياخد مجهود عشان يتشال.
دكتور موسى: المهم يتفتح بس متاخدش وقت كتير لان كل داه من وقت دكتور احمد ووقته من دهب ولا ايه يا دكتور.
•دكتور احمد بصله ومردش•
*********
•خالد بيلف في المقبره مش عارف يعمل ايه ،رجع الكتب مكانها ،وصندوق الإسورة مكانه عشان محدش ياخد باله ان فيه حد هنا، فجأة خالد سمع باب المقبره بيتفتح جري يستخبى ورا الباب عشان اللي داخل ميشوفوش ،وهو بيجري وقع قدام الباب لقى حد بيشده من رجله بسرعه ،دخل من باب صغير كان ورا باب المقبره مكنش باين•
خالد: ايه داه بسمة ازاي.
بسمة: ششششش عشان داخلين دلوقتي.... بص المكان واسع جدا ازاي بس انا معرفش ايه داه.
•خالد قام عشان يشوف ايه اللي كان موجود في اخر الاوضه ،جثه بني ادم كبيرة متحنطة بس مش باين انه متحنط بقاله قرون دا كأنه كان متحنط امبارح ،جثه باردة ،زارقه ،ولابس سلاسل وأساور دهب ، بس هي ليه برا كدا مش في تابوت زي الباقي ،خالد بيلف بعينه في الاوضه لمح تابوت في ركن في الاوضه واقف ومفتوح ،متبطن بحرير احمر زي توابيت الملوك ومصاصين الدماء في الأفلام ،أيُعقل؟؟؟؟ هو داه الملك؟؟؟ خالد فضل واقف متنح وخايف طب هو ليه برا التابوت ولا ازاي اصلا؟؟؟؟!•
بسمة: خالد في ايه؟
خالد: هو داه الملك ؟؟
بسمة: انت بتهزر ؟
خالد: داه منظر واحد بيهزر !!
بسمة: طب هو داه فعلا الملك؟
خالد: مش عارف يابسمة بس حاسس.
بسمة: خالد طب هو ليه هنا مش مع الباقي يعني مع بقيت الجثث وليه مفيش باب للاوضة دي زي الباقي ،باب صغير بس اللي هنا داه اللي عمل المقبره شكله مكنش طايق الملك اصلا.
خالد: متنسيش دي مقبره الكاهن اللي الملك اعدمه.. ههه يعني فعلا مكنش طايقه.
بسمة: طب ليه الناس دفنوه هنا في مقبره الكاهن اللي طلب إعدامه.. ممكن دي كانت وصيه الكاهن ان الملك يتدفن هنا وكان عامل المقبره دي مخصوص عشانه قبل ما يموت ؟؟؟
خالد: مش عارف يابسمة بس شكلها كدا.. ماهو الكاهن كان زي الدجالين والعرافيين كدا فأكيد كان بيستعين بجن يسترقوا السمع من السما متنسيش ان برضو قبل ولادة سيدنا محمد -عليه أفضل الصلاه والسلام- كان الجن بيسترق السمع من السما ويعرفوا ايه اللي هيحصل في المستقبل وكدا قبل ما ربنا يبعث وراهم شهاب لو حاولوا يسترقوا السمع تاني ،فأكيد عرف هيموت امتى او ايه اللي هيحصله.
بسمة: طب ليه....
•خالد قاطع بسمة: بسمة انتي مش حاسه ان اسئلتك بقيت كتير.
بسمة: اخر سؤال طيب بس ليه...
•خالد قاطع بسمة: ششش بسمة خلاص ..الفريق الاستكشافي دخل اهو ،انتي قفلتي التليفونات صح؟
بسمة: اه قفلتهم.
خالد: طب هاتي تليفوني كدا.
بسمة: اتفضل.
•خالد بعت رساله لزياد عشان يعرف هو فين•
خالد: زياد انت فين؟
زياد: ورا الشجر انا ومنار .
خالد: طب هم عملوا ايه برا المقبره ؟
زياد: شكلهم هيخيموا قدام المقبره وهيقضوا اليوم هنا.
خالد: طب هتعرف تدخل يازياد؟
زياد: اكيد مش هعرف ونصهم برا والنص التاني جوة لو عندك فكره قول .
خالد: هفكر في حل طيب بس أتأكد ان فونك انت ومنار سايلنت مش زي اخر مره كنا هنتفضح.
زياد: متقلقش عاملينه سايلنت بس فكر بسرعه الله يخليك انا مش هفضل طول اليوم بين الشجر والشوك والطين كدا.
خالد: انت زياد ولا منار؟
زياد: يا خالد انا زياد في ايه!
خالد: هههه بأمانه كلامك بقا شبه منار اوي.
زياد: طب يلا ياخفيف فكر.
خالد: هههه طب والله منار اوي في نفسك.
زياد: خلصنا.
خالد: ماشي ياعم.
************
بسمة: زياد فين؟
خالد: ورا الشجر هو ومنار.
بسمة: صحيح انت خبيت محمود فين؟
•خالد خاد نفس عميق: مش هتتمني انك تعرفي.
بسمة: انت بتهزر حطيت الواد فين؟
•خالد ضحك ضحكة صفرا كدا: مع جثه.
بسمة: مع ايه ياخويا.. مع جثه انت بتهزر ياخالد.
خالد: بس بس اهدي هقولك ،لما خرجت من المكتبة دخلت الأبواب التانيه ، كان في الارض زي طوبه كدا بسوى الارض لما دوست عليها الارض اتفتحت وطلع منها تابوت ،جاتلي فكرة بقا ان اخبي محمود في التابوت داه ومحدش هياخد باله منه لأن الارض رجعت عادي ،كأن مكنش فيه حاجه.
•بسمة خبطت خالد في كتفه جامد: خالد انت اتجننت صح.
خالد: ايدك تقيلة ،طب اهدي طيب كدا محدش هياخد باله متقلقيش ان شاء الله محدش يدوس على الارض او محدش يدخل الباب اصلا.
بسمة: انت متخيل لما محمود يصحى ويلاقي نفسه نايم مع جثه منظره هيبقا عامل ازاي ،ويفضل ينادي علينا طب لو حد سمعه طيب هنعمل ايه ساعتها؟؟
خالد: انتي مأفورة الموضوع ليه طيب ،محمود اصلا في غيبوبه مش هيصحى دلوقتي ولا بعدين مش هيصحى قبل ما الليل يدخل اصلا ،هدي نفسك وربنا هيعديها على خير ،بس منعملش دوشه عشان محدش ياخد باله مننا.
بسمة: روح ياخي ربنا يسامحك دنيا وآخرة ،داه محمود هيقتلك لو عرف ان انت اللي حطيته جوة مش بعيد يدفنك انت معاها.
خالد: ههه ماشي ياستي ممكن تهدي بقا عشان افكر ازاي زياد هيدخلنا.
بسمة: ياريت فكرة عاقله الله لا يسيئك.
خالد: حاضر.
بسمة: خالد هي الجثة كانت عينيها مفتوحة لما دخلنا؟
**************
•خالد تنح للجثه هو وبسمة ،والمفروض بيفكر ازاي زياد ومنار يدخلوا ،وبسمة قلقانه لو محمود صحي والفريق الاستكشافي جوة ،ومنار وزياد مستنيين خالد يقولهم يدخلوا ازاي ،والفريق الاستكشافي نصه جوة ونصه برة ومحدش عارف يعمل ايه...•
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
