زياد: محمود خلاص عايزين نروح من هنا.
بسمة: احنا فين اصلا؟
استاذ احمد: شجر كتير هنا يبقا احنا في غايه ايه المدينه اللي فيها غابه في البلد؟
منار: زياد المينا اللي نزلنا فيها فاكر عند الفندق هناك اهي.
بسمة: انتوا مش ملاحظين ان برضو المكان اللي خرجنا منه ودخلنا هنا مش موجود زي ما روحنا الصحرا.
زياد: اه خادت بالي.
بسمة: طب هنعدي البحر ازاي ونوصل الجنب التاني؟
استاذ احمد: حد معاه تليفون؟
منار: تليفوناتنا كلها فاصله.
بسمة: انا قفلت فوني لما دخلنا المرايا ممكن يكون لسه فيه شحن.
استاذ احمد: طب هاتيه.
بسمة: اهو لسه شغال اتفضل.
•استاذ احمد عمل كام مكالمة كدا بس طول في المكالمات شويه وبعدها بفتره جات مركب صغيره لغايه عندهم وكان شخص تقريبا يعرف استاذ احمد من زمان•
استاذ احمد: كل داه عشان تيجي.
فارس: فينك يا راجل كل داه دي الدنيا كانت مقلوبه عليك الاربع سنين اللي فاتوا؟
استاذ احمد: والله يافارس الموضوع طويل.
فارس: شكلكوا متبهدلين خالص كنتوا مخيمين هنا ولا ايه؟
استاذ احمد: دول أصدقائي كنا مع بعض في رحلة المهم عايزينك توصلنا المينا.
زياد: لا عايزين نروح الفندق بقيت حاجاتنا هناك ونقدر نبات فيه وبليل نمشي كدا.
منار: اه بصراحة، وانا عايزه أغير فرش الكنب اللي ملبسهوني داه.
استاذ احمد: بص يا فارس طيب هتودينا عند فندق، كان اسمه ايه يا زياد؟
زياد: ساند تقريبا.
فارس: ايوه عارفه تمام هوصلكوا عند الشط بس انتوا تتمشوها لغايه هناك او تاخدوا تاكسي الفندق مش بعيد من الشط.
•استاذ احمد خاد زياد والباقي على جنب عشان يتكلم معاهم قبل ما يمشوا•
استاذ احمد: بصوا بقا طبعا عارفين مفيش حاجه هنا لله وخصوصا مكان سياحي ومينا زي داه وكدا.
زياد: فهمتك بس صدقني جيوبنا فاضيه.
منار: معايا فلوس بس مش كتير الباقي في الفندق.
استاذ احمد: مش مشكلة هاتي اللي معاكي وانا هحاول اتكلم مع فارس هو ابن ناس ومش هيختلف معانا.
زياد: طيب تمام.
استاذ احمد: تمام هتوصلنا للشط وهنكمل الباقي مشي..اتفضل دول عربون لغايه ما نروح الفندق ونديك الباقي.
فارس: استاذ احمد مفيش بينا الكلام داه.
استاذ احمد: لا طبعا داه كفايه المسافه من هنا لهناك وداه حقك.
فارس: يبقا خلاص دول رضا الحمدلله.
استاذ احمد: ربنا يوسعها عليك يابني.. يلا يا جماعه.
**********
محمود: مفكرتش هنقول ايه لوالدة خالد؟
زياد: مش عارف والله.
محمود: بفكر كلنا نروحلها نقولها على اللي حصل حتى لو مش هتصدقنا بس لازم تعرف ايه اللي حصل لابنها.
زياد: بفكر في كدا برضو.
محمود: انا لو مكانها مش هتصدق بصراحة ربنا يصبرها.
زياد: مش عارف هعمل ايه من بعده كان اكتر من صديق.
محمود: كان اخويا الكبير... هو صحيح خالد حطني في تابوت؟
زياد: ههه ايوه، ومع جثة.
•محمود بيضرب كف ف كف: اه يابن اللذين ءامنوا.
زياد: اه شنطتك مع بسمة فضلت شايلاها طول الطريق على فكرة لغايه ما ضهرها اتقطم ومبتشتكيش.
محمود: اه بسمة إنسانة كويسة وطيبة.
زياد: بتفكر في ايه يا محمود؟
محمود: والله ولا حاجه ولم نفسك بقا داه ع اساس اني معرفش انك واقع.
زياد: انا واقع يا حيوان انت.
محمود: اه واقع تحب اقولك بمين كمان.
استاذ احمد: خلاص ي اساتذة بلاش ضرب وصلنا.
أنت تقرأ
مقبرة أيلاند
Aventuraفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
