مقبرة أيلاند

Part 6

•واقفين في ذهول من هول المنظر باب طويل عريض تقيل اول مره يشوفوا مقبره في حياتهم المنظر مخيف مرعب يحبس الأنفاس بس المنظر بيشد والفضول مش قادر يقاوم•
خالد: حد يفتح الفلاش يا جماعه... ويا زياد تعالى شوف ايه النقوش دي.
زياد: ا..انا ليه وانا هعرف منين؟
خالد: متهزرش بقا انت دحيح الدفعه ومفيش حاجه متعرفهاش الله اكبر عليك ممكن بقا تخلي دماغك الحلوة دي تشوفلنا ايه النقوش دي.
زياد: احم طيب هحاول بس مش هعرف أترجمها زي ما هي مكتوبه بالبظبط بس هحاول.... الرموز دي تقريبا بتوحي ان في حاجه جوة مينفعش ان حد يفتح الباب عليها.
محمود: واااااو وعرفت ازاي؟
زياد: مقرأتش كتاب الرموز الفرعونية المصريه بتاع الترم اللي فات؟
محمود: seriously!! هو كان علينا الكتاب داه ؟
خالد: كمل يا زياد.
زياد: مش عارف ايه داه بس مش متطمن أياً كان ايه اللي جوه مينفعش ندخل ممكن بقا نمشي.
خالد:هههه خد هنا نمشي نروح فين كمل ياعم ايه النقوش الباقيه.
زياد: م...مش عارف بس النقوش كلها تقريبا نفس المعنى او بتقضي نفس الغرض حماية المقبرة او تحذير الناس.
محمود: طب وسع كدا ناخد كام صوره قبل ما ننسى اللي احنا جايين عشانه.
زياد: طب النقش داه مش قادر أفسره له كذا معنى زي ما يكون كلمة ليها مترادفات كتير كلهم نفس المعنى او كلمه ليها معنيين مختلفين تماما زي كلمة ساعة هل لما تقولها بتبقا قاصد ساعه اليد؟ ولا الساعه اللي بتمر؟ مش عارفين ،اللي بيوضح سياق الكلام طبعا بس هنا سياق الكلام مش مفهوم كلهم يعتبر نفس ... نفس المفهوم انا.. انا توهت حقيقي.
خالد: توهت ايه ركز كدا وحاول تاني.
زياد: يارب رحمتك... ماعلينا النقوش بتقول محدش يحاول يفتح المقبره عشان في حاجه جوه لو حد وصلها مش هيعرف يطلع منها.
خالد: اشطا اوي افتح الباب بقا.
منار: انت بتهزر صح انت مسمعتش زياد بيقولك مينفعش ندخل.
خالد: المحظور مرغوب افتحوا معايا الباب بقا ممكن.
محمود: انت مش شايف الباب عامل ازاي داه هنفتحه ازاي اصلا ولا عشره يقدروا عليه.
بسمة: طب اكيد ممكن يكون فيه حاجه بتدوس عليها مثلا زي زرار او علامه مثلا او نقش مجسم باين من النقوش اللي على الباب تدوس عليها حاول كدا يمكن ينفع.
محمود: وسع كدا يا زياد اجرب.
•محمود قعد يحسس على الباب براحة خالص وبهدوء عشان يلاقي اي حاجه يعرف يفتح بيها الباب•
محمود: أهي لقيتها النقش داه.
بسمة: دوس عليه كدا.
محمود: مش راضي.
بسمة: طب جرب كدا لفه يمين او شمال.
محمود: مم لا برضو.
زياد: لفه ودوس عليه.
محمود: ياچينيس ايوه فتح اهو مش عارفين من غير ملاحظاتك دي كنا هنعمل ايه.
***********
•خالد دخل بكل هدوء في المقبره كانت معتمة لدرجه ان العتمة كانت شبه بتبلع النور يكاد شايفين نفسهم والطريق اللي ماشيين فيه كان طريق ضيق طويل نقوش في كل ركن على الجدران على السقف على الارض يا ترى ايه اللي جوه اللي خلى الفراعنة يحطوا النقوش دي كلها هل هي تحذير ولا حمايه ولا ايه وكل داه لسه ماشيين لغايه ما دخلوا ف مكان واسع كبيرتين بوابات كتير مش عارفين يدخلوا انهو بوابه خالد لمح منهم بوابه كبيرة اوي شكلها مختلف عن الباقي ومقفوله بسلاسل غير الباقي اشمعنا دي زاد فضول خالد يعرف ايه اللي جوه او ايه اللي مستخبي جوه•
خالد: زياد تعرف تفتح الباب داه؟
زياد: باين انه عايز مفتاح اكيد.
خالد: مانا اكيد عارف انه عايز مفتاح هتعرف تفتحه من غير المفتاح.
زياد: هح.. هحاول بس محتاج بنسة شعر ودبوس.
•بسمة شدت البنسة من شعر منار ودبوس من شنطتها•
منار: اااه في حد بيشد البنسه كدا ماتقولي وانا هدهالك.
بسمة: بس يازنانه انتي.
زياد: اهي اتفتحت.
محمود: طب ابعد كدا اخد كام صوره للبوابات دي.
خالد: خلاص يلا.
محمود: وقفت ليه ياخالد.
خالد: oh my god انت متخيل المنظر داه.
محمود: ايه كل داه كل دي كتب ولا مكتبه الإسكندرية ياخي.
خالد: يا ترى ايه كل الكتب دي ولازمتها ايه هنا ودي شكلها دايب خالص.
زياد: متحاولش تمسك اي كتاب عشان... عشان م..
•محمود قاطع زياد: فهمت عشان ميدوبش عشان بقاله سنين هنا عارف شكرا للإفادة.
منار: انتوا مش شايفين ان الحيطه دي شكلها غريب شويه.
محمود: مش عارف بس شكلها مختلفة عن الباقي.
خالد: مختلفة جدا عن باقي حيطان المقبره زي ماتكون جديده بس ازاي داه!
•محمود بيلف ف المكتبة وبيبص على الكتب وهو ماشي خبط رف بالغلط الكتب كلها وقعت وصندوق خشب تقيل مقفول بسلاسل كتير وقع كمان•
زياد: قولتلك ايه يامحمود.
محمود: خبتطها غصب عني يا زياد.
خالد: افتحها يازياد.
زياد: زياد هيقتل نفسه قريب.
خالد: ههه ماشي ياخفيف يلا افتحها.
زياد: اهي ياخويا فتحتها ارتحت.
محمود: ايه داه شكله غريب بس مألوف دي شبه الأساور بس عريضه اوي وبازه اوي يعني.
خالد: ممكن تكون اسوره لكاهن او ملك.
•محمود وهو ماسكها جه يحطها على ايده يشوفها مسكت فيه جامد وبدأت تحيط بدراعه كأنها جزء منه مش عارف يشيلها حاسس بيها بتتغلغل جوه لغايه عقله ،عينه لفت بقيت بيضاء تماماً ووقع على الارض وفجأة قام وعينه رجعت ورجع لطبيعته•
خالد: ايه اللي حصل دلوقتي داه؟
زياد: م...مش عارف بس انا خايف يا خالد.
خالد: انشف كدا واسترجل شويه.
بسمة: محمود.... محمود انت هنا ... الوووو.....محمووود.
محمود: ايوه ايوه ايه اللي حصل؟
خالد: حاسس بإيه؟
محمود: مش عارف مش مظبوط بس انا شوفت حاجه غريبه حاجه زي ماتكون كنت عايش بس في حته تانيه خالص كنت شخص تاني ... مش عارف .. ومش فااكر بس انا حاسس بحاجه غريبه في عقلي.
منار: طب دوروا على حاجه نشيل بيها الإسورة دي من ايده اي كتاب فيه اي طريقه نشيلها اي مفتاح اي حاجه.
•الكل قعدت يدور في المكان على اي حاجه يشيلوا بيها الإسورة من أيد محمود•
خالد: بصوا لقيت ايه!!!
زياد: مش معقول ايه داه بجد!!!!
بسمة: ايه لقيت ايه.
********
•الكل اتخض من اللي حصل لمحمود وخايفين وزياد مرعوب وخالد كان خايف بس فضوله كان مغطي على خوفه ومش عايز يصرح بيه عشان محدش يترعب والموضوع يفلت وميحققش اللي هم عايزينه بس ياترى ايه اللي لاقاه خالد وهل هيعرف يشيل الإسورة من أيد محمود وايه اللي هيحصل لمحمود ياترى....•