الفصل (٢٥)
منار: امال رمضان راح فين كل داه، الفجر قرب.
رمضان: القمر بينادي.
منار: اه امااال ،هو كدا خلاص هو داه لبس الفرح؟
رمضان: لا لسه الورد ،والزينه ،وشويه ميكاج كدا ،بس عشان مفيش حاجه تتبهدل قبل الفرح.
منار: ميكاب واو، في ميكاب هنا؟
رمضان: ميكاب ايام الفراعنة اديني عقلك! شويه احمر على خدودك وكحل ف عينك وخلصنا وانتي شكلك حلوة اوي بجد ،انتي هتبقي مراتي مش مصدق!.
منار: قصدك الزوجة التانيه.
ومضان: ههه ولا تانيه ولا تالته ،انا رميت كل حاجه ورايا خلاص ،انتي مراتي الاولى والأخيرة.
•منار في سرها: في أسوأ أحلامك ان شاء الله.
رمضان: وعالعموم انا جبت الخمرة اللي طلبتيها، ايه مش ناويين نقضيها ولا ايه قبل الفرح ،عاوزك تقوليلي كل حاجه عنك.
منار: اشرب بس كوبايتين تلاته كدا ،وانا هحكيلك كل اللي انت عاوزه.
رمضان: ماشي ياستي في صحتك.
*********
زياد: خالد افرض ملحقناش منار،وتتجوز رمضان ،ويمد ايده عليها ،الكلب الواطي ،داه انسان بجح بجد.
خالد: يابني اهدى، مفيش حاجه هتحصل ،منار مش هتخليني مد ايده عليها اصلا، ممكن نسكت بقا عشان وجعتلي دماغي بالسيرة دي.
زياد: مانت مش فاهم.
خالد: فاهم ايه!
زياد: خلاص ياعم فكك ،ايه مش هندخل المعبد ،ولا هنفضل نتفرج عليه!
خالد: طب بصوا انا هدخل انا وزياد وأستاذ احمد، بسمة وأستاذ طارق استنوا برة ،ولو لمحتوا حد قرب من هنا نادوا علينا علطول.
بسمة: متطولوش بس عشان انا بزهق بسرعه.
استاذ طارق: ممكن نقعد على سلم المعبد بدل وقفتنا دي.
بسمة: تسلم يعمو.
********
خالد: محمود ممكن تسند على الحيطه دي بس في الركن ،وانا وزياد هندورعلى المرايا ونجيلك علطول.
محمود: طيب روح الحق زياد بقا.
زياد: خالد المعبد كله ضلمة كحل هنشوف ازاي؟
•خالد بدأ يحسس على الحيطة، يدور على اي حاجه ينور بيها ،لقى عصيان متعقله في الحيطة، زي اللمض بس دي هيولعها ازاي•
خالد: زياد تعالى هنا بص عايزين نولع دي عشان نشوف.
زياد: بسيطة هات من محمود ولاعه.
خالد: ومحمود هيبقا شايل ولاعه ليه لامؤاخذة؟
زياد: امال بيشرب سجاير ازاي يا فالح بيولعها بصباعه!
خالد: عندك حق هات منه الولاعة.
زياد: وسع كدا اولعها، الله الله الولاعة قربت تخلص.
خالد: ولع عصايه واحده بس وناخدها نلف بيها المعبد.
زياد: هندخل فين الاول في طرق كتير .
خالد: ندخل يمين طيب الاول ندور.
زياد: طيب يلا.
خالد: شايف العواميد الكتير دي والسقف عالى اوي اوي.
زياد: بس داه فاضي خالص امال معمول ليه المعبد داه؟
استاذ احمد: داه كان معبد كاهن واحد بس ،اللي هو كاهن الملك والطرق كلها زي الحلقات بتوصل لأوضه اخر المعبد اللي هي اوضه العباده والصلاه والطقوس والكلام من داه.
خالد: طب انت لما دخلت ، دخلت ازاي كان فيه مرايا ولا ايه؟
استاذ احمد: كانت في اوضه الصلاه ،كانت حيطه كبيرة اوي ملساء جدا ،كانت بتعمل امواج زي امواج البحر ،بس مكنتش زي المرايا كانت شبه امواج البحر جدا ،وكانت بتطلع صوت.
خالد: يعني لو دخلنا ممكن نلاقيها ولا ايه؟
زياد: ما ندور هنخسر ايه يلا ع الاوضه.
خالد: يالهوي دي الاوضه زي مكتبه المقبره كبيرة اوي.
زياد: قلبي اتقبض فجأة كدا.
خالد: زياد ايه الكلام اللي فوق في الحيطة دي؟
زياد: استنى طيب...*هنا تكتمل اللعنة*
خالد: يعني ايه؟
زياد: مانا زيي زيك لسه قاريها هعرف منين!
استاذ احمد: قصده على الإسورة.
خالد: اللي في أيد محمود!
استاذ احمد: اللي في أيد محمود واللي في أيد الملك.
خالد: يارب تكون منار عرفت تاخد المفتاح عشان نخلص.
*******
منار: ايه ياحبيبي ما تشرب كوبايتين كمان كدا ،دانا قعدت ارغي كتير.
رمضان: كملي يا حبيبتي صوتك عذب.
منار: هو انا بغني، رحمتك يارب.
رمضان: ههه طب ما تغني.
منار: كوبايه كمان كدا وشكلك هتدخل في غيبوبه... ايه ياحبيبي حاسس بإيه؟
رمضان: عاوز انام.
منار: نام ياحبيبي نام ،نامت عليك حيطه ياكش تولع.
رمضان: هنام هنا شويه ولما الفرح يبدأ صحيني.
منار: اه طبعا عنيا حاضر تصبح على خير.
أنت تقرأ
مقبرة أيلاند
Adventureفي جزيرة نائية بعيده ذهب مجموعه من الأصدقاء لاستكشاف مقبرة فماذا سيحدث لخالد وأصدقائه؟ وما الأحداث التي ستدور داخل هذه الجزيرة؟ وهل سيستطيعون النجاة مِنَ الذي سيحل بهم ام ماذا؟
