ဇာတ္​လိုက္​ကိုကယ္​တင္​ပါ

သခင်လေးသည် သွေးအေးသည် - ၂၈

ရှောင်းယန်အဖေနှင့် ကျောင်းလီ၏ တုံ့ပြန်မှုက တစ်ပုံစံတည်း။

ရှောင်းယန်ကို သူမြင်မြင်ချင်း မအံ့သြဟုပြောလျှင် လိမ်ရာကျလိမ့်မည်။

တကယ်ဆို ရှောင်းယန်က သူစွန့်ပစ်ခဲ့တဲ့ သားပဲလေ။

တခြားနည်းနှင့်ပြောရလျှင် ရှောင်းယန်အတွက် ဒီအိမ်မှာ တစ်ယောက်တည်းနေပြီး တစ်ယောက်တည်းသေဖို့တော့ မဖြစ်နိုင်

ဒီနေ့ ဒီကိုလာတော့တောင် ကျောင်းလီက သူ့အတွက် အတော်လေးအဆင်ပြေသည့်ဆရာမတစ်ယောက်ရှာတွေ့ထားကြောင်းပြောခဲ့သည်။ ရှောင်းယန်ကိုအတော်လေးပြောင်းလဲထားသည်တဲ့။

သို့သော် ရှောင်းယန်အဖေကမူ သိပ်မျှော်လင့်မထား။ ဘယ်လောက်တောင်ပြောင်းလဲနေမှာမို့လို့လဲ?မျက်နှာမပျက်ရရင်တောင် အတော်အဆင်ပြေနေပြီ။

သို့သော် အခုတော့ သူ့ရှေ့တွင်ရပ်နေသည့် ကောင်လေးမှာမူ  ချောမောခံ့ညားကာ ရှင်းသန့်နေသည့်ပုံစံနှင့်။ ထို့အပြင် မိတ်ကပ်ဖို့စရာမလိုအောင်က ကြည့်ကောင်းသေးသည်။

သူ့အတွက် တစ်ဖက်ကလည်း မယုံကြည်နိုင်သလို ကျန်တစ်ဖက်မှာလည်း ဂုဏ်ယူစိတ်လေးက ရုန်းကြွလာသေးသည်။
ဒါ သူ့သွေးသား....

ရှောင်းယန်ဤသို့ပြောင်းလဲလာသည်မှာ ဂိုက်ဆရာမကြောင့်မဟုတ်။ သူ့မျိုးရိုးဗီဇတွေ အရမ်းကောင်းနေလို့ဆိုတာ သိသာသည်။
(Me : အိုင်းးးးးမေဘေးးးးး)

ထို့နောက် ရှောင်းယန်ဘေးတွင်ရပ်နေသော မိန်းကလေးကို သူဆက်ကြည့်လိုက်သည်။ နှစ်ယောက်သားက လက်ချင်းယှက်ထားကြ၏။

"သူကဘယ်သူလ​ဲ"
ရှောင်းယန်အဖြေကိုတောင်မစောင့်ပဲ တိုက်ရိုက်ကြီးမေးချလိုက်သည်။

ရှောင်းယန်နှင့် အားကျောင်း တစ်ယောက်ကိုတစ်ယောက်ကြည့်လိုက်ကြ၏။ထို့နောက် အားကျောင်းက
"မစ္စတာရှောင်း...ကျွန်မက ရှောင်းယန်ရဲ့ မိသားစု...."

"ငါက ရှောင်းယန်ကိုမေးနေတာ"

ရှောင်းယန်ဖခင်က နှာခေါင်းတစ်ချက်ရှုံ့လိုက်ပြီး အားကျောင်းကိုအဖက်မလုပ်။
"ငါက ငါ့သားကိုမေးနေတာ။တခြားလူတွေ၀င်ဖြေစရာလိုလို့လား?"