مساء الورد والياسمين والحب وخير والعافية أمسية العافية على كلوبكم حبايب كلبي طبعا بعد ماختمنه قصة #قلب يحيه العشق
وعدتكم بقصة جديدة وبديت بكتابتها طبعا هالمرة مختلفة مواقف اهواي واقعي أكثر من خيال بس قلبها خبروني أي قصة حبيتو 😍😘
مشاهد من القصة الجديدة
......
واكفة اباوع على الكل احس نفسي بغابة الكل يريد افتراسي مااعرف شنو لازم اسوي اسمع حجيهم واحسها سهام بصدري
...بسس انتو شنو من اهل معقولة أي دااسمعه ولكم هيج كلوبكم حاقدة ليش شنو ذنبي خسرت كولشي بلحظة صرت ولا شي بلحظة صرت مجرد اسم تعبت واني اخليلكم اعذار مليت الف عذر خليت بس علمود لا تتأذون وانتو شنو سوييتو هدمتو كولشي انييي شنو بس اريد افهممم تعببت و الله بس كل هذا ميفيد بعد على شنوو احجي وانتو ميغزر بيكم بس عتبي على الي طول عمري جنت اكول ماكو بصدقهم لييشش ضميت عليه ليش مااكتلتني مووواحسن شنووو فايدة عايشة بس على النفس هااا لا تبرر كولششي مااريد بس عوفوني بحااالي كااافي الي سمعته
..سمااااء اهدئ خلي
..لاااا على شنوو نتفااهم هاا كولي شنوو على وحدة اثنين عشرين سنة ولكم عوووفوني عساااني ممت لا عرفت ولا دورت وراكم بسس للاسف اشكد جنت اضن اني غلطانة والف عذذر سمعتتت...لاااا اوووكف مكانك لحد يقرب خلاص اني الي جبتها لنفسي واني الي انهي كولشي اياكم بيوم تتذكرون لو تحاولون ادورون عليه قسمااا اكتل نفسي وخطيتي بركبتكم
..عفتهم وطلعت اسمعهم صياحهم وعركتهم وكلمن يبذب اللوم على الثاني شنو الفايدة ركبت السيارة وهااي أول مرة اخااطر دموعي عشرة عشرة النفس كوة اسحبه راسي بده يأذيني أصواتهم والحجي يرن بأذني
..انتي مو بنتي انتي حفيدتي
..هالكلام خلاني اجن اشكد اتمنى حلم واصحه منه حسيت نفسي مجاي اسيطر ضوء قوي عمه عيوني واني منا دايخه ماحسيت إلا السيارة مكلوبه وشي حار ينزل على عيوني وبعدها ماادري
......
سائد..شنووو أنتم صدك تحجون ترا السالفة ماتدخل العقل
..وليش انجذب ههه ولك هو احنه لسه مصدومين اصلا السالفة كلها مجاي تتصدق
علي :ولكم اني شكووول لعد كل هالسنوات واحنه مندري لا وانوب ابوي ممصدك يكول جذب هي مااتت زين هااي منووو
...ترا الموضوع مجرد تسوون تحليل DNA تعرفون ليش مكبرين السالفة واذا ابوك اصلا مجان رايدها من حقه جدك يضمها عن الكل
...شسالفة ريان شنوو هالحجي انت صدك تحجي يعني مصدك
ريان :ايي ليش لا كولشي يصير
........
...عاااصم اريد بنتي ساامع هسه تجيبها والله كلبي نارر عليها احس اكو شي صاير
عاصم :خيررج حجية مجاي تشووفون اتصل وماكو انيي منين احصلها
رافد :حجي السيارة بيها جهاز تعقب نكدر نلاحكها
عاصم: والله عفيه متمشييي ليش واكف
اتصل جهازي رقم غريب حسيت نغزه بكلبي
..الووو
مجرد ماسمعت الكلام وكعت من طولي
...هااي مشاهد من القصة اتمنى تعجبكم
أنت تقرأ
قلوب من ريش
Romansaتحكي قصة فتاة عاشت طول حياتها في كنف والديها الذان ظهرا في بادئ الأمر هكذا ولكن تكتشف انهما جديها تعيش بسعادة لكن لا تدوم لها وتخسر الكثير في ان تحصل على راحة البال فهل يدخل العشق قلبها ليوقض تلك الأنثى الرقيقة من سباتها
