قلوب من ريش

البارت الخامس عشر

#قلوب من ريش
للكاتبة ضوء القمر

يگلبي الصوج مو منك
هاي الناس ما ترتاح الا تشوفك بحزنك ..

........
سماء.بعد ماانطتني العنوان ركبت سيارتي وطلعت طبعا هالحجي محد يدري بيه طالعه لو يعرف بابا ميقبل بس همزين هو راح يشوف شنو السالفة وهم استغليت الفرصة الكلام الي سمعته اهواي جرحني اذاني كلام قاسي ماكو احد يكدر يسمعه ويبقى ساكت غيري احتمال ميعرف شنو ممكن يسوي بس علمود يرجع كرامته واني شنو سويت اكتفيت بالسكوت مو لان مااكدر ارد محد بينه ضعيف احنه الي نخلق هالضعف واني كنت ضعيفه كدامه لان احترمت عمره وكلبه على ابنه الاثول الي من وراه صار الحجي كله عليه
..زين هسه اني اشلون راح اعرفه اشلون راحت عن بالي سالفة الصورة
بقيت ادور الحديقة كلها افتريتها وين ممكن يروح ولد بعمره وهو مقعد رحت على جهت الشط الي قريبة من الحديقة لكيت رجال ويمه ولد مقعد. اكيد هو ماكو غيره
..سلامُ عليكم

سرمد :منوو انتي
سماء.امم هذا مبين مو عاقل :بالاول رد السلام واكولك منو اني
سرمد :ليش اعرفج حتى ارد عليج
سماء :للاسف متعرف اني منو يله مو مشكلة كولي يحلو ليش كاعد هنا بهالوكت
سرمد :وانتي شكو تسألين وين تعرفيني
سماء :أول شي لا تصيح ولا تقلل أدب خليك عاقل احجي مثل مااحجي باحترام ثانيا من الأصول تتكلم بأدب ويه الاكبر منك ثالث شي اعرفك اشلون مو مهم هسه كولي اهلك يعرفون بيك هنا كاعد لو طالع بدون علم

سرمد :هيي انتي موو حضرتج تعلميني اشلون احجي وانتي شدخلج يعرفون ميعرفون مووو شغلج رووحي

سماء :هوو ليش كل هذا احنه دنحجي بهدوئ ولو انت تصيح بس ميخالف راح اعذرك يله يحلو خلينه نرجع لان اهلك بالهم يمك..اذا سمحت ممكن تساعدني اصعده بسيارتي

..بس السيارة موجودة
سماء :داشوف بس انت الحكنه بسيارتك وبعدين يتصرفون وياك يله

سرمد :هييي انتي منوو سمحلج تنطين أوامر هااا وعلى أي أساس اصعد وياج
سماء :شوف وكت ماعندي خليك عاقل أحسن من نوصل تعرف كولشي
بقه يصيح يضرب المهم صعدناه بالسيارة بس شنو شلع كلبي وصوته وصياحه دوخني لعنت الساعة الي فكرت بيها ادور عليك لوما كلام ابوك فلا اسويها دوخني يحجي ويغلط بس علمود يستفز المقابل وهالشي مو وياي اني مو بسرعة يكدر احد يستفزني بس صوته وكلماته قاسية احسه مجروح ليش هيج ضعيف مستقوي بلسانه غمضت عيوني بقهر اتصلت على ودق علمود اعرف همه وين عرفت ببيتهم للافندي دزتلتي العنوان وهذا سطر راسي ماوصلنه إلا عيوني بيض نزلت ونزلته بمساعدت السايق ودفعته داخل البيت وهو مستمر يحجي بكلام جارح دخلنه للبيت والكل من شافنه انصدم

علي.من دخل سرمد ماجان هو الصدمة لا الي يدفع الكرسي سماء ابد متوقعتها واكيد طبعا الانزعاج واضح كلش بملامح الافندي
..سرمد هاي وين جنت