#قلوب من ريش .#ثأر القسورة
للكاتبة ضوء القمر
وانتــــظرتك 🙏
ســـالفة بـــردان
يتـــوسل شــــمس
تــــطلع بعـــز اللـــــيل
.......
وائل :شنو حضرتج تعاندين اسمعي نهى لحد هسه اني ضابط اعصابي اذا فلتن متعرف شنو ممكن اتصرف
نهى :وائل انت ليش مراضي ترا هذا شغلي واني حرة لو شايفه اكو خطورة عليه فلا اقبل بس ماكو شي واني مجرد محاميه شنو ممكن يصير عليه
وائل.مسحت وجهي واني كوة مصبرها لروحي هاي بله شحجي وياها :نهى اسمع وبس اذا انتي تشوفين ماكو خطورة على حياتج فاحنه نشوف خطورة
نهى.والله حرت وياه :هاي اشبيك وائل شنو خطورة وين المشكلة حاجيني كولي
وائل :مو كلشي ينحجي اسمعيني ولا تصيرين عنوديه انتي متعرفين هالقضية اشبيها من بلاوي
احسان :نهى خلاص اهواي حجيتو انسحبني من القضية وبس مفهوم
نهى.اني هيج مراح اكدر اتحمل يعني جنت انتظر استلم هيج قضية هسه يجون يمنعوني لا مستحيل بس اشلون اقنعهم لازم الكه حل للسالفة مستحيل اتركها :بابا ترا انتو هيج داتدخلون بشغلي واني مااحب هيج شي اني مو وحدي مستلمه القضية اكو وياي يعني اذا وائل يكول اكو خطورة على حجيه لازم نترك القضية وهيج نخسر اهوواي ليش متفهومني اني ماعليه شي مجرد لزمت القضية رجاءً لا تمنعوني
وائل :استغفرالله ربي واتوب اليه لج بابا انتي دااتفهمي شنو اكول عوفي القضية واذا خسرتو شنو يعني أول لو آخر مكتب يخسر
نهى :كله لان القضية تخص شيخ ثابت موو
وائل.خررب معقولة التقت بي ولو اكيد التقوو مو خوش سالفة ابد :انتي وين عرفتي و شفتي
نهى :ترا صاحب القضية اشلون ما اعرف وادري هو نفسه الي جنت يمه من كالو انت ميت
وائل :اشللون انتي شتعرفين عن السالفة
نهى: على كيفك اني مااعرف كولشي مجرد شي بسيط الي هو انت انت جنت عنده غير شي مااعرف
وائل :شوفي اني تعبان من القضية وهمزين مارحت بيها اذا هالمرة نجيت منها المرة الجاية مو بس اني اروح لا انتي خالي ماجد وغيرنه أحسن شي اتركين القضية وقسما لو عرفت بعدج مصره عليها متلومين إلا نفسج الج يومين تفكيرين وتعوفين القضية..كمت من مكاني واحس راسي راح ينفجر. يله هالي اني اترخص
احسان :بعد وكت ابو زيون خليك
وائل :تسلم خالي بس تعبان هاي من المركز اجيتكم غير مرة ان شاء الله..باوعت عليها ادري بيها مراح تسكت..نهى بعد مااحجي ساامعه. سلمت وطلعت ركبت سيارتي والف فكرة براسي هذا ثابت عنده شي ليش نهى بالتحديد صح هي شاطرة على الرغم مصارلها اهواي بهذا المجال بس شاطرة وتعرف اشلون تكسب القضايا بس متاكد عنده شي
..خبلتني ودق بالعشر مكالمات منها .حتى حياتي مشايفها وخاصه بعد منقلت هنا زاد الشغل والتعب. وصلت للبيت فتحت الباب ولكيتها واكفه بالحديقة اباوع عليها هي وبطنها كدامها اني مقصر وياها حتى هي تعبت مني من كد ما صاير عصبي دخلت سيارتي وورحت عليها ادري بيها ضايجه وزعلانه أول شي سويته نزلت على ركبي وبست بطنها
..اشلون اليوم يبطل ليش متعب امك
أنت تقرأ
قلوب من ريش
Romansaتحكي قصة فتاة عاشت طول حياتها في كنف والديها الذان ظهرا في بادئ الأمر هكذا ولكن تكتشف انهما جديها تعيش بسعادة لكن لا تدوم لها وتخسر الكثير في ان تحصل على راحة البال فهل يدخل العشق قلبها ليوقض تلك الأنثى الرقيقة من سباتها
