قلوب من ريش

البارت الرابع .الجزء ٢

#قلوب من ريش ج٢ #ثأر القسورة
للكاتبة ضوء القمر

ضاله بگلبي افترگنه بلا وداع

بلا بواچي عاد لو متشابگين

......
سماء.سافرنه لاربيل طبعا بابا ميدري بروحتي ماحبيت اكوله خاف ميقبل او يظل يسأل بس يدري اني رايحه لاربيل أجهز لعرسي وفعلا جنت هيج مقررة حتى ريان ميدري بهالشي بس رافد يعرف وهم اسبوع اقنع بي يله قبل نزلنه بمطار اربيل محسيت باي راحة .من يوم ما عرفت انو الي تتسمه امي هه خوش ام عايشة هنا نويت اجي واشوفها مو علمود شي بس اريد اشوفها من بعيد بس مستحيل بيوم اسامحها او اقبل بيها ولا حتى اخليها تشوفني ويصير بينه أي كلام راح يكون تعاملي وياها مثل أي شخص مر من يمي هيج راح يكون تصرفي وياها اقل من شخص ضربني بكتفي صح مو من طبيعتي بس هيج أشخاص هيج يكون التصرف وياهم .اول يوم جنت تعبانه مطلعت ثاني يوم الصبح اتصل بيه وجهوا نفسي منوكعدت واني احس بضيق وخنكه جهزت نفسي ونزلت لكيته منتظرني جوة طلبنه سيارة وطلعنه ماادري اشو اخذني على مطعم وكلي راح تجي هنا

سماء :رافد اشلون راح اعرفها
رافد :والله انتي تجيبين المشاكل لروحج لو اطير هسه شكو متعبه نفسج
سماء :اهوو هم راح نرجع لنفس السالفة اكولك هي شغلة نخلصها ونرجع
رافد :اكدر عليج اني نشوف وين راح توصلين..هاا وصل طلبج

سماء. اهواي ناس دخلت اريد اعرف منو يقصد مكدرت :شنو رافد صدوك تحجي وين راح اعرفها
رافد :هه ذيج الي لابسه ستره بيجي وشال احمر

سماء.ركزت ولكيتها كانت مجرد مرأة عادية أي جمال يشبه ملامحي ماكو صح حلوة بس أي شبه ماكو وهم مبين عليها الغرور كان وياها ولد يطلع عمره ب١٥ او اكثر
..هي هاي .حجيتها باستهزاء

رافد :أي هي هاي أشبيج هيج مستهزئة
سماء :ههه تصدك ماادري يمكن لان متوقعتها هيج ولا تخيلتها بهالشكل
رافد :وهسه شنو مقررة
سماء.شربت كهوتي :ولا شي نطلع خلص شغلنه نروح نشوف البدلة
رافد :والله تحجين
سماء :ههه أي والله شكوو لعد كوتلك متهمني بس مجرد ارضي فضولي للي مفترض هسه اني روحها مو مجرد عثرة بماضيها
رافد :متوقعت هالشي منج سماء انتي متاكدة من كلامج
سماء :اكيد أكثر من أي وقت بس شغلة هذا ابنها
رافد :براحتج هاي حياتج اي هذا امير اخوج
سماء :ههههه حلوة هاي اني معندي اخوه ولو هو شعليه بس ماعدها غيره
رافد :أي عرفته ماعدها بس هذا
سماء :غربية اشعجب وهي من واحد وعشرين سنه متزوجه موو كلت انو بعد طلاقها مباشرتا متزوجه
رافد :أي هذا الي كلي عنه حامد بس كال انو صاير عدها مشاكل واتوقع السبب من جانت حامل بيج تعرضت لمشاكل صحية

سماء :تمام يله نطلع احس نفسي مخنوكه
رافد :تمام يله
طلعنه نمشي وهي ولا حرف نطقت ماادري اذا ضايجه لو متندمه لان اجتي
..سماء
سماء :هاا
رافد :ليش ساكته
سماء.اخذت نفس :شنو تريد احجي السكوت هو افضل شي هسه
رافد :يعني خلاص هالموضوع مراح ينفتح مرة ثانية
سماء :أي مات بنفس المكان الي كنه بي
رافد :يعني
سماء :مثل مامات ذلك هناك هي هم ماتت اصلا همه من أول ميتين بالنسبة الي جانو ميتين بروحي وهسه بعيوني وبكل جوارحي
رافد :هذا هو الصح بس اياج بيوم تنسين هالشي احتمال يجي يوم وتنجبرين تنحطين بموقف يخليج تتنازلين عن هالحجي كله