قلوب من ريش

البارت الخامس. الجزء ٢

#قلوب من ريش ج٢.#ثأر القسورة
للكاتبة ضوء القمر

-
زاعلت كل سالفه تذكرني بيك

الجنت احبهن والبقن والمابقن .!
.........
اشلوون حجي هذا انت متاكد
..ايي متاكد وهم اكو شهود وأدلة
..لا مستحيل هالشي .....
...نرجع لقبل ١٤ ساعة ....

وائل :مااستغرب كل هذا منك
ثابت :أي سيادة الرائد اشعجب اجينه على بالكم
وائل :انتو اصلا دوم على بالي
ثابت :شي حلو أي بشنو اخدمكم
وائل :ليش تتوقع جاين بشغلة مجرد حبينه نشوفك
ثابت.هه حلوة هاي نشوفك العبوها على غيري :امم مابيها شي خليكم الليلة هنا واستمتعو
جعفر :اريد اسالك هالمكان الك بس
ثابت :أي من السيطرة لحد ماله نهاية الي
وائل :من لهجتك مامبين منا

ثابت.اشلون يريدون خلك واني خلك ماعندي :صح اني مو منا ..الكهوة يولد

جعفر.من خلال الحجي كدرت اميز انو مجان حاب جيتنه او عنده شي بس شنو مجاي اكدر افكر

وائل.الحراس مشددة لذا اكو شي موجود هنا معقولة هنا الي عنده شي وياهم يجيبهم ويعذبهم ممبين هالشي
..شيخ ثابت احنه نطلع

ثابت.افر بسبحتي واني متاكد يشكون بشي عادي مراح يهمني :بعد وكت ابقو الليلة

وائل :لا منكدر بس سؤال ليش اختاريت مكتب واستاذ جواد

ثابت :محامينه يفيدوني وهم القضية مراح تخسر ليش عندك اعتراض إلي حق اختار أي مكتب

وائل.قربت من يمه ووجهي صار مقابل وجه عيونه عيون اسد كلها قوة :ابتعد عن هالمكتب

ثابت.اتوقعت راح تكول هيج سلمت عليه وشاورته :الشيخ من يريد شي يسوي فلا تحاول تتدخل بشغلي يكون أحسن الك

وائل.رغم اشكد هو هادئ بس عيونه نار حرب من العصبية ابتسمت نص ابتسامه وطلعنه وهم نفس الوضيعه بحيث بدي الزمهم اقضي بيهم التوبة .وره فترة نزلنه بنفس المكان الي وكفنه بي ماادري ليش مجاي اكدر احدد مكانه بالضبط
..ها جعفر شنو تتوقع
جعفر :افكر اجي بالنهار واحسب المسافة الي قطعناها

وائل.حركت ورديت عليه :متكدر مجرد ماادخل هالمنطقة تكون محاصر يعني جيتك بلا فايدة
جعفر :ليش سيدي
وائل :هالمنطقة اله يعني أي شخص يدخل يعرف بي ومتأكد هالمكان كله اله
جعفر :هيج راح نحتاج جاسوس بينهم
وائل :يتقتل مباشرتا لا تحاول خلي نرتب الوضع ونشوف
..
وائل.كاعد بالمكتب يم خالي ودخل عليه ملازم هيثم

ماجد :  اشلوون حجي هذا انت متاكد
هيثم: .ايي متاكد وهم اكو شهود وأدلة
ماجد :لا مستحيل هالشي

وائل :لحظة بس هلي افهم منك تقصد ابو درع مختفي طول هالفترة
هيثم :أي سيدي كنه نتوقع انو هو مسافر بس من خلال مراقبتنه اله عرفنه انو هو مو مختفي لا شبه عايش
ماجد :من اشوكت هالحجي
هيثم :تقربيا اكثر من اربع اشهر