#قلوب من ريش
للكاتبة ضوء القمر
هاي صار سنين وحدي
لاحضيت بملگه صدفه
ولا مساوم مشتهيني
ماخطرت ابال واحد يشتريني
........
ريان :وينك عيني دكتور
سائد :هاي طلعت انت وين
ريان :واكف بالباب يله اطلع
سائد :هاي طلعت .ركبت السيارة
السلام عليكم
ريان.مرتجي على باب السيارة :وعليكم السلام ادري متكلي شسويت كل هذا تسبح وتبدل
سائد :هههه ترا بعد وكت اشبيك الطيارة بعد ساعة
ريان :خاب ياساعة دشوف ساعتك عدل بقى نص ساعة
سائد :حيلل ولا منتبه يله هسه نوصل
ريان :سائد خليك فاهم لكل كلمة تسمعها مااتوقع راح يحجون بالايراني
سائد :والله هاي سالفة اذا صدك حجو
ريان :انت احجي وياه انكليزي وهيج وفر عليك المهم كلشي يصير سماء تعرف بانو كلبها تعبان بس اشكد متعرف انتبه لا تعرف هيج راح تتأثر هي اكثر
سائد :اكوول شنو هالخوف كله ريان اني عندي حجي وياك من ارجع المهم هسه كولي شصار على موضوع التحليل يااخي تأخرو اهواي
ريان :هههه لك كل هذا راح توكع براسك المهم عوفنه هسه والله كالو اليوم بعد ماادري بس اذا فعلا اليوم مااجابوه اني اعرف اشلون اتصرف وياهم
سائد :يله خلي نشوف انتظر منك خبر تدري ريان
ريان :شنو
سائد :خاايف
ريان :الحجية
سائد :أي اهواي ماادري ليش احسها مراح تصير زينه
ريان :كلشي بيد الله ابو فهد خليك قوي انت دكتور كل الاحتمالات موجودة
سائد :ماادري بس صعبة جدي وسماء الي راح تكون اكبر كسرة الها
ريان :اكيد طبعا ان شاء الله تكون بخير الله ارحم بعده يله ابو فهود وصلنه بعد مااوصيك
سائد :اني الي مااوصيك
ريان :بعيوني
نزلت وياه دخلنه صالة الانتظار جانو كاعدين طبعا حاجزين درجة أولى علمودها سماء تحاول توفر كلشي الها ربي لا يفجعها بيها اباوع عليها ملاك ونازل من السمه شنو بيها مينحب اشو كلها على بعضها تدخل الكلب ان شاء الله بس خلي ترجع ويصير خير بعيونها خوف اهواي حقها والله محد يلومها هاي الام الي محد يكدر بديل عنها من درت اسلم عليها
..سماء مراح اكولج انتبهي عليهم اعرف كل الزين انتي حاطتهم بعيونج بس اكولج انتبهي على نفسج وخليج قوية اياج تضعفين حتى كدام نفسج فاهمه الي اكوله
سماء.ماادري اذا راح اكدر او لا بس كلامه مشجع الي انطاني حافز اكثر ومااخاف من شي
...ان شاء الله شكرا الك د ههه ريان
ريان :تدللين ورده اني انتظر جيتج وانتي فرحانه
سماء :إن شاء الله ادعيلنه
ريان.عيونه تشابكن سوه حرت بسماهن تهت وما اريد الي يطلعني منهن عمري مااصفن بشي كد ما صفنت بعيونها شفت ارتبكت وخرت عيوني عنها وودعتها وراحو بس حسيت بنقص ماادري شي
..
سماء.ركبنه الطيارة ماما هي وبابا واني وسائد طبعا رافد سافر قبلنه بيوم
سائد :سماء كوليلي الوضع وياج اشلونه
سماء :أي وضع تقصد
سائد :وجودنه بحياتج دخول فجأة وانتي فاقدة الذاكرة وكل الي صار
سماء :بصراحة كله على بعضه هوسه
سائد :اشلون يعني هوسه
سماء :خليك بمكاني تصحه وتلكه بحياتك ناس أول مرة تعرفهم او تعرفهم بس متذكر أي شي عنهم شنو راح يكون موقفك هاي اني هيج لحد هسه ممصدكة بوجودكم تتصور كل يوم اكول هذا مجرد تخيل او وهم لان عشرين سنة اني ماعندي اقارب او لي معرفه بعيدة حتى ماما وبابا من كانو يطلعو الي اعرفه اصدقاء وقريبا الكل اعرفهم عدا كم شخص ماعندي معرفه فشحال ويطلع عندك أهل وولد عم وعمات وكذا وأمور آخر كل هذا ترا مو شي سهل واني لحد هسه مااذكر شي وانتووهم ماحجيتولي شي
أنت تقرأ
قلوب من ريش
Lãng mạnتحكي قصة فتاة عاشت طول حياتها في كنف والديها الذان ظهرا في بادئ الأمر هكذا ولكن تكتشف انهما جديها تعيش بسعادة لكن لا تدوم لها وتخسر الكثير في ان تحصل على راحة البال فهل يدخل العشق قلبها ليوقض تلك الأنثى الرقيقة من سباتها
