#قلوب من ريش
للكاتبة ضوء القمر
يمه روحي بعدج وردة
وذبلت بعز الماي شلي
بدنيه انفاسج مابيها
هيجي من الله انفاسي
معلكه بانفاسج 🥀🥀
.......
آسفة جدا على هالبارت حزين جدا اعتذر لكل شخص فاقد امه ربي يرحم كل ام ويصبر كل فاكد عزيز 😔🥀....
.......
...ويه صلاة الفجر صليت وماما هم صلت كالعادة انام بحضنها هالمرة ابد مااجاني نوم حاولت بكل الطرق بس النوم هجرني كلبي احسه مو طبيعي يلوب ماما نفسها مااحس بي حسيت بخوف سرة بكل جسمي وكلبي زاد نبضه خايفه اكوم واشوف نبضها خايفه كولش شجعت نفسي وكمت وياريت ماكمت وشفت الي شفته صرخت ويه صرختي الكل اجه
...وللج يممممه.......
فراس.توني اريد انام وسمعت صرخت سماء ركضت عليها بحيث بعد مااشوفه خفت بيبي بيها شي مثل المفزوع دخلت للغرفة لكيتها حاطتها بحضنها وتبجي وتصرخ رجليه ماتن اريد اتقرب منها حسيت النفس قل عندي اباوع عليها وهي تصرخ وتحاول تكعد بيها ماحسيت إلا جدي وهو يصيح عليه
عاصم :زهرررة لا بعدج مو وكتج وللج زهرة فررااااس السيارة بسرعة
فراس.فزيت على روحي وركضت انوب تيهت وين خليت المفتاح الصياح اخذ بالي كله المشكلة جان كدامي بس من دهشتي والخبصه راح عليه فتحتها وركضت ويه جدي جدي منخطف لونه وسماء وودق هذني فقدن شلتها ويه جدي وركضنه بيها خابرت على سائد بلغته اصلا من وصلنه للمستشفى هي بدون نفس لان كان وغف ابيض طالع من حلكها(آسفة على هالكلام بس فعلا صار هالشي ) من اخذوها منه جدي وكع من طوله اباوع عليهم يحاولون وياها بالصعقه الكهربائية بس ماكو روحها طلعت كان عندي امل بس من شفتهم غطوها هنا صدك انهاريت
الدكتور :البقية بحياتكم للاسف المريضة وصلت نفس مابيها ترحمولها
عاصم :لاحول ولا قوة الا بالله العلي العظيم آنا لله وآنا اليه راجعون اللهم لا اسألك رد القضاء ولكن نسألك اللطف بنا ااااه يايابه هديتي حيلي
فراس.شنو اكول وشحجي بهيج موقف قبل ساعات كنه نسولف ونضحك وهسه نترحم عليها لا حول ولا قوة الا بالله العلي العظيم أستغفر الله موت بيبي اهواي اثر بيه بالي يم ذيج الي عفناها تصرخ رحت يم جدي بشنو اكدر اواسي بهيج مواقف اللسان يعجز يواسي حجيت والعبرة خانكتني
..البقه براسك جدي
عاصم :ولك بويه راحت الغالية راحت وخلتني وحدي اكمل الدرب من ارجع شكللها امج بعد مترجع اااخ يابويه انكسر ظهري خابرهم خلي يجون
فراس :خبرتهم هسه همه بالطريق
بقيت حاير بجدي الي راح يمها ويبجي الي عرفته من الدكتور انو ضاربتها جلطة اووف ياناس عزيزين بنفس السنه صعبة ودق مابطلبت تتصل
..هاا ودق متكوليلي اشبيج
سماء :بغلات اعز ناسك كولي مابيها شي
فراس.قهرتني حسيت نفسي انكطع شرد عليها سكت وبس النفس اجره
..سماء انتي مؤمنه تعزي بعزاء السيدة زينب
أنت تقرأ
قلوب من ريش
Romantizmتحكي قصة فتاة عاشت طول حياتها في كنف والديها الذان ظهرا في بادئ الأمر هكذا ولكن تكتشف انهما جديها تعيش بسعادة لكن لا تدوم لها وتخسر الكثير في ان تحصل على راحة البال فهل يدخل العشق قلبها ليوقض تلك الأنثى الرقيقة من سباتها
