قلوب من ريش

البارت الثالث

#قلوب من ريش
للكتابة ضوء القمر

يكول
هم اشوفك جاي اشم ريحة امل
يلفركتك غربه يلملكاك أهل

گلي لو زعلان أجيلك
وآلله أراضي الدنيا كلها
الما زعل والي زعل
........
سماء :هناا المشكلة يعني شنو هالشغل الي يخليهم يقبلون اسافر وحدي هااا لا تبرر واكصها لايدي اذا ماطلع الي ببالي

رافد :استغفرالله بنتي شنو الي ببالج يعني قابل الحجي والحجية يجذبون عليج هدي اشويه فعلا الحجي مشغول ليش جاي تسوين مشاكل

سماء :لان اكو شي واني واثقة بس المشكلة مجاي اكدر الكه مربط السالفة بس على منو على سماء الي ماتوكف يم شغلة بس لووو

رافد :أي الحجي وياج ماله نهاية اروح اني أحسن الي والج اذا ردتي شي خابريني

سماء.رافد راح لشقته واني بقيت الف فكرة براسي مجاي تدخل سالفة الشغل ببالي اكو شي والسبب صار اسبوع همه مشغولين ويطلعون اهواي ومن اسأل عنده صديق مريض يااخي ماتدخل العقل بس شسوي قررت اطلع اتمشى اشويه لان اعصابي فوول
دخلت سبحت ولبست تونك تفاحي وشال وجنطة وحذاء ابيض ماخبرت رافد وطلعت من الفندق طبعا مااعرف أي أحد هنا تمشيت بالقاهرة مكان حلو اهواي أشياء مشتركة بينه وبينهم مثل الاسواق الشعبية المناطق عندي رقم خيرية اتصلت بيها

...الووو

خيرية :الوو مين معاياي

سماء :شنو معرفتيني خيرية

خيرية :ينهار ابيض ست سماء اني مش مصدأ نفسي انتي بكد

سماء :هههه أي نعم اني بشحمي ولحمي اشلونها المفاجئ

خيرية :اصلها روعه انتي فين تلوئتي

سماء :مااعرف بس بالقاهرة وجاي افتر انتي وين

خيرية :طب ازاي اعرف انتي فين اا في محل او راكل تسألي

سماء.سألت مرة جاي تمشي وخبرتني
..عرفتي اني وين

خيرية :ايوه عرفت بصي شويه وهاجيكي تمام

سماء :ماشي تمام 
شفت حديقة كعدت بيها طبعا سويت وضع طيران مااريد أي اتصال ولا احد يراسل لان صدوك الوضع صار يزعجني واني ماادري احس نفسي عايشة بوهم كابوس مجاي اكدر اطلع منه يعني منين مااصفن الكه روحي بمتاهه وكلما افكر الكه حل تتعقد السالفة أكثر
ماادري شنو مضموم وفعلا  كلام رافد صح اني اتوهم بس ليش الي جاي اشوفه مو وهم انتبهت على شخص كعد يمي

..هلااا خيرية اشلونج

خيرية :نشكر ربنا انتي ازيك يست الكل دا انا افرحت اووي

سماء :اني همين فرحت شخبارج

خيرية :أنا اكويسه ازيك هو الحك والحكة امال فين